ਘਟਨਾ ਪਜਪਦਰਾ ਖੇਤਰ ਦੇ ਨਵੇਈ ਪਿੰਡ ਵਿਚ ਵਾਪਰੀ ਹੈ। ਇਕ ਕਿਸਾਨ ਨੇ ਘਰ ਬਣਾਉਣ ਲਈ ਚੋਰੀ ਦੇ ਡਰ ਤੋਂ 5 ਲੱਖ ਰੁਪਿਆ ਆਪਣੇ ਹੀ ਖੇਤ ਵਿਚ ਦੱਬ ਦਿੱਤੇ ਪਰ ਬਾਅਦ ਵਿਚ ਉਹ ਭੁੱਲ ਜਾਂਦਾ ਹੈ ਕਿ 10 ਵਿੱਘੇ ਜ਼ਮੀਨ ਵਿਚ ਉਸ ਨੇ ਇਹ ਪੈਸੇ ਕਿਥੇ ਛੁਪਾਏ ਹਨ। ਫਿਰ ਬੀਜਾਈ ਦੇ ਕੰਮ ਦੌਰਾਨ ਜਦੋਂ ਉਸ ਨੂੰ ਪੈਸੇ ਲੱਭੇ ਪਰ ਉਦੋਂ ਤੱਕ ਸਿਉਂਕ ਨੇ ਪੈਸਿਆਂ ਨੂੰ ਖਾ ਲਿਆ। ਨੋਟ ਟੁਕੜਿਆਂ ਵਿਚ ਟੁੱਟ ਗਏ ਤੇ ਹੁਣ ਕਿਸਾਨ ਪੈਸਿਆਂ ਨੂੰ ਬਦਲਣ ਲਈ ਬੈਂਕ ਦੇ ਚੱਕਰ ਲਗਾ ਰਿਹਾ ਹੈ।
ਕਿਸਾਨ ਮੰਗੀ ਲਾਲ ਨੇ ਦੱਸਿਆ ਕਿ ਬੀਤੀ 7 ਅਗਸਤ ਨੂੰ ਉਸ ਨੂੰ ਫਸਲ ਬੀਜਦੇ ਸਮੇਂ ਪੈਸਿਆਂ ਨਾਲ ਭਰਿਆ ਹੋਇਆ ਬੈਗ ਮਿਲਿਆ ਜਿਸ ਵਿਚ ਸਿਰਫ 500 ਦੇ ਨੋਟ ਸਨ। ਉਸ ਨੇ ਚੋਰੀ ਦੇ ਡਰੋਂ ਜ਼ਮੀਨ ਦਾ ਇਕ ਟੁਕੜਾ ਵੇਚ ਕੇ 5 ਲੱਖ ਰੁਪਏ ਖੇਤਾਂ ਵਿਚ ਹੀ ਦੱਬ ਦਿੱਤੇ ਸਨ। ਪਤਨੀ ਨੇ ਟਿੱਪਣੀ ਕੀਤੀ ਕਿ ਜੇਕਰ ਉਸ ਨੇ ਮੈਨੂੰ ਪਹਿਲਾਂ ਦੱਸਿਆ ਹੁੰਦਾ ਤਾਂ ਇੰਨੀ ਵੱਡੀ ਰਕਮ ਬਰਬਾਦ ਨਹੀਂ ਹੋਣੀ ਸੀ। ਕਿਸਾਨ ਮੰਗੀ ਲਾਲ ਖਰਾਬ ਹੋਏ ਪੈਸੇ SBI ਦੀ ਬ੍ਰਾਂਚ ਵਿਚ ਲੈ ਗਿਆ ਪਰ ਬੈਂਕ ਨੇ ਉਨ੍ਹਾਂ ਦੀ ਮਾੜੀ ਹਾਲਤ ਕਰਕੇ ਬਦਲਣ ਤੋਂ ਇਨਕਾਰ ਕਰ ਦਿੱਤਾ। ਕਿਸਾਨ ਦਾ ਪਦਪੰਦਰਾ ਵਿਚ ਉਸ ਦਾ ਇਕ ਪਲਾਟ ਹੈ ਜਿਸ ਨੂੰ ਇਕ ਸਾਲ ਪਹਿਲਾਂ ਉਸ ਨੇ ਮਕਾਨ ਦੀ ਉਸਾਰੀ ਲਈ ਵੇਚ ਦਿੱਤਾ ਸੀ।
ਇਹ ਵੀ ਪੜ੍ਹੋ : ‘ਮੈਨੂੰ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਪਰ ਮੈਂ ਦ੍ਰਿੜ੍ਹ ਰਹਾਂਗਾ’ ਨਵੀਂ ਜਾਰੀ ਵੀਡੀਓ ‘ਚ ਬੋਲੇ ਰਾਜਾ ਵੜਿੰਗ
ਚੋਰੀ ਦੇ ਡਰੋਂ ਉਸ ਨੇ ਵਿਕਰੀ ਤੋਂ ਮਿਲੀ ਰਕਮ ਵਿਚੋਂ 5 ਲੱਖ ਰੁਪਏ ਇਕ ਥੈਲੇ ਵਿਚ ਪਾ ਦਿੱਤੇ ਤੇ ਇਸ ਤੋਂ ਬਾਅਦ ਜਦੋਂ ਉਹ ਪੈਸੇ ਲੈਣ ਗਿਆ ਤਾਂ ਉਸ ਨੂੰ ਥਾਂ ਹੀ ਭੁੱਲ ਗਈ। ਜਦੋਂ ਉਸ ਨੇ ਆਪਣੇ ਪੁੱਤਰਾਂ ਨੂੰ ਦੱਸਿਆ ਤਾਂ ਉਨ੍ਹਾਂ ਵੱਲੋਂ 10 ਵਿਘੇ ਖੇਤਾਂ ਦੇ ਵੱਖ-ਵੱਖ ਹਿੱਸਿਆਂ ਨੂੰ ਪੁੱਟਿਆ ਪਰ ਕਿਤੋਂ ਵੀ ਪੈਸੇ ਨਹੀਂ ਮਿਲੇ। ਇਸ ਮਗਰੋਂ ਬੀਜਾਈ ਦੌਰਾਨ ਪੈਸਿਆਂ ਨਾਲ ਭਰਿਆ ਬੈਗ ਮਿਲ ਗਿਆ ਪਰ ਉਦੋਂ ਤੱਕ ਦੇਰ ਹੋ ਚੁੱਕੀ ਸੀ ਤੇ ਸਾਰੇ ਨੋਟ ਖਰਾਬ ਹੋ ਚੁੱਕੇ ਸਨ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
