ਹਵਾ ਵਿਚ ਮੌਜੂਦ ਪ੍ਰਦੂਸ਼ਣ ਦੇ ਕਣ ਸਿਹਤ ‘ਤੇ ਅਸਰ ਦਿਖਾ ਰਹੇ ਹਨ। ਘਰ ਤੋਂ ਨਿਕਲਣ ਤੋਂ ਬਾਅਦ ਲੋਕਾਂ ਨੂੰ ਗਲੇ ਵਿਚ ਖਰਾਸ਼, ਖੰਘ ਦੀ ਸਮੱਸਿਆ ਪ੍ਰੇਸ਼ਾਨ ਕਰ ਰਹੀ ਹੈ। ਜ਼ਿਆਦਾ ਦੇਰ ਤੱਕ ਪ੍ਰਦੂਸ਼ਣ ਦੇ ਸੰਪਰਕ ਵਿਚ ਰਹਿਣ ‘ਤੇ ਇਹ ਪ੍ਰਦੂਸ਼ਿਤ ਹਵਾ ਸਾਹ ਦੀ ਨਲੀ ਨੂੰ ਪ੍ਰਭਾਵਿਤ ਕਰਦੀ ਹੈ ਜਿਸ ਨਾਲ ਰੋਜ਼ਾਨਾ ਦੇ ਸਾਧਾਰਨ ਕੰਮ ਚੱਲਣਾ-ਫਿਰਨਾ ਵੀ ਮੁਸ਼ਕਲ ਹੋ ਜਾਂਦਾ ਹੈ ਪਰ ਪ੍ਰਦੂਸ਼ਿਤ ਹਵਾ ਦੇ ਸੰਪਰਕ ਤੋਂ ਪੂਰੀ ਤਰ੍ਹਾਂ ਬਚਣਾ ਤਾਂ ਮੁਸ਼ਕਲ ਹੈ ਕਿਉਂਕਿ ਕੰਮ ਦੇ ਸਿਲਸਿਲੇ ਵਿਚ ਘਰ ਤੋਂ ਬਾਹਰ ਨਿਕਲਣਾ ਹੀ ਪੈਂਦਾ ਹੈ। ਅਜਿਹੇ ਵਿਚ ਕੁਝ ਘਰੇਲੂ ਉਪਾਅ ਇਸ ਸਮੱਸਿਆ ਤੋਂ ਨਿਜਾਤ ਦੇ ਸਕਦੇ ਹਨ। ਰੋਜ਼ਾਨਾ ਸਵੇਰੇ ਤੇ ਸ਼ਾਮ ਨੂੰ ਘਰ ਆਉਣ ਦੇ ਬਾਅਦ ਇਨ੍ਹਾਂ ਹਰਬਲ ਡ੍ਰਿੰਕਸ ਨੂੰ ਪੀਓ ਜੋ ਗਲੇ ਨੂੰ ਰਾਹਤ ਦੇਣ ਵਿਚ ਮਦਦ ਕਰਨਗੇ।
ਅਦਰਕ ਵਾਲੀ ਚਾਹ
ਗਲੇ ਨੂੰ ਰਾਹਤ ਦੇਣ ਲਈ ਅਦਰਕ ਅਸਰਦਾਰ ਹੈ। ਇਸ ਲਈ ਸਵੇਰ ਦੇ ਸਮੇਂ ਅਦਰਕ ਵਾਲੀ ਚਾਹ ਬਣਾ ਕੇ ਜ਼ਰੂਰ ਪੀਓ। ਅਦਰਕ ਵਾਲੀ ਚਾਹ ਬਣਾਉਣ ਲਈ ਇਕ ਕੱਪ ਪਾਣੀ ਵਿਚ ਕੁਝ ਟੁਕੜੇ ਅਦਰਕ ਦੇ ਪਾਓ ਅਤੇ ਫਿਰ ਇਸ ਨੂੰ 5 ਤੋਂ 10 ਮਿੰਟ ਤੱਕ ਗੈਸ ‘ਤੇ ਉਬਲਣ ਦਿਓ। ਜਦੋਂ ਇਹ ਉਬਲ ਜਾਵੇ ਤਾਂ ਗੈਸ ਬੰਦ ਕਰ ਦਿਓ ਤੇ 5 ਤੋਂ 10 ਮਿੰਟ ਲਈ ਛੱਡ ਦਿਓ। ਫਿਰ ਛਾਣ ਲਓ ਤੇ ਥੋੜ੍ਹਾ ਜਿਹਾ ਸ਼ਹਿਦ ਪਾ ਕੇ ਪੀਓ। ਇਹ ਹਲਕਾ ਕੋਸੀ ਅਦਰਕ ਵਾਲੀ ਚਾਹ ਗਲੇ ਦੀ ਖਰਾਸ਼ ਵਿਚ ਰਾਹਤ ਦੇਵੇਗਾ।
ਤੁਲਸੀ ਦੀ ਚਾਹ
ਤੁਲਸੀ ਤਾਂ ਲਗਭਗ ਹਰ ਘਰ ਵਿਚ ਹੋਵੇਗੀ। ਬਸ ਇਸ ਦੇ 4 ਤੋਂ 5 ਪੱਤੇ ਇਕ ਕੱਪ ਪਾਣੀ ਵਿਚ ਪਾ ਕੇ ਉਬਾਲੋ ਤੇ ਇਸ ਨੂੰ ਕੋਸਾ ਹੀ ਪੀਓ। ਜੇਕਰ ਮਨ ਕਰੇ ਤਾਂ ਸ਼ਹਿਦ ਪਾ ਦਿਓ ਜਾਂ ਫਿਰ ਅਦਰਕ ਨਾਲ ਤੁਲਸੀ ਦੀਆਂ ਪੱਤੀਆਂ ਨੂੰ ਪਾ ਕੇ ਉਬਾਲੋ। ਤੁਲਸੀ ਵਿਚ ਮੌਜੂਦ ਤੱਤ ਗਲੇ ਵਿਚ ਹੋ ਰਹੀ ਇੰਫੈਕਸ਼ਨ ਨੂੰ ਘੱਟ ਕਰਨ ਵਿਚ ਮਦਦ ਕਰਦਾ ਹੈ।
ਹਲਦੀ ਵਾਲਾ ਦੁੱਧ
ਹਲਦੀ ਵਿਚ ਕਰਕਿਊਮਿਨ ਹੁੰਦਾ ਹੈ ਤੇ ਇਹ ਕੰਪਾਊਂਡ ਵਿਚ ਐਂਟੀ ਇੰਫਲੇਮੇਟਰੀ ਪ੍ਰਾਪਰਟੀਜ਼ ਹੁੰਦਾ ਹੈ। ਇਕ ਕੱਪ ਗਰਮ ਦੁੱਧ ਵਿਚ ਹਲਦੀ ਪਾਕੇ ਮਿਕਸ ਕਰੋ ਤੇ ਥੋੜ੍ਹਾ ਜਿਹਾ ਸ਼ਹਿਦ ਪਾਓ। ਹਲਦੀ ਮਿਕਸ ਇਸ ਦੁੱਧ ਨੂੰ ਰਾਤ ਨੂੰ ਸੋਨੇ ਤੋਂ ਪਹਿਲਾਂ ਪੀਓ। ਇਹ ਮਿਕਸਚਰ ਗਲੇ ਦੀ ਖਰਾਸ਼ ਨੂੰ ਘੱਟ ਕਰਨ ਵਿਚ ਮਦਦ ਕਰੇਗਾ ਤੇ ਦੁੱਧ ਦੀ ਗਰਮਾਹਟ ਗਲੇ ਨੂੰ ਰਾਹਤ ਦੇਵੇਗੀ।
ਸ਼ਹਿਦ ਤੇ ਨਿੰਬੂ ਪਾਣੀ
ਸ਼ਹਿਦ ਗਲੇ ਦੀ ਖਰਾਸ਼ ਤੇ ਖੰਘ ਵਿਚ ਰਾਹਤ ਦਿੰਦਾ ਹੈ। ਇਕ ਗਿਲਾਸ ਕੋਸੇ ਪਾਣੀ ਵਿਚ 2-4 ਬੂੰਦਾਂ ਨਿੰਬੂ ਦੇ ਰਸੇ ਦੀਆਂ ਤੇ ਇਕ ਤੋਂ 2 ਚੱਮਚ ਸ਼ਹਿਦ ਮਿਲਾ ਕੇ ਪੀਓ। ਇਹ ਗਲੇ ਨੂੰ ਰਾਹਤ ਦੇਵੇਗੀ। ਦਰਅਸਲ ਖੰਘ ਹੋਣ ‘ਤੇ ਹਲਕਾ ਕੋਸਾ ਲੀਕਵਡ ਗਲੇ ਨੂੰ ਮੁਆਇਸਚਰ ਦਿੰਦਾ ਹੈ ਜਿਸ ਨਾਲ ਡਰਾਈਨੈੱਸ ਦੂਰ ਹੁੰਦੀ ਹੈ ਤੇ ਖਰਾਸ਼ ਨਹੀਂ ਹੁੰਦੀ। ਹਾਲਾਂਕਿ ਧਿਆਨ ਰੱਖੋ ਕਿ ਇਕ ਸਾਲ ਤੋਂ ਛੋਟੇ ਬੱਚੇ ਸ਼ੂਗਰ ਦੇ ਮਰੀਜ਼ਾਂ ਨੂੰ ਸ਼ਹਿਦ ਤੇ ਨਿੰਬੂ ਦਾ ਪਾਣੀ ਨਾ ਦਿਓ।
ਨਮਕ ਵਾਲੇ ਪਾਣੀ ਨਾਲ ਗਰਾਰੇ
ਨਮਕ ਵਾਲੇ ਪਾਣੀ ਨਾਲ ਗਰਾਰੇ ਕਰਨਾ ਕੋਈ ਹਰਬਲ ਡ੍ਰਿੰਕ ਨਹੀਂ ਸਗੋਂ ਡਾਕਟਰ ਵੀ ਇਸ ਨੂੰ ਕਰਨ ਦੀ ਸਲਾਹ ਦਿੰਦੇ ਹਨ।ਗਲੇ ਦੇ ਡਿਸਕੰਫਰਟ ਤੋਂ ਬਚਣ ਦਾ ਇਹ ਸਭ ਤੋਂ ਆਸਾਨ ਤਰੀਕਾ ਹੈ।ਇਕ ਗਿਲਾਸ ਕੋਸੇ ਪਾਣੀ ਵਿਚ ਅੱਧਾ ਚੱਮਚ ਨਮਕ ਪਾਓ ਤੇ ਮੂੰਹ ਵਿਚ ਪਾ ਕੇ ਗਰਾਰੇ ਕਰੋ। ਫਿਰ ਪਾਣੀ ਨੂੰ ਬਾਹਰ ਸੁੱਟ ਦਿਓ। ਗਲੇ ਦੀ ਖਰਾਸ਼ ਜ਼ਿਆਦਾ ਪ੍ਰੇਸ਼ਾਨ ਕਰਦੀ ਹੈ ਤਾਂ ਇਸ ਨੂੰ ਦਿਨ ਵਿਚ ਕਈ ਵਾਰ ਕੀਤਾ ਜਾ ਸਕਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:

Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ








