kumar sangakkara says: ਸ਼੍ਰੀਲੰਕਾ ਦੇ ਸਾਬਕਾ ਕਪਤਾਨ ਕੁਮਾਰ ਸੰਗਾਕਾਰਾ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੇ ਆਯੋਜਨ ਤੋਂ ਖੁਸ਼ ਹਨ ਅਤੇ ਕੁਮਾਰ ਨੇ ਟੂਰਨਾਮੈਂਟ ਕਰਵਾਉਣ ਲਈ ਪ੍ਰਸ਼ੰਸਾ ਕੀਤੀ ਹੈ, ਕਿਉਂਕਿ ਵਿਸ਼ਵ ਇਸ ਮੁਸ਼ਕਿਲ ਸਮੇਂ ਦੌਰਾਨ ਕੋਵਿਡ -19 ਵਰਗੀ ਜਾਨਲੇਵਾ ਬਿਮਾਰੀ ਨਾਲ ਜੂਝ ਰਿਹਾ ਹੈ। ਕੁਮਾਰ ਸੰਗਕਾਰਾ ਨੇ ਆਈਪੀਐਲ ਟੂਰਨਾਮੈਂਟ ਦੀ ਮਹੱਤਤਾ ਬਾਰੇ ਵਿਚਾਰ ਵਟਾਂਦਰੇ ਕੀਤੇ ਹਨ। ਆਈਪੀਐਲ ਦਾ 13 ਵਾਂ ਸੰਸਕਰਣ 19 ਸਤੰਬਰ ਤੋਂ 8 ਨਵੰਬਰ ਤੱਕ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਵਿੱਚ ਖੇਡਿਆ ਜਾਣਾ ਹੈ। ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਨੇ ਆਸਟ੍ਰੇਲੀਆ ਵਿੱਚ ਟੀ -20 ਵਿਸ਼ਵ ਕੱਪ 2020 ਦੇ ਮੁਲਤਵੀ ਹੋਣ ਤੋਂ ਬਾਅਦ ਆਪਣੇ ਪ੍ਰਸਿੱਧ ਘਰੇਲੂ ਟੂਰਨਾਮੈਂਟ ਲਈ ਇੱਕ ਖਿੜਕੀ ਲੱਭਣ ਵਿੱਚ ਸਫਲਤਾ ਪ੍ਰਾਪਤ ਕੀਤੀ ਹੈ।
ਕੁਮਾਰ ਸੰਗਕਾਰਾ ਦੇ ਅਨੁਸਾਰ, ਆਈਪੀਐਲ ਦਾ ਆਯੋਜਨ ਨਾ ਸਿਰਫ ਭਾਰਤ ਦੀ ਆਰਥਿਕਤਾ ਲਈ ਲਾਭਕਾਰੀ ਸਿੱਧ ਹੋਵੇਗਾ, ਬਲਕਿ ਕ੍ਰਿਕਟ ਪ੍ਰਸ਼ੰਸਕਾਂ ਨੂੰ ਇਹ ਅਹਿਸਾਸ ਕਰਵਾਏਗਾ ਕਿ ਚੀਜ਼ਾਂ ਹੌਲੀ ਹੌਲੀ ਆਮ ਵਾਂਗ ਹੋ ਰਹੀਆਂ ਹਨ। ਦੱਸ ਦਈਏ ਕਿ ਕੁਮਾਰ ਸੰਗਕਾਰਾ ਆਈਪੀਐਲ ਦੇ 6 ਸੀਜ਼ਨਾਂ ਵਿੱਚ ਖੇਡ ਚੁੱਕਾ ਹੈ। ਕੁਮਾਰ ਸੰਗਕਾਰਾ ਨੇ ਕਿਹਾ, ‘ਮੈਨੂੰ ਲਗਦਾ ਹੈ ਕਿ ਖੇਡਾਂ ਅਤੇ ਖੇਡਾਂ ਦੀ ਆਰਥਿਕਤਾ ਦਾ ਪ੍ਰਭਾਵ ਹਰ ਹੋਰ ਆਰਥਿਕ ਗਤੀਵਿਧੀ ਨਾਲ ਸਬੰਧਿਤ ਹੈ। ਇਹ ਕਿਸੇ ਰਾਸ਼ਟਰ ਦੀ ਆਰਥਿਕਤਾ ‘ਚ ਯੋਗਦਾਨ ਪਾਉਣ ਦਾ ਇੱਕ ਵੱਡਾ ਹਿੱਸਾ ਹੈ। ਆਈਪੀਐਲ ਵਿੱਤੀ ਤੌਰ ‘ਤੇ ਫਾਇਦੇਮੰਦ ਸਾਬਿਤ ਹੋਏਗਾ। ਕੁਮਾਰ ਸੰਗਕਾਰਾ ਨੇ ਕਿਹਾ, “ਜਦੋਂ ਤੁਸੀਂ ਟੀਵੀ ‘ਤੇ ਜਾਂ ਮੈਦਾਨ ‘ਤੇ ਕ੍ਰਿਕਟ ਮੈਚ ਦੇਖਦੇ ਹੋ, ਤਾਂ ਇਹ ਅਜਿਹੀ ਭਾਵਨਾ ਲਿਆਉਂਦੀ ਹੈ ਕਿ ਸਭ ਕੁੱਝ ਵਾਪਿਸ ਆ ਗਿਆ ਹੈ ਅਤੇ ਜ਼ਿੰਦਗੀ ਸੱਚਮੁੱਚ ਆਮ ਹੈ।” ਹਾਲਾਂਕਿ, ਇਸ ਵਾਰ ਸਥਿਤੀ ਬਿਲਕੁਲ ਵੱਖਰੀ ਹੈ। ਵਿਦੇਸ਼ਾਂ ‘ਚ ਆਈਪੀਐਲ ਲਿਜਾਣਾ ਭਾਰਤੀ ਬੋਰਡ ਲਈ ਇੱਕ ਬਹੁਤ ਵੱਡਾ ਕੰਮ ਹੈ। ਸੰਗਾਕਾਰਾ ਦਾ ਮੰਨਣਾ ਹੈ ਕਿ ਆਈਪੀਐਲ ਉਨ੍ਹਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਕਰ ਸਕਦਾ ਹੈ, ਜੋ ਇਸ ਨਾਲ ਜੁੜੇ ਹਨ।
ਸੰਗਕਾਰਾ ਨੇ ਕਿਹਾ, “ਬਹੁਤ ਸਾਰੇ ਲੋਕਾਂ ਦੀ ਰੋਜ਼ੀ-ਰੋਟੀ ਆਈ ਪੀ ਐਲ ਨਾਲ ਜੁੜੀ ਹੋਈ ਹੈ। ਨਾ ਸਿਰਫ ਖਿਡਾਰੀ, ਬਲਕਿ ਸਰਵਿਸ ਪ੍ਰੋਵਾਈਡਰ, ਬ੍ਰੌਡਕਾਸਟਰ ਅਤੇ ਪੱਤਰਕਾਰ। ਇੱਥੋਂ ਤੱਕ ਕਿ ਵਿਸ਼ਵਭਰ ਦੇ ਗਰਾਉਂਡਸਮੈਨ ਵੀ ਇਸਦਾ ਇੱਕ ਵੱਡਾ ਹਿੱਸਾ ਹਨ। ਆਈਪੀਐਲ 19 ਸਤੰਬਰ ਨੂੰ ਸ਼ੁਰੂ ਹੋਵੇਗਾ ਅਤੇ ਫਾਈਨਲ 8 ਨਵੰਬਰ ਨੂੰ ਖੇਡਿਆ ਜਾਵੇਗਾ। ਇਸ ਤਰ੍ਹਾਂ ਇਹ 51 ਦਿਨਾਂ ਤੱਕ ਚੱਲੇਗਾ ਅਤੇ ਇਹ ਫਰੈਂਚਾਇਜ਼ੀ ਅਤੇ ਪ੍ਰਸਾਰਣਕਾਂ ਤੋਂ ਇਲਾਵਾ ਹੋਰ ਹਿੱਸੇਦਾਰਾਂ ਲਈ ਅਨੁਕੂਲ ਹੋਵੇਗਾ। ਆਈਸੀਸੀ ਦੇ ਟੀ -20 ਵਿਸ਼ਵ ਕੱਪ ਮੁਲਤਵੀ ਕਰਨ ਦੇ ਫੈਸਲੇ ਤੋਂ ਬਾਅਦ ਆਈਪੀਐਲ ਸੰਭਵ ਹੋ ਗਿਆ ਹੈ।
