aftab wishes happy anniversary:ਗ੍ਰੇਟ ਗ੍ਰੈਂਡ ਮਸੀ, ਕਯਾ ਕੂਲ ਹੈਂ ਹਮ -3, ਕਮਬਖ਼ਤ ਇਸ਼ਕ, ਡੈਡੀ ਕੂਲ ਸਣੇ ਕਈ ਫ਼ਿਲਮਾਂ ‘ਚ ਅਦਾਕਾਰੀ ਦੇ ਜੌਹਰ ਦਿਖਾ ਚੁੱਕੇ ਆਫਤਾਬ ਸ਼ਿਵਦਸਾਨੀ ਅੱਜ ਆਪਣੇ ਵਿਆਹ ਦੀ ਵਰ੍ਹੇਗੰਢ ਮਨਾ ਰਹੇ ਨੇ । ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਉੱਤੇ ਆਪਣੀ ਲਾਈਫ ਪਾਟਨਰ ਲਈ ਬਹੁਤ ਹੀ ਪਿਆਰੀ ਜਿਹੀ ਪੋਸਟ ਪਾਈ ਹੈ ।ਉਨ੍ਹਾਂ ਨੇ ਵਿਆਹ ਵਾਲੀ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, ‘ਜੇ ਮੈਨੂੰ ਮੇਰੀ ਜ਼ਿੰਦਗੀ ਦੁਬਾਰਾ ਜਿਉਣਾ ਪਵੇ ਤਾਂ ਮੈਂ ਤੈਨੂੰ ਜਲਦੀ ਲੱਭ ਲਵਾਂਗਾ..ਮੈਰਿਜ ਐਨੀਵਰਸਰੀ ਮੇਰੇ ਪਿਆਰ ਤੇ ਹਰ ਦਿਨ ਹੋਰ ਵਧੀਆ ਹੋਵੇ’। ਇਸ ਪੋਸਟ ਉੱਤੇ ਫੈਨਜ਼ ਤੇ ਬਾਲੀਵੁੱਡ ਜਗਤ ਦੇ ਸਿਤਾਰੇ ਕਮੈਂਟਸ ਕਰਕੇ ਜੋੜੇ ਨੂੰ ਮੈਰਿਜ ਐਨੀਵਰਸਰੀ ਦੀਆਂ ਮੁਬਾਰਕਾਂ ਦੇ ਰਹੇ ਨੇ ।
ਸਾਲ 2017 ਆਫਤਾਬ ਸ਼ਿਵਦਸਾਨੀ ਆਪਣੇ ਦੂਜਾ ਵਿਆਹ ਕਰਕੇ ਚਰਚਾ ‘ਚ ਆ ਗਏ ਸੀ । ਜੀ ਹਾਂ ਉਨ੍ਹਾਂ ਨੇ ਇੱਕ ਪੰਜਾਬੀ ਕੁੜੀ ਦੇ ਨਾਲ ਹੀ ਦੋ ਵਾਰ ਵਿਆਹ ਰਚਾਇਆ ਸੀ । ਉਨ੍ਹਾਂ ਨੇ ਸਾਲ 2014 ‘ਚ ਨਿਨ ਦੁਸਾਂਝ ਨਾਲ ਕੋਰਟ ਮੈਰਿਜ ਕਰਵਾਈ ਸੀ । ਵਿਆਹ ਦੇ ਤਿੰਨ ਸਾਲ ਬਾਅਦ ਉਨ੍ਹਾਂ ਨੇ ਸ੍ਰੀਲੰਕਾ ‘ਚ ਦੁਬਾਰਾ ਰੀਤੀ ਰਿਵਾਜ਼ਾਂ ਦੇ ਨਾਲ ਵਿਆਹ ਕਰਵਾਇਆ ਸੀ, ਜਿਸ ‘ਚ ਬਾਲੀਵੁੱਡ ਦੀਆਂ ਕਈ ਹਸਤੀਆਂ ਸ਼ਾਮਿਲ ਹੋਈਆਂ ਸਨ । ਦੱਸ ਦੇਈਏ ਨਿਨ ਦੁਸਾਂਝ ਅਦਾਕਾਰ ਕਬੀਰ ਬੇਦੀ ਦੀ ਸਾਲੀ ਲਗਦੀ ਹੈ । ਅਫਤਾਬ ਦੀ ਫਿਲਮਾਂ ਇੱਕ ਤੋਂ ਬਾਅਦ ਇੱਕ ਫਲਾਪ ਹੋਣ ਲੱਗੀ ਤਾਂ ਉਨ੍ਹਾਂ ਨੇ ਐਡਲਟ ਕਾਮੇਡੀ ਫਿਲਮਾਂ ਦਾ ਸਹਾਰਾ ਲਿਆ।ਭਲੇ ਹੀ ਅਫਤਾਬ ਦਾ ਫਿਲਮੀ ਕਰੀਅਰ ਕੁੱਝ ਖਾਸ ਨਹੀਂ ਰਿਹਾ ਪਰ ਪ੍ਰੋਡਕਸ਼ਨ ਹਾਊਸ ਅਤੇ ਦੂਜੇ ਈਵੈਂਟਸ ਦੇ ਜਰੀਏ ਉਹ ਸਾਲਨਾ ਚੰਗੀ ਰਕਮ ਕਮਾ ਲੈਂਦੇ ਸਨ।
https://www.instagram.com/p/CBC_FLtpUNa/
ਦੱਸ ਦੇਈਏ ਕਿ ਸਾਲ 1999 ਵਿੱਚ ਆਫਤਾਬ ਸ਼ਿਵਦਾਸਾਨੀ ਨੇ ਕੇਵਲ 19 ਸਾਲ ਦੀ ਉਮਰ ਵਿੱਚ ਰਾਮਗੋਪਾਲ ਵਰਮਾ ਦੀ ਫਿਲਮ ਮਸਤ ਤੋਂ ਡੈਬਿਊ ਕੀਤਾ ਸੀ।ਇਸ ਵਿੱਚ ਉਨ੍ਹਾਂ ਦੇ ਓਪੋਜਿਟ ਉਰਮਿਲਾ ਮਾਤੋਂਡਕਰ ਸੀ।ਫਿਲਮ ਸੁਪਰਹਿੱਟ ਰਹੀ ਸੀ , ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਬੈਸਟ ਅਤੇ ਮੋਸਟ ਪ੍ਰਾਮੀਸਿੰਗ ਨਿਊਕਮਰ ਵਰਗੇ ਐਵਾਰਡ ਮਿਲੇ।ਹਾਲਾਂਕਿ ਇਸ ਤੋਂ ਬਾਅਦ ਆਫਤਾਬ ਦਾ ਕਰੀਅਰ ਕੁੱਝ ਖਾਸ ਨਹੀਂ ਚਲਿਆ ਅਤੇ ਉਨ੍ਹਾਂ ਨੂੰ ਸਾਈਡ ਰੋਲ ਹੀ ਮਿਲੇ। ਤੁਹਾਨੂੰ ਦਸੱ ਦੇਈਏ ਕਿ ਇੱਕ ਦੂਜੇ ਨੂੰ ਲਗਭਗ ਦੋ ਸਾਲ ਤੱਕ ਡੇਟ ਕਰਨ ਤੋਂ ਇਨ੍ਹਾਂ ਨੇ ਸਾਲ 2014 ਵਿੱਚ ਵਿਆਹ ਕਰਵਾ ਲਿਆ।ਦੱਸਦੇਈਏ ਕਿ ਨਿਨ ਦੁਸਾਂਝ ਬ੍ਰਿਟਿਸ਼ -ਇੰਡੀਅਨ ਹਨ। ਨਿਨ ਕਬੀਰ ਬੇਦੀ ਦੀ ਪਤਨੀ ਪਰਵੀਨ ਦੁਸਾਂਝ ਦੀ ਭੈਣ ਹੈ।
