ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ੁੱਕਰਵਾਰ ਨੂੰ ਨਵੀਂ ਦਿੱਲੀ ਦੇ ਦੀਨ ਦਿਆਲ ਉਪਾਧਿਆਏ ਪਾਰਕ ਵਿਖੇ ਆਯੋਜਿਤ “ਭਜਨ ਕਲੱਬਿੰਗ” ਪ੍ਰੋਗਰਾਮ ਵਿੱਚ ਹਿੱਸਾ ਲਿਆ। ਇਹ ਪ੍ਰੋਗਰਾਮ ਭਾਰਤੀ ਜਨ ਸੰਘ ਦੇ ਨੇਤਾ ਅਤੇ ਭਾਜਪਾ ਦੇ ਵਿਚਾਰਧਾਰਕ ਪੰਡਿਤ ਦੀਨ ਦਿਆਲ ਉਪਾਧਿਆਏ ਦੀ 110ਵੀਂ ਜਯੰਤੀ ਨੂੰ ਮਨਾਉਣ ਲਈ ਆਯੋਜਿਤ ਕੀਤਾ ਗਿਆ ਸੀ। ਭਗਤੀ ਸੰਗੀਤ ਪ੍ਰੋਗਰਾਮ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਦਰਸ਼ਕਾਂ ਦੇ ਵਿਚਕਾਰ ਬੈਠੇ ਸਨ ਤੇ ਕਲਾਕਾਰਾਂ ਦੇ ਨਾਲ ਮਿਲ ਕੇ ਰਾਮ ਭਜਨ ਦੇ ਨਾਲ ਗੀਤ ਗਾਉਂਦੇ ਦਿਸੇ ਤੇ ਤਾੜੀਆਂ ਵਜਾਈਆਂ।
ਜੈਨ ਜੀ ਨਾਲ ਪ੍ਰਧਾਨ ਮੰਤਰੀ ਮੋਦੀ “ਮਚ ਗਿਆ ਸ਼ੋਰ ਸਾਰੀ ਨਗਰੀ ਰੇ,” “ਆਰਤੀ ਕੁੰਜ ਬਿਹਾਰੀ ਕੀ,” ਵਰਗੇ ਭਜਨਾਂ ‘ਤੇ ਝੂਮੇ। ਇਸ ਦੌਰਾਨ ਪੀਐਮ ਮੋਦੀ ਭਜਨ ਵਿੱਚ ਲੀਨ ਹੁੰਦੇ ਹੋਏ ਖੰਜਰੀ ਵਜਾਉਂਦੇ ਨਜ਼ਰ ਆਏ। ਦਰਸ਼ਕਾਂ ਵਿੱਚ ਵੱਡੀ ਗਿਣਤੀ ਵਿੱਚ ਨੌਜਵਾਨ ਸ਼ਾਮਲ ਸਨ, ਜਿਨ੍ਹਾਂ ਨੇ ਤਾੜੀਆਂ ਵਜਾ ਕੇ ਅਤੇ ਨਾਲ ਗਾ ਕੇ ਗਾਇਕਾਂ ਦਾ ਹੌਸਲਾ ਵਧਾਇਆ। ਪ੍ਰਧਾਨ ਮੰਤਰੀ ਨੇ ਸਮਾਗਮ ਸਥਾਨ ‘ਤੇ ਪਹੁੰਚਣ ‘ਤੇ ਭੀੜ ਨੂੰ ਹੱਥ ਹਿਲਾਇਆ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਦੀਨ ਦਿਆਲ ਉਪਾਧਿਆਏ ਨੂੰ ਸ਼ਰਧਾਂਜਲੀ ਦਿੱਤੀ ਅਤੇ ਉਨ੍ਹਾਂ ਦੇ “ਅੰਤਯੋਦਯ” ਦੇ ਦਰਸ਼ਨ ਬਾਰੇ ਗੱਲ ਕੀਤੀ।
ਦੱਸ ਦੇਈਏ ਕਿ “ਭਜਨ ਕਲੱਬਿੰਗ” ਇੱਕ ਕਾਂਸਰਟ ਵਰਗਾ ਮਾਹੌਲ, ਜਿਸ ਵਿਚ ਭਗਤੀ ਸੰਗੀਤ ਦੇ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਜਾਂਦਾ ਹੈ ਅਤੇ ਇਸ ਵਿਚ ਖਾਸ ਕਰ ਨੌਜਵਾਨ ਭਜਨ ਗਾਉਣ ਤੇ ਸੁਣਨ ਲਈ ਇਕੱਠੇ ਆਉਂਦੇ ਹਨ। ਭਜਨ ਕਲੱਬਿੰਗ ਵਿਚ ਅਕਸਰ ਲਾਈਵ ਬੈਂਡ, ਆਧੁਨਿਕ ਸੰਗੀਤ ਵਿਵਸਥਾ, ਲਾਈਟਿੰਗ ਤੇ ਜੋਸ਼ ਭਰਿਆ ਮਾਹੌਲ ਹੁੰਦਾ ਹੈ। ਇਸ ਜੋਸ਼ ਭਰੇ ਮਾਹੌਲ ਵਿੱਚ ਸਾਰੇ ਮਿਲ ਕੇ ਭਜਨ ਗਾਉਂਦੇ, ਝੂਮਦੇ ਹਨ। ਆਮ ਕਲੱਬ ਈਵੈਂਡ ਦੇ ਉਲਟ, ਇਹ ਪ੍ਰੋਗਰਾਮ ਭਗਤੀ ਸੰਗੀਤ ‘ਤੇ ਕੇਂਦ੍ਰਿਤ ਹੁੰਦਾ ਹੈ। ਰਵਾਇਤੀ ਭਜਨਾਂ ਤੇ ਕੀਰਤਨਾਂ ਨੂੰ ਆਧੁਨਿਕ ਅੰਦਾਜ਼ ਵਿਚ ਪੇਸ਼ ਕਰਨ ਕਾਰਨ ਇਸ ਤਰ੍ਹਾਂ ਦੇ ਪ੍ਰੋਗਰਾਮਾਂ ਵਿਚ ਨੌਜਵਾਨ ਦਰਸ਼ਕਾਂ, ਖਾਸਕਰ Gen-Z ਵਿਚਾਲੇ ਕਾਫੀ ਲੋਕਪ੍ਰਿਯਤਾ ਹਾਸਲ ਹੈ।
ਇਹ ਵੀ ਪੜ੍ਹੋ : ‘ਮਚ ਗਿਆ ਸ਼ੋਰ ਸਾਰੀ ਨਗਰੀ ਰੇ…’, PM ਮੋਦੀ ਨੇ Gen-Z ਨਾਲ ਕੀਤੀ ਭਜਨ ਕਲੱਬਿੰਗ, ਵਜਾਈ ਖੰਜਰੀ
ਪ੍ਰਧਾਨ ਮੰਤਰੀ ਮੋਦੀ ਨੇ ਇਸ ਸਾਲ ਦੇ ਸ਼ੁਰੂ ਵਿੱਚ ਆਪਣੇ ‘ਮਨ ਕੀ ਬਾਤ’ ਪ੍ਰੋਗਰਾਮ ਵਿੱਚ ਭਜਨ ਕਲੱਬਿੰਗ ਰੁਝਾਨ ਬਾਰੇ ਗੱਲ ਕੀਤੀ। ਉਨ੍ਹਾਂ ਕਿਹਾ ਸੀ ਕਿ ਨੌਜਵਾਨਾਂ ਵਿੱਚ ਵੱਧ ਰਹੀ ਦਿਲਚਸਪੀ ਅਧਿਆਤਮਿਕਤਾ, ਸੱਭਿਆਚਾਰ ਅਤੇ ਆਧੁਨਿਕਤਾ ਦਾ ਮਿਲਿਆ-ਜੁਲਿਆ ਰੂਪ ਹੈ। ਉਨ੍ਹਾਂ ਨੇ ਅਜਿਹੇ ਸਮਾਗਮਾਂ ਦੇ ਮਾਹੌਲ ਦੀ ਤੁਲਨਾ ਇੱਕ ਗਲੋਬਲ ਕੰਸਰਟ ਨਾਲ ਵੀ ਕੀਤੀ। ਉਦੋਂ ਤੋਂ ਇਹ ਰੁਝਾਨ ਭਾਰਤ ਭਰ ਦੇ ਕਈ ਸ਼ਹਿਰਾਂ ਵਿੱਚ ਆਯੋਜਿਤ ਸਮਾਗਮਾਂ ਵਿੱਚ ਦੇਖਿਆ ਗਿਆ ਹੈ, ਜਿਸ ਵਿੱਚ ਦਿੱਲੀ ਵਿੱਚ ਨੌਜਵਾਨਾਂ ਲਈ ਆਯੋਜਿਤ ਸਮਾਗਮ ਵੀ ਸ਼ਾਮਲ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
