Rain relief heat people: ਪੰਜਾਬ ਚ ਵੱਧ ਰਹੀ ਗਰਮੀ ਨੇ ਜਿੱਥੇ ਲੋਕਾਂ ਦਾ ਜੀਣਾ ਮੁਹਾਲ ਕੀਤਾ ਹੋਇਆ ਹੈ, ਉਥੇ ਹੀ ਲੁਧਿਆਣਾ ਚ ਪਈ ਤੇਜ਼ ਬਰਸਾਤ ਨੇ ਲੋਕਾਂ ਗਰਮੀ ਤੋਂ ਕੁਝ ਰਾਹਤ ਦਿੱਤੀ ਹੈ। ਇਹ ਤਸਵੀਰਾਂ ਅਸੀਂ ਤੁਹਾਨੂੰ ਲੁਧਿਆਣਾ ਸ਼ਹਿਰ ਦੀਆਂ ਦਿਖਾ ਰਹੇ ਹਾਂ, ਜਿਥੇ ਅੱਜ ਇਕ ਘੰਟਾ ਲਗਾਤਾਰ ਤੇਜ਼ ਬਰਸਾਤ ਹੋਈ, ਪਿਛਲੇ ਕੁੱਝ ਦਿਨਾਂ ਤੋਂ 40 ਤੋਂ 45 ਡਿਗਰੀ ਤੇ ਜਾ ਰਹੇ ਤਾਪਮਾਨ ਨੇ ਲੋਕ ਬਿਹਾਲ ਕੀਤੇ ਹੋਏ ਸਨ ਪਰ ਇਸ ਮੌਸਮ ਦਾ ਲੁਧਿਆਣਾ ਵਾਸੀਆਂ ਨੇ ਖੂਬ ਅਨੰਦ ਮਾਣਿਆ।
ਇਸ ਦੇ ਨਾਲ ਇਹ ਵੀ ਦੱਸਦੇ ਚੱਲਦੇ ਹਾਂ ਕਿ ਜਿੱਥੇ ਲੋਕਾਂ ਨੂੰ ਗਰਮੀ ਤੋਂ ਨਿਜਾਤ ਮਿਲੀ ਹੈ, ਉਥੇ ਹੀ ਇਸ ਬਰਸਾਤ ਨੇ ਕੈਪਟਨ ਸਰਕਾਰ ਦੇ ਦਅਵਿਆਂ ਦੀ ਪੋਲ ਵੀ ਜ਼ਰੂਰ ਖੋਲ੍ਹੀ ਹੈ, ਕਿਉਂਕਿ ਕੁੱਝ ਦੇਰ ਪਏ ਮੀਂਹ ਕਾਰਨ ਸੜਕਾਂ ਤੇ ਗੋਡੇ ਗੋਡੇ ਪਾਣੀ ਖੜ ਗਿਆ,ਜਿਸ ਕਾਰਨ ਇਹ ਵੀ ਵੱਡੀ ਪਰੇਸ਼ਾਨੀ ਦੇਖਣੀ ਪਈ।
