ਕੱਚਾ ਤੇਲ ਯਾਨੀ ਕਰੂਡ ਆਇਲ ਦੀ ਕੀਮਤ 100 ਡਾਲਰ ਪ੍ਰਤੀ ਬੈਰਲ ਦੇ ਪਾਰ ਪਹੁੰਚ ਗਈ ਹੈ। ਇਸ ਦੀ ਵਜ੍ਹਾ ਅਮਰੀਕਾ-ਈਰਾਨ ਦੇ ਵਿਚ ਫਿਰ ਤਣਾਅ ਵਧਦਾ ਦੱਸਿਆ ਜਾ ਰਿਹਾ ਹੈ। ਇਸ ਵਾਧੇ ਦੇ ਪਹਿਲਾਂ ਕਰੂਡ ਦੀ ਕੀਮਤ 98 ਬੈਰਲ ਪ੍ਰਤੀ ਡਾਲਰ ਸੀ। ਇਸ ਤੋਂ ਪਹਿਲਾਂ 24 ਜੁਲਾਈ ਨੂੰ ਕਰੂਡ ਦਾ ਰੇਟ 100ਬੈਰਲ ਪ੍ਰਤੀ ਡਾਲਰ ਪਹੁੰਚਿਆ ਸੀ। ਜੇਕਰ ਕੱਚੇ ਤੇਲ ਦੇ ਰੇਟ ਇੰਝ ਹੀ ਵਧਦੇ ਰਹੇ ਤਾਂ ਇਸ ਨਾਲ ਪੈਟਰੋਲ-ਡੀਜ਼ਲ ਤੇ LPG ਦੇ ਰੇਟ ਵਧ ਸਕਦੇ ਹਨ।
ਤੇਲ ਦੀਆਂ ਕੀਮਤਾਂ ਵਿਚ ਇਸ ਤਾਜ਼ੇ ਉਛਾਲ ਦੀ ਮੁੱਖ ਵਜ੍ਹਾ ਅਮਰੀਕਾ ਤੇ ਈਰਾਨ ਦੇ ਵਿਚ ਸ਼ੁਰੂ ਹੋਈ ਨਵੀਂ ਫੌਜੀ ਝੜਪਾਂ ਹਨ। US ਸੈਂਟਰਲ ਕਮਾਂਡ ਨੇ ਬਿਆਨ ਜਾਰੀ ਕਰਕੇ ਦੱਸਿਆ ਕਿ ਅਮਰੀਕੀ ਫੌਜ ਨੇ ਈਰਾਨ ਦੇ 5 ਤੇਲ ਟੈਂਕਰਾਂ ਨੂੰ ਨਸ਼ਟ ਕਰ ਦਿੱਤਾ। ਅਮਰੀਕਾ ਦਾ ਦਾਅਵਾ ਹੈ ਕਿ ਉਸ ਨੇ ਇਹ ਕਾਰਵਾਈ ਈਰਾਨ ਦੇ ਇਸਲਾਮਿਕ ਰੇਵੋਲਿਊਸ਼ਨਰੀ ਗਾਰਡ ਕਾਰਪਸ ਵੱਲੋਂ ਅਮਰੀਕੀ ਜਲ ਸੈਨਾ ਦੇ ਜੰਗੀ ਬੇੜੇ ‘ਤੇ ਬੈਲਿਸਟਿਕ ਮਿਜ਼ਾਈਲ ਹਮਲੇ ਦੇ ਜਵਾਬ ਵਿੱਚ ਕੀਤਾ ਗਿਆ ਸੀ।
ਕੱਚੇ ਤੇਲ ਦੀਆਂ ਕੀਮਤਾਂ ਵਧਣ ਦਾ ਸਭ ਤੋਂ ਵੱਡਾ ਕਾਰਨ ‘ਸਟ੍ਰੇਟ ਆਫ ਹੋਰਮੁਜ’ ਦਾ ਬੰਦ ਹੋਣਾ ਹੈ। ਇਹ ਲਗਭਗ 167 ਕਿਲੋਮੀਟਰ ਲੰਬਾ ਜਲਮਾਰਗ ਹੈ ਜੋ ਫਾਰਸ ਦੀ ਖਾੜੀ ਨੂੰ ਅਰਬ ਸਾਗਰ ਨਾਲ ਜੋੜਦਾ ਹੈ। ਈਰਾਨ ਜੰਗ ਕਾਰਨ ਇਹ ਰੂਟ ਹੁਣ ਸੁਰੱਖਿਅਤ ਨਹੀਂ ਰਿਹਾ ਹੈ। ਖਤਰੇ ਨੂੰ ਦੇਖਦੇ ਹੋਏ ਕੋਈ ਵੀ ਤੇਲ ਟੈਂਕਰ ਇਥੋਂ ਹੋ ਕੇ ਨਹੀਂ ਲੰਘਦਾ।
ਇਹ ਵੀ ਪੜ੍ਹੋ : Apple ਦਾ ਪਹਿਲਾ ਫੋਲਡ iPhone Duo ਲਾਂਚ, ਸ਼ੁਰੂਆਤੀ ਕੀਮਤ 3 ਲੱਖ ਰੁਪਏ, 12 ਸਤੰਬਰ ਤੋਂ ਪ੍ਰੀ ਬੂਕਿੰਗ ਹੋਵੇਗੀ ਸ਼ੁਰੂ
ਦੁਨੀਆ ਦੇ ਕੁੱਲ ਪੈਟਰੋਲੀਅਮ ਦਾ 20 ਫੀਸਦੀ ਹਿੱਸਾ ਇਥੋਂ ਹੀ ਲੰਘਦਾ ਹੈ। ਸਾਊਦੀ ਅਰਬ, ਇਰਾਕ ਤੇ ਕੁਵੈਤ ਵਰਗੇ ਦੇਸ਼ ਵੀ ਆਪਣੇ ਨਿਰਯਾਤ ਲਈ ਇਸੇ ‘ਤੇ ਨਿਰਭਰ ਹਨ। ਭਾਰਤ ਆਪਣੀ ਜ਼ਰੂਰਤ ਦਾ 50 ਫੀਸਦੀ ਕੱਚਾ ਤੇਲ ਤੇ 54 ਫੀਸਦੀ LPG ਇਸੇ ਰਸਤੇ ਤੋਂ ਮੰਗਵਾਉਂਦਾ ਹੈ। ਈਰਾਨ ਖੁਦ ਇਸੇ ਰੂਟ ਤੋਂ ਐਕਸਪੋਰਟ ਕਰਦਾ ਹੈ। ਦੱਸ ਦੇਈਏ ਕਿ ਬੀਤੇ 1 ਮਹੀਨੇ ਵਿਚ ਕੱਚੇ ਤੇਲ ਦੇ ਰੇਟ ਵਿਚ 22 ਫੀਸਦੀ ਦੀ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। 10 ਅਗਸਤ ਨੂੰ ਕੱਚੇ ਤੇਲ ਦੀਆਂ ਕੀਮਤਾਂ 82 ਡਾਲਰ ਪ੍ਰਤੀ ਬੈਰਲ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
