ਮੀਂਹ ਦਾ ਮੌਸਮ ਆਪਣੇ ਨਾਲ ਠੰਡੀਆਂ ਹਵਾਵਾਂ ਜ਼ਰੂਰ ਲੈ ਕੇ ਆਉਂਦਾ ਹੈ ਪਰ ਇਹੀ ਮੌਸਮ ਪੇਟ ਨਾਲ ਜੁੜੀਆਂ ਕਈ ਬੀਮਾਰੀਆਂ ਦਾ ਖਤਰਾ ਵੀ ਵਧਾ ਦਿੰਦਾ ਹੈ। ਮਾਨਸੂਨ ਦੌਰਾਨ ਉਲਟੀ, ਦਸਤ, ਫੂਡ ਪੁਆਈਜ਼ਨਿੰਗ, ਟਾਈਫਾਈਡ ਤੇ ਹੈਪੇਟਾਈਟਸ ਏ ਵਰਗੇ ਇੰਫੈਕਸ਼ਨ ਦੇ ਮਾਮਲੇ ਤੇਜ਼ੀ ਨਾਲ ਵਧਦੇ ਹਨ।
ਇਸ ਦੀ ਸਭ ਤੋਂ ਵੱਡੀ ਵਜ੍ਹਾ ਮੀਂਹ ਦੌਰਾਨ ਪਾਣੀ ਦਾ ਦੂਸ਼ਿਤ ਹੋਣਾ, ਨਮੀ ਕਾਰਨ ਬੈਕਟੀਰੀਆ ਤੇ ਵਾਇਰਸ ਦਾ ਤੇਜ਼ੀ ਨਾਲ ਵਧਣਾ ਤੇ ਖੁੱਲ੍ਹੇ ਵਿਚ ਰੱਖਿਆ ਖਾਣਾ ਜਲਦੀ ਖਰਾਬ ਹੋਣਾ ਹੈ। ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਮਾਨਸੂਨ ਵਿਚ ਕੁਝ ਛੋਟੀਆਂ-ਛੋਟੀਆਂ ਸਾਵਧਾਨੀਆਂ ਅਪਣਾ ਕੇ ਇਸ ਇੰਫੈਕਸ਼ਨ ਤੋਂ ਬਚਿਆ ਜਾ ਸਕਦਾ ਹੈ।
ਸਭ ਤੋਂ ਪਹਿਲਾਂ ਪੀਣ ਦੇ ਪਾਣੀ ‘ਤੇ ਧਿਆਨ ਦਿਓ
ਮਾਨਸੂਨ ਵਿਚ ਪੇਟ ਦੇ ਜ਼ਿਆਦਾਤਰ ਇੰਫੈਕਸ਼ਨ ਦੂਸ਼ਿਤ ਪਾਣੀ ਦੀ ਵਜ੍ਹਾ ਤੋਂ ਹੁੰਦੇ ਹਨ। ਭਾਰੀ ਮੀਂਹ ਦੌਰਾਨ ਬੈਕਟੀਰੀਆ ਸੀਵਰ ਦਾ ਪਾਣੀ ਤੇ ਗੰਦੇ ਪੀਣ ਦੇ ਪਾਣੀ ਦੇ ਸੋਰਸ ਤੱਕ ਪਹੁੰਚ ਸਕਦੇ ਹਨ। ਅਜਿਹੇ ਵਿਚ ਸਾਫ ਦਿਖਣ ਵਾਲਾ ਪਾਣੀ ਵੀ ਪੂਰੀ ਤਰ੍ਹਾਂ ਸੁਰੱਖਿਅਤ ਹੋਵੇ, ਇਹ ਜ਼ਰੂਰੀ ਨਹੀਂ ਹੈ। ਡਾਕਟਰਾਂ ਮੁਤਾਬਕ ਹਮੇਸ਼ਾ ਉਬਲਿਆ ਹੋਇਆ, ਫਿਲਟਰ ਜਾਂ ਪੈਕਡ ਪਾਣੀ ਹੀ ਪੀਣਾ ਚਾਹੀਦਾ ਹੈ। ਜੇਕਰ ਪਾਣੀ ਦੀ ਕੁਆਲਟੀ ਨੂੰ ਲੈ ਕੇ ਸ਼ੱਕ ਹੋਵੇ ਤਾਂ ਚੰਗੇ ਵਾਟਰ ਪਿਊਰੀਫਾਇਰ ਦਾ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਡਾਕਟਰ ਇਹ ਵੀ ਸਲਾਹ ਦਿੰਦੇ ਹਨ ਕਿ ਬਾਹਰ ਦਾ ਪਾਣੀ ਜਾਂ ਬਾਹਰ ਦੇ ਡ੍ਰਿੰਕ ਪੀਣ ਤੋਂ ਬਚਣਾ ਚਾਹੀਦਾ ਹੈ ਤੇ ਆਪਣੇ ਨਾਲ ਪੀਣ ਦਾ ਪਾਣੀ ਹਮੇਸ਼ਾ ਰੱਖਣਾ ਫਾਇਦੇਮੰਦ ਹੁੰਦਾ ਹੈ।
ਤਾਜ਼ਾ ਤੇ ਘਰ ਦਾ ਬਣਿਆ ਖਾਣਾ ਸਭ ਤੋਂ ਸੁਰੱਖਿਅਤ
ਡਾਕਟਰਾਂ ਮੁਤਾਬਕ ਮੀਂਹ ਦੇ ਮੌਸਮ ਵਿਚ ਲੰਬੇ ਸਮੇਂ ਤੱਕ ਖੁੱਲ੍ਹੇ ਵਿਚ ਰੱਖਿਆ ਭੋਜਨ ਖਾਣ ਤੋਂ ਬਚਣਾ ਚਾਹੀਦਾ ਹੈ। ਨਮੀ ਕਾਰਨ ਬੈਕਟੀਰੀਆ ਤੇ ਦੂਜੇ ਸੂਖਮ ਜੀਵ ਤੇਜ਼ੀ ਨਾਲ ਵਧਦੇ ਹਨ ਜਿਸ ਨਾਲ ਭੋਜਨ ਦੂਸ਼ਿਤ ਹੋ ਸਕਦਾ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਘਰ ਦਾ ਤਾਜ਼ਾ ਬਣਿਆ ਭੋਜਨ ਸਭ ਤੋਂ ਸੁਰੱਖਿਅਤ ਰਹਿੰਦਾ ਹੈ। ਸੜਕ ਕਿਨਾਰ ਮਿਲਣ ਵਾਲੇ ਖੁੱਲ੍ਹੇ ਖਾਧਾ ਪਦਾਰਥ, ਪਹਿਲਾਂ ਤੋਂ ਕੱਟੇ ਹੋਏ ਫਲ ਤੇ ਲੰਬੇ ਸਮੇਂ ਤੋਂ ਬਾਹਰ ਰੱਖੇ ਸਨੈਕਸ ਖਾਣ ਤੋਂ ਬਚਣਾ ਚਾਹੀਦਾ ਹੈ ਕਿਉਂਕਿ ਇਸ ਵਿਚ ਇੰਫੈਕਸ਼ਨ ਦਾ ਖਤਰਾ ਵੱਧ ਹੁੰਦਾ ਹੈ।
ਫਲ ਤੇ ਸਬਜ਼ੀਆਂ ਨੂੰ ਚੰਗੀ ਤਰ੍ਹਾਂ ਧੋਣਾ ਜ਼ਰੂਰੀ
ਅਕਸਰ ਲੋਕ ਫਲ ਤੇ ਸਬਜ਼ੀਆਂ ਨੂੰ ਸਿਰਫ ਪਾਣੀ ਨਾਲ ਧੋ ਕੇ ਇਸਤੇਮਾਲ ਕਰ ਲੈਂਦੇ ਹਨ ਪਰ ਮਾਨਸੂਨ ਵਿਚ ਇੰਨੀ ਸਾਵਧਾਨੀ ਕਾਫੀ ਨਹੀਂ ਹੈ। ਇਨ੍ਹਾਂ ਉਪਰ ਮਿੱਟੀ, ਕੀਟਨਾਸ਼ਕ ਤੇ ਕਈ ਤਰ੍ਹਾਂ ਦੇ ਸੂਖਮ ਜੀਵ ਮੌਜੂਦ ਹੋ ਸਕਦੇ ਹਨ। ਲੋੜ ਪੈਣ ‘ਤੇ ਫਲ ਤੇ ਸਬਜ਼ੀਆਂ ਨੂੰ ਕੁਝ ਮਿੰਟ ਲਈ ਸਿਰਕੇ ਵਾਲੇ ਪਾਣੀ ਵਿਚ ਭਿਉਂ ਕੇ ਸਾਫ ਕੀਤਾ ਜਾ ਸਕਦਾ ਹੈ।
ਹੱਥ ਧੋਣ ਦੀ ਆਦਤ ਬਚਾਅ ਦਾ ਅਸਰਦਾਰ ਤਰੀਕਾ
ਡਾਕਟਰਾਂ ਮੁਤਾਬਕ ਹੱਥ ਧੋਣਾ ਇੰਫੈਕਸ਼ਨ ਤੋਂ ਬਚਾਅ ਦਾ ਸਭ ਤੋਂ ਆਸਾਨ ਤੇ ਅਸਰਦਾਰ ਤਰੀਕਾ ਹੈ। ਖਾਣਾ ਬਣਾਉਣ ਤੋਂ ਪਹਿਲਾਂ, ਟਾਇਲਟ ਦੇ ਇਸਤੇਮਾਲ ਤੋਂ ਬਾਅਦ ਤੇ ਬਾਹਰ ਤੋਂ ਆਉਣ ‘ਤੇ ਸਾਬੁਣ ਨਾਲ ਚੰਗੀ ਤਰ੍ਹਾਂ ਹੱਥ ਧੋਣੇ ਚਾਹੀਦੇ ਹਨ। ਦੂਜੇ ਪਾਸੇ ਜੇਕਰ ਕਿਸੇ ਵਿਅਕਤੀ ਨੂੰ ਦਸਤ ਜਾਂ ਉਲਟੀ ਦੀ ਸਮੱਸਿਆ ਹੋਵੇ ਤਾਂ ਸਰੀਰ ਵਿਚ ਪਾਣੀ ਦੀ ਕਮੀ ਨਾ ਹੋਣ ਦਿਓ। ਹਲਕਾ ਭੋਜਨ ਕਰੋ ਤੇ ਜ਼ਿਆਦਾ ਮਾਤਰਾ ਵਿਚ ਤਰਲ ਪਦਾਰਥ ਲਓ।
ਵੀਡੀਓ ਲਈ ਕਲਿੱਕ ਕਰੋ -:
