PPE kits donated: ਜਲੰਧਰ : ਜੇ. ਸੀ. ਆਈ. ਜਲੰਧਰ ਸਿਟੀ ਵੱਲੋਂ ਜਾਰੀ ਜੇ. ਸੀ. ਵੀਕ ਤਹਿਤ ਕੋਰੋਨਾ ਵਾਰੀਅਰਸ ਨੂੰ ਪੀ. ਪੀ. ਈ. ਕਿੱਟਾਂ ਭੇਟ ਕੀਤੀਆਂ ਗਈਆਂ ਜਿਸ ਦਾ ਆਗਾਜ਼ ਕਲੱਬ ਦੇ ਪ੍ਰਧਾਨ ਡਾ. ਦਮਨਦੀਪ ਸਿੰਘ ਬਿੰਦਰਾ ਨੇ ਉਨ੍ਹਾਂ ਸਿਹਤ ਕੇਂਦਰਾਂ ਤੋਂ ਕੀਤਾ ਜਿਥੇ ਕੋਰੋਨਾ ਦੇ ਮਰੀਜ਼ਾਂ ਦਾ ਇਲਾਜ ਤੇ ਟੈਸਟ ਕੀਤੇ ਜਾ ਰਹੇ ਹਨ। ਇਸ ਤੋਂ ਬਾਅਦ ਕਲੱਬ ਵੱਲੋਂ ਆਦਰਸ਼ ਨਗਰ ਦੁਸਹਿਰਾ ਗਰਾਊਂਡ ‘ਚ ਲੱਗੇ ਵਾਟਰ ਪਿਊਰੀਫਾਇਰ ਲਗਾਇਆ ਜਾਵੇਗਾ। ਪ੍ਰਾਜੈਕਟ ਡਾਇਰੈਕਟਰ ਬਲਬੀਰ ਕੌਰ ਨੇ ਕਿਹਾ ਕਿ ਜਲ ਸੁਰੱਖਿਆ ਹਰ ਨਾਗਰਿਕ ਦੀ ਨੈਤਿਕ ਜ਼ਿੰਮੇਵਾਰੀ ਹੈ। ਕਲੱਬ ਵੱਲੋਂ ਲੋਕਾਂ ਨੂੰ ਇਸ ਲਈ ਜਾਗਰੂਕ ਕਰਨ ਲਈ ਵਿਆਪਕ ਪੱਤਰ ‘ਤੇ ਮੁਹਿੰਮ ਚਲਾਈ ਗਈ ਹੈ। ਡਾ. ਦਮਨਦੀਪ ਸਿੰਘ ਬਿੰਦਰਾ ਨੇ ਕਿਹਾ ਕਿ ਇਸ ਸਮੇਂ ਸਭ ਤੋਂ ਵੱਧ ਲੋੜ ਲੋਕਾਂ ਨੂੰ ਮਾਸਕ ਤੇ ਸੈਨੇਟਾਈਜਰ ਦੀ ਹੈ।
ਇਸ ਲਈ ਲੋੜਵੰਦ ਲੋਕਾਂ ਨੂੰ ਇਹ ਸਾਮਾਨ ਵੰਡਿਆ ਜਾ ਰਿਹਾ ਹੈ।ਇਸ ਤੋਂ ਬਾਅਦ ਸ਼ਹਿਰ ਦੇ ਕਈ ਇਲਾਕਿਆਂ ‘ਚ ਜਾ ਕੇ ਕਲੱਬ ਵੱਲੋਂ ਉਕਤ ਸਾਮਾਨ ਵੰਡਿਆ ਗਿਆ। ਇਸ ਮੌਕੇ ਉਨ੍ਹਾਂ ਨਾਲ ਰਿਕੀ ਚੋਪੜਾ, ਡਾ. ਤਮੰਨਾ, ਸੋਨੀਆ, ਕੇ. ਕੇ. ਵਧਾਵਨੀ, ਸੰਜੇ ਉਪਾਧਿਆਏ ਤੇ ਸ਼ੈਫ ਮਾਨਿਕ ਬਸਰਾ ਆਦਿ ਮੌਜੂਦ ਸਨ।
