ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਕੁਲਦੀਪ ਸਿੰਘ ਗੜਗੱਜ ਅੱਜ ਪਰਵਿੰਦਰ ਝੋਟੇ ਦੇ ਪਰਿਵਾਰ ਨੂੰ ਮਿਲਣ ਪਹੁੰਚੇ ਤੇ ਉਨ੍ਹਾਂ ਨਾਲ ਦੁੱਖ ਸਾਂਝਾ ਕੀਤਾ। ਇਸ ਮੌਕੇ ਜਥੇਦਾਰ ਗੜਗੱਜ ਨੇ ਪਰਵਿੰਦਰ ਝੋਟੇ ਨੂੰ ਸ਼ਹੀਦ ਦਾ ਦਰਜਾ ਦੇਣ ਦਾ ਐਲਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਪੰਥ ਦਾ ਹੀਰੇ ਵਰਗਾ ਪੁੱਤ ਜਾਨ ਦੇ ਗਿਆ। ਜਦੋਂ ਹੱਕ ਸੱਚ ਲਈ ਕੋਈ ਬੰਦਾ ਮੌਤ ਨੂੰ ਗਲੇ ਲਾਉਂਦਾ ਤਾਂ ਉਸਨੂੰ ਸਿੱਖੀ ‘ਚ ਸ਼ਹਾਦਤ ਕਹਿੰਦੇ ਹਨ। ਪਰਵਿੰਦਰ ਸਿੰਘ ਝੋਟੇ ਨੇ ਸ਼ਹਾਦਤ ਦੇ ਉੱਚੇ ਮੁਕਾਮ ਨੂੰ ਛੂਹਿਆ ਹੈ, ਉਨ੍ਹਾਂ ਦਾ ਨਾਂਅ ਸ਼ਹੀਦਾਂ ਦੀ ਗਿਣਤੀ ‘ਚ ਆਉਂਦਾ ਹੈ
ਜਥੇਦਾਰ ਗੜਗੱਜ ਨੇ ਕਿਹਾ ਕਿ ਪਰਵਿੰਦਰ ਝੋਟੇ ਦੇ ਬੱਚੇ ਕਹਿੰਦੇ ਹਨ ਕਿ ਸਾਡਾ ਬਾਪੂ ਸ਼ਹੀਦ ਹੋ ਗਿਆ। ਇਸ ਦੇ ਨਾਲ ਜਥੇਦਾਰ ਨੇ ਕਿਹਾ ਕਿ ਜ਼ਖਮੀ ਹੋਏ ਲੋਕਾਂ ਦੇ ਇਲਾਜ ਦਾ ਸਾਰਾ ਖਰਚਾ SGPC ਚੁੱਕੇਗੀ। ਅਸੀਂ ਸਾਰੇ ਕਲਗੀਧਰ ਪਾਤਸ਼ਾਹ ਦੇ ਪੁੱਤ ਹਾਂ। ਪੰਜਾਬ ਭਾਈਚਾਰਕ ਸਾਂਝ ਦਾ ਨਾਂ ਹੈ। ਇੱਥੇ ਵਸਣ ਵਾਲਾ ਸਿੱਖ, ਹਿੰਦੂ ਤੇ ਮੁਸਲਮਾਨ ਇਤੇਫਾਕ ਨਾਲ ਰਹਿੰਦਾ। ਨਸ਼ਿਆਂ ਖਿਲਾਫ਼ ਸੰਘਰਸ਼ ਸਮੂਹ ਪੰਜਾਬੀਆਂ ਦਾ ਸਾਂਝਾ ਸੰਘਰਸ਼ ਹੈ ਤੇ ਸਾਨੂੰ ਸਾਰਿਆਂ ਨੂੰ ਇਸ ਸੰਘਰਸ਼ ‘ਚ ਸਾਥ ਦੇਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ : ਅੱਜ ਤੋਂ 5 ਦਿਨਾਂ ਪੰਜਾਬ ਦੌਰੇ ‘ਤੇ ਸਚਿਨ ਪਾਇਲਟ, ਗੈਂ/ਗਸ/ਟਰ ਹਿੰ/ਸਾ ਦੇ ਪੀੜਤ ਪਰਿਵਾਰਾਂ ਨਾਲ ਕਰਨਗੇ ਮੁਲਾਕਾਤ
ਪਰਿਵਾਰ ਦੀ ਮੰਗ ਹੈ ਕਿ ਸਰਕਾਰ ਪਰਵਿੰਦਰ ਝੋਟੇ ਦੀ ਪਤਨੀ ਨੂੰ ਕਲਾਸ-1 ਅਫ਼ਸਰ ਦੀ ਨੌਕਰੀ ਦੇਵੇ ਤੇ ਪਰਿਵਾਰ ਨੂੰ ਪੰਜ ਕਰੋੜ ਦਾ ਮੁਆਵਜ਼ਾ ਦੇਵੇ ਤੇ ਝੋਟੇ ਨੂੰ ਸ਼ਹੀਦ ਦਾ ਦਰਜਾ ਦੇਵੇ ਤੇ ਉਹ ਦਵਾਈਆਂ ਨੂੰ ndps ਦੇ ਘੇਰੇ ਚ ਲਿਆਦਾ ਜਾਵੇ ਜਿਨਾ ਦਾ ਝੋਟਾ ਵਿਰੋਧ ਕਰਦਾ ਰਿਹਾ ਸੀ।
