akshay twinkle koffee video:ਅਕਸ਼ੇ ਕੁਮਾਰ ਫ਼ਿਲਮ ਇੰਡਸਟਰੀ ਦਾ ਮੰਨਿਆ-ਪ੍ਰਮੰਨਿਆਂ ਨਾਮ ਹੈ। ਉਹ ਆਪਣੀ ਐਕਟਿੰਗ ਦੇ ਨਾਲ-ਨਾਲ ਆਪਣੀ ਦਰਿਆਦਲੀ ਲਈ ਜਾਣੇ ਜਾਂਦੇ ਹਨ। ਕੋਰੋਨਾ ਵਾਇਰਸ ਦੀ ਇਸ ਮੁਸ਼ਕਿਲ ਦੀ ਘੜੀ ‘ਚ ਲੋਕਾਂ ਦੀ ਮਦਦ ਲਈ ਅਕਸ਼ੇ ਕੁਮਾਰ ਸੋਸ਼ਲ ਮੀਡੀਆ ‘ਤੇ ਲਗਾਤਾਰ ਚਰਚਾ ‘ਚ ਬਣੇ ਰਹਿੰਦੇ ਹਨ। ਉਨ੍ਹਾਂ ਦੀ ਤਰ੍ਹਾਂ ਉਨ੍ਹਾਂ ਦੀ ਪਤਨੀ ਟਵਿੰਕਲ ਖੰਨਾ ਵੀ ਸੋਸ਼ਲ ਮੀਡੀਆ ‘ਤੇ ਸੁਰਖੀਆਂ ‘ਚ ਰਹਿੰਦੀ ਹੈ। ਲਾਕਡਾਊਨ ਦੀ ਵਜ੍ਹਾ ਕਾਰਨ ਅਕਸ਼ੇ ਕੁਮਾਰ ਤੇ ਟਵਿੰਕਲ ਖੰਨਾ ਆਪਣਾ ਸਾਰਾ ਸਮਾਂ ਪਰਿਵਾਰ ਨਾਲ ਬਿਤਾ ਰਹੇ ਹਨ। ਇਸ ਦੌਰਾਨ ਸਾਰੇ ਸਿਤਾਰੇ ਆਪਣੀਆਂ ਯਾਦਾਂ ਨੂੰ ਤਾਜ਼ਾ ਕਰ ਰਹੇ ਹਨ। ਟਵਿੰਕਲ ਖੰਨਾ ਨੇ ਵੀ ਹਾਲ ਹੀ ‘ਚ ਇਕ ਥ੍ਰੋਬੈਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤਾ ਹੈ। ਟਵਿੰਕਲ ਖੰਨਾ ਦਾ ਇਹ ਵੀਡੀਓ ਕਰਨ ਜੌਹਰ ਦੇ ਟਾਕ ਸ਼ੋਅ ‘ਕੌਫ਼ੀ ਵਿਦ ਕਰਨ’ ਦਾ ਹੈ। ਇਸ ਵੀਡੀਓ ‘ਚ ਉਹ ਬਾਲੀਵੁੱਡ ਦੇ ਤਿੰਨੋਂ ਖਾਨਜ਼ ਬਾਰੇ ਕੁਝ ਅਜਿਹਾ ਕਹਿ ਦਿੰਦੀ ਹੈ ਜਿਸ ਨਾਲ ਕਿ ਕਰਨ ਜੌਹਰ ਦੀ ਬੋਲਤੀ ਬੰਦ ਹੋ ਜਾਂਦੀ ਹੈ।
ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਅਦਾਕਾਰਾ ਟਵਿੰਕਲ ਖੰਨਾ ਨੇ ਲਿਖਿਆ, ‘ਦੋਸਤੋਂ, ਕਰਨ ਜੌਹਰ ਨੇ ਮੈਨੂੰ ਇਹ ਵੀਡੀਓ ਭੇਜਿਆ। ਜਿਸ ਨੂੰ ਦੇਖਣ ਤੋਂ ਬਾਅਦ ਅਸੀਂ ਦੋਵੇਂ ਹੱਸਣ ਲੱਗ ਗਏ ਸੀ। ਇਸ ਵੀਡੀਓ ਤੋਂ ਕਿਵੇਂ ਪਿੱਛਾ ਛੁਡਾਵਾ ਸਮਝ ਨਹੀਂ ਆ ਰਿਹਾ। #oldisgold’
ਦਸ ਦੇਈਏ ਕਿ ਇਹ ਵੀਡੀਓ ਉਸ ਸਮੇਂ ਦਾ ਹੈ ਜਦੋਂ ਟਵਿੰਕਲ ਖੰਨਾ ਤੇ ਅਕਸ਼ੇ ਕੁਮਾਰ ਕਰਨ ਜੌਹਰ ਦੇ ਸ਼ੋਅ ‘ਕੌਫ਼ੀ ਵਿੰਦ ਕਰਨ’ ‘ਚ ਗਏ ਸਨ। ਇਸ ਦੌਰਾਨ ਕਰਨ ਜੌਹਰ ਦੋਵਾਂ ਨੂੰ ਕਈ ਸਵਾਲ ਪੁੱਛਦੇ ਹਨ। ਦੂਜੇ ਪਾਸੇ ਜਦੋਂ ਕਰਨ ਜੌਹਰ ਨੇ ਟਵਿੰਕਲ ਖੰਨਾ ਤੋਂ ਪੁੱਛਿਆ ਕਿ ‘ਅਕਸ਼ੇ ‘ਚ ਕੀ ਹੈ ਜੋ ਖਾਨਜ਼ ‘ਚ ਨਹੀਂ?’ ਇਸ ਦਾ ਜਵਾਬ ਟਵਿੰਕਲ ਨੇ ਇਸ ਤਰ੍ਹਾਂ ਦਿੱਤਾ ਕਿ ਕਰਨ ਤੇ ਅਕਸ਼ੇ ਦੋਵੇਂ ਹੈਰਾਨ ਰਹਿ ਗਏ। ਇਸ ਦੇ ਨਾਲ ਹੀ ਕਰਨ ਨੇ ਟਵਿੰਕਲ ਖੰਨਾ ਤੋਂ ਦੂਜਾ ਸਵਾਲ ਪੁੱਛਿਆ ਕਿ ਸਲਮਾਨ ਖਾਨ, ਸ਼ਾਹਰੁਖ ਖਾਨ ਤੇ ਆਮਿਰ ਖਾਨ ‘ਚ ਸਭ ਤੋਂ ਜ਼ਿਆਦਾ ਪਸੰਦ ਕੋਣ ਹੈ? ਇਸ ਤੋਂ ਬਾਅਦ ਟਵਿੰਕਲ, ਕਰਨ ਦੀ ਟੰਗ ਖਿੱਚਦੀ ਹੋਏ ਕਹਿੰਦੀ ਹੈ ਕਿ ਤੁਸੀਂ ਇਕ ਹੋਰ ਖਾਨ, ਫਵਾਦ ਖਾਨ ਨੂੰ ਕਿਉਂ ਨਹੀਂ ਜੋੜਦੇ? ਇਹ ਸੁਣ ਕੇ ਅਕਸ਼ੇ ਕੁਮਾਰ ਹੱਸਣ ਲੱਗ ਪਏ ਤੇ ਕਰਨ ਕੁਝ ਬੋਲ ਨਹੀਂ ਸਕੇ। ਦੱਸ ਦੇਈਏ ਕਿ ਇਸ ਸ਼ੋਅ ਵਿੱਚ ਜਦੋਂ ਟਵਿੰਕਲ ਖੰਨਾ ਤੇ ਅਕਸ਼ੇ ਕੁਮਾਰ ਗਏ ਸਨ ਤਾਂ ਉਨ੍ਹਾਂ ਨੇ ਕਾਫੀ ਮਸਤੀ ਕੀਤੀ ਸੀ।
