Gangster Nita Deol : ਗੈਂਗਸਟਰ ਕੁਲਪ੍ਰੀਤ ਸਿੰਘ ਉਰਫ ਨੀਟਾ ਦਿਓਲ ਨਾਭਾ ਜੇਲ੍ਹ ਮਾਮਲੇ ਵਿਚ ਥਾਣਾ ਕੋਤਵਾਲੀ ਵਿਚ ਦਰਜ FIR 142 ਸਾਲ 2016 ਤੋਂ ਇਲਾਵਾ ਲਗਭਗ 14 ਅੰਡਰ ਟ੍ਰਾਇਲ ਮੁਕੱਦਮਿਆਂ ਵਿਚ ਨਵੀਂ ਜਿਲ੍ਹਾ ਜੇਲ ਵਿਚ ਸੇਲ ਬਲਾਕ ਨੰਬਰ 1 ਦੀ ਚੱਕ ਨੰਬਰ 3 ਵਿਚ ਬੰਦ ਹੈ. ਸੋਮਵਾਰ ਨੂੰ ਨੀਟਾ ਨੇ ਆਪਣੀ ਚੱਕੀ ਵਿਚ ਖੁਦਕੁਸ਼ੀ ਦੀ ਕੋਸ਼ਿਸ਼ ਕੀਤੀ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਨੀਟਾ ਨੇ ਛੱਤ ਦੇ ਪੱਖੇ ਨਾਲ ਕੱਪੜੇ ਦਾ ਫੰਦਾ ਬਣਾ ਕੇ ਗਲਾ ‘ਚ ਪਾਇਆ ਹੀ ਸੀ ਕਿ ਉਦੋਂ ਹੀ ਜੇਲ ਸੁਰੱਖਿਆ ਮੁਲਾਜ਼ਮ ਸੁਖਚੈਨ ਸਿੰਘ ਮੌਕੇ ‘ਤੇ ਪੁੱਜਿਆ ਅਤੇ ਉਸ ਨੂੰ ਫੰਦੇ ਤੋਂ ਵੱਖ ਕੀਤਾ।
ਜੇਲ੍ਹ ਅਧਿਕਾਰੀਆਂ ਦੀ ਸ਼ਿਕਾਇਤ ਦੇ ਆਧਾਰ ‘ਤੇ ਥਾਣਾ ਸਦਰ ਪੁਲਿਸ ਨੇ ਗੈਂਗਸਟਰ ਨੀਟਾ ਦਿਓਲ ਖਿਲਾਫ ਸੁਸਾਈਡ ਕਰਨ ਦੀ ਕੋਸ਼ਿਸ਼ ਸਬੰਧੀ ਮਾਮਲਾ ਦਰਜ ਕਰ ਲਿਆ ਹੈ। ਪੁੱਛਗਿਛ ਵਿਚ ਦੋਸ਼ੀ ਨੇ ਦੱਸਿਆ ਕਿ 2 ਦਿਨ ਪਹਿਲਾਂ ਜੇਲ੍ਹ ਵਿਚ ਉਸ ਕੋਲੋਂ ਮੋਬਾਈਲ ਵੀ ਬਰਾਮਦ ਹੋਇਆ ਹੈ। ਇਸ ਮਾਮਲੇ ਵਿਚ ਉਸ ਦੀ ਪਤਨੀ ਨੂੰ ਨਾਮਜ਼ਦ ਕੀਤਾ ਗਿਆ ਹੈ। ਪਤਨੀ ਤੋਂ ਦੁਖੀ ਹੋ ਕੇ ਉਸ ਨੇ ਆਤਮਹੱਤਿਆ ਦੀ ਕੋਸ਼ਿਸ਼ ਵਰਗਾ ਕਦਮ ਚੁੱਕਿਆ ਹੈ।
