ਭਾਰਤੀ ਪੁਲਾੜ ਖੋਜ ਸੰਗਠਨ (ISRO) ਨੇ ਵੀਰਵਾਰ ਦੇਰ ਰਾਤ 2.55 ਵਜੇ EOS-05 ਇਮੇਜਿੰਗ ਸੈਟੇਲਾਈਟ ਨੂੰ ਸਫਲਤਾਪੂਰਵਕ ਲਾਂਚ ਕੀਤਾ। ਇਸ ਨੂੰ ਸ਼੍ਰੀਹਰਿਕੋਟਾ ਤੋਂ GSLV-F17 ਰਾਕੇਟ ਜ਼ਰੀਏ ਪੁਲਾੜ ਵਿਚ ਭੇਜਿਆ ਗਿਆ। EOS-05 ਜਿਓਸਿੰਕ੍ਰੋਨਸ ਆਰਬਿਟ ਯਾਨੀ ਲਗਭਗ 36 ਹਜ਼ਾਰ ਕਿਲੋਮੀਟਰ ਦੀ ਉਚਾਈ ਤੋਂ ਫੋਟੋਆਂ ਲੈਣ ਵਾਲਾ ਭਾਰਤ ਦਾ ਪਹਿਲਾ ਸੈਟੇਲਾਈਟ ਹੈ। ਇਹ ਭਾਰਤ ਤੇ ਆਸ-ਪਾਸ ਦੇ ਵੱਡੇ ਇਲਾਕਿਆਂ ਦੀਆਂ ਤਸਵੀਰਾਂ ਲੈ ਸਕੇਗਾ
ਇਹ ਪਾਕਿਸਤਾਨ-ਚੀਨ ਸਰਹੱਦ ਸਣੇ ਰਣਨੀਤਕ ਇਲਾਕਿਆਂ ‘ਤੇ ਵੀ ਨਜ਼ਰ ਰੱਖੇਗਾ। ਇਸ ਤੋਂ ਇਲਾਵਾ ਸੰਕਟ ਦੀ ਨਿਗਰਾਨੀ ਤੇ ਸਮੇਂ ਰਹਿੰਦੇ ਚੇਤਾਵਨੀ ਦੇਣ ਵਿਚ ਵੀ ਮਦਦ ਕਰੇਗਾ। ਇਸਰੋ ਮੁਖੀ ਵੀ ਨਾਰਾਇਣ ਨੇ ਕਿਹਾ ਕਿ ਇਸ ਸਾਲ 6 ਹੋਰ ਮਿਸ਼ਨ ਲਾਂਚ ਕਰਨ ਦਾ ਟੀਚਾ ਹੈ। ISRO ਨੇ ਲਗਭਗ 8 ਮਹੀਨੇ ਬਾਅਦ ਕੋਈ ਮਿਸ਼ਨ ਲਾਂਚ ਕੀਤਾ। ਇਸ ਤੋਂ ਪਹਿਲਾਂ ਜਨਵਰੀ 2026 ਤੇ ਮਾਰਚ 2025 ਵਿਚ ਈਸਰੋ ਦੇ ਦੋ ਲਾਂਚ ਅਸਫਲ ਰਹੇ ਸਨ।
GSLV-F17 ਭਾਰਤ ਦੇ ਜਿਓਸਿੰਕ੍ਰੋਨਸ ਸੈਟੇਲਾਈਟ ਲਾਂਚ ਵ੍ਹੀਕਲ ਪ੍ਰੋਗਰਾਮ ਦੀ 19ਵੀਂ ਉਡਾਣ ਸੀ। EOS-05 ਨੂੰ ਸ੍ਰੀਹਰਿਕੋਟਾ ਸਥਿਤ ਸਤਸ਼ ਧਵਨ ਪੁਲਾੜ ਕੇਂਦਰ ਦੇ ਸੈਕੰਡ ਲਾਂਚ ਪੈਡ ਤੋਂ ਲਾਂਚ ਕੀਤਾ। EOS-0 ਲਾਂਚ ਦੇ ਲਗਭਗ 18ਮਿੰਟ ਬਾਅਦ ਸਬ-ਜਿਓਸਿੰਕ੍ਰੋਨਸ ਟਰਾਂਸਫਰ ਆਰਬਿਟ ਯਾਨੀ ਸਬ-ਜੀਟੀਓ ਵਿਚ ਪਹੁੰਚਾ ਦਿੱਤਾ ਗਿਆ। ਇਸ ਦੇ ਬਾਅਦ ਸੈਟੇਲਾਈਟ ਨੂੰ 36000 ਕਿਲੋਮੀਟਰ ‘ਤੇ ਮੌਜੂਦ ਆਪਣੀ ਅੰਤਿਮ ਕਲਾਸ ਤੱਕ ਪਹੁੰਚਣਾ ਹੈ।
ਇਹ ਵੀ ਪੜ੍ਹੋ : ਮਹਿਲਾ ਅੰਤਰਰਾਸ਼ਟਰੀ ਕ੍ਰਿਕਟ ’ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੀ ਕ੍ਰਿਕਟਰ ਬਣੀ ਸਮ੍ਰਿਤੀ ਮੰਧਾਨਾ, ਮਿਤਾਲੀ ਦਾ ਤੋੜਿਆ ਰਿਕਾਰਡ
ਇਸ ਮਿਸ਼ਨ ਦਾ ਉਦੇਸ਼ ਧਰਤੀ ਦੀ ਬੇਹੱਦ ਸਾਫ ਤੇ ਬਾਰੀਕ ਤਸਵੀਰਾਂ ਖਿੱਚਣਾ ਹੈ। ਇਸ ਦੇ ਨਾਲ ਹੀ ਹੜ੍ਹ, ਤੂਫਾਨ, ਜ਼ਮੀਨ ਖਿਸਕਣ ਤੇ ਜੰਗਲਾਂ ਦੀ ਅੱਗ ‘ਤੇ ਤੁਰੰਤ ਨਜ਼ਰ ਰੱਖਣਾ ਤਾਂਕਿ ਰਾਹਤ ਕੰਮ ਤੇਜ਼ੀ ਨਾਲ ਹੋ ਸਕਣ। ਫਸਲਾਂ ਦੀ ਸਿਹਤ, ਬੁਆਈ ਦੇ ਰਕਬੇ ਤੇ ਪੈਦਾਵਾਰ ਦਾ ਸਹੀ ਅੰਦਾਜ਼ਾ ਲਗਾਉਣਾ ਤੇ ਸ਼ਹਿਰਾਂ ਦੇ ਫੈਲਾਅ, ਨਿਰਮਾਣ ਕੰਮਾਂ ਤੇ ਸਮੁੰਦਰੀ ਕਿਨਾਰਿਆਂ ਦੀ ਨਿਗਰਾਨੀ ਕਰਨਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
