‘ਆਪ’ ਪੰਜਾਬ ਮੀਡੀਆ ਇੰਚਾਰਜ ਬਲਤੇਜ ਪੰਨੂ ਨੇ ਅਦਾਕਾਰ-ਗਾਇਕ ਦਿਲਜੀਤ ਦੋਸਾਂਝ ਦੀ ਫ਼ਿਲਮ ‘ਸਤਲੁਜ’ ਨੂੰ ਸਿਰਫ਼ ਦੋ ਦਿਨਾਂ ਦੇ ਅੰਦਰ OTT ਪਲੇਟਫਾਰਮ ਤੋਂ ਹਟਾਏ ਜਾਣ ਦੀ ਨਿਖੇਧੀ ਕੀਤੀ ਹੈ। ਉਨ੍ਹਾਂ ਕਿਹਾ, ਸਤਲੁਜ ਫ਼ਿਲਮ ਦੀ ਕਹਾਣੀ ਇੱਕ ਮਨੁੱਖੀ ਅਧਿਕਾਰਾਂ ਦੇ ਰਾਖੇ ਦੀ ਕਹਾਣੀ ਹੈ। ਇੱਕ ਫ਼ਿਲਮ ਨੂੰ ਬੈਨ ਕਰਕੇ ਤੁਸੀਂ ਅਸਲੀਅਤ ਨੂੰ ਰੋਕ ਨਹੀਂ ਸਕਦੇ। ਫ਼ਿਲਮ ਨੂੰ OTT ਤੋਂ ਹਟਾਉਣਾ ਮਨੁੱਖੀ ਅਧਿਕਾਰਾਂ ਦੀ ਆਵਾਜ਼ ਨੂੰ ਦਬਾਉਣ ਦੀ ਕੋਸ਼ਿਸ਼ ਹੈ।
ਬਲਤੇਜ ਪੰਨੂ ਨੇ ਕਿਹਾ ਦਿਲਜੀਤ ਦੀ ਫ਼ਿਲਮ ਸਤਲੁਜ OTT ਤੋਂ ਕਿਸਨੇ ਬੈਨ ਕਰਵਾਈ, ਕਿਉਂ ਬੈਨ ਕਰਵਾਈ, ਇਹ ਵੱਡੇ ਸਵਾਲ ਹਨ। ਕੀ ਇਹ ਫ਼ਿਲਮ ਕਾਂਗਰਸ ਨੇ ਬੈਨ ਕਰਵਾਈ ਜਾਂ ਭਾਜਪਾ ਨੇ ? ਅਜੋਕੇ ਡਿਜੀਟਲ ਯੁਗ ‘ਚ ਨਵੀਂ ਪੀੜ੍ਹੀ ਨੂੰ ਇਤਿਹਾਸ ਦੱਸਣ ਦਾ ਇੱਕ ਢੰਗ ਹੈ ਫ਼ਿਲਮਾਂ! ਪੰਜਾਬ ਦੀ ਨਵੀਂ ਪੀੜ੍ਹੀ ਜਾਣਨਾ ਚਾਹੁੰਦੀ ਹੈ ਕਿ 1978, 1984 ਵਰਗੇ ਕਿਹੜੇ ਦੌਰ ‘ਚ ਕੀ-ਕੀ ਹੋਇਆ। ਫ਼ਿਲਮਾਂ ਇਸ ਇਤਿਹਾਸ ਬਾਰੇ ਦੱਸਣ ਦਾ ਇੱਕ ਤਰੀਕਾ ਹਨ ਅਤੇ ਇਸੇ ਲੜੀ ਵਿੱਚ ਮਰਹੂਮ ਜਸਵੰਤ ਸਿੰਘ ਖਾਲੜਾ ਦੇ ਜੀਵਨ ਨਾਲ਼ ਸੰਬੰਧਿਤ ਇੱਕ ਫ਼ਿਲਮ ਬੀਤੇ ਦਿਨੀਂ ਬੜੇ ਸਵਾਲਾਂ ਤੇ ਵਿਵਾਦਾਂ ਤੋਂ ਬਾਅਦ ਰਿਲੀਜ਼ ਹੋਈ।
ਇਹ ਵੀ ਪੜ੍ਹੋ : ਫੁੱਟਬਾਲਰ Neymar ਨੇ ਲਿਆ ਸੰਨਿਆਸ, ਬ੍ਰਾਜ਼ੀਲ ਦੇ ਵਿਸ਼ਵ ਕੱਪ ਤੋਂ ਬਾਹਰ ਹੋਣ ਮਗਰੋਂ ਲਿਆ ਫੈਸਲਾ
ਬਲਤੇਜ ਪੰਨੂ ਨੇ ਅੱਗੇ ਕਿਹਾ ਕਿ ਜੇ ਇਸ ਤਰ੍ਹਾਂ ਦੀਆਂ ਫ਼ਿਲਮਾਂ ਨਹੀਂ ਚੱਲਣਗੀਆਂ ਤਾਂ ਨੌਜਵਾਨਾਂ ਨੂੰ ਇਤਿਹਾਸ ਕੌਣ ਦੱਸੇਗਾ? ਵਿਰੋਧੀ ਧਿਰਾਂ ਨੇ ਨਾਲ ਮਿਲ ਕੇ ਫ਼ਿਲਮ ਨੂੰ ਰੋਕਿਆ ਹੈ। ਵਿਰੋਧੀ ਧਿਰ ਨੌਜਵਾਨਾਂ ਨੂੰ ਇਤਿਹਾਸ ਨਹੀਂ ਦਿਖਾਉਣਾ ਚਾਹੁੰਦੀ। ਕੀ ਜੋ ਵਿਰੋਧੀ ਧਿਰ ਕਹੇਗੀ ਓਹੀ ਲੋਕਾਂ ਨੂੰ ਦਿਖਾਇਆ ਜਾਵੇਗਾ ? ਫ਼ਿਲਮ ਸਤਲੁਜ ਨੂੰ OTT ਤੋਂ ਨਹੀਂ ਹਟਾਉਣਾ ਚਾਹੀਦਾ ਸੀ ਸਗੋਂ ਇਹ ਫਿਲਮ ਆਮ ਲੋਕਾਂ ਨੂੰ ਖੁੱਲੇਆਮ ਦਿਖਾਉਣੀ ਚਾਹੀਦੀ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
