IPL 2020 DC vs SRH: ਆਈਪੀਐਲ 2020 ਦੇ 11 ਵੇਂ ਮੈਚ ਵਿੱਚ ਅੱਜ ਦਿੱਲੀ ਕੈਪੀਟਲਸ ਦਾ ਮੁਕਾਬਲਾ ਸਨਰਾਈਜ਼ਰਸ ਹੈਦਰਾਬਾਦ ਦੀ ਟੀਮ ਨਾਲ ਹੋਵੇਗਾ। ਦੋਵਾਂ ਵਿਚਾਲੇ ਇਹ ਆਈਪੀਐਲ ਮੈਚ ਸ਼ੇਖ ਜਾਇਦ ਸਟੇਡੀਅਮ ਅਬੂ ਧਾਬੀ ਵਿਖੇ ਖੇਡਿਆ ਜਾਵੇਗਾ। ਦਿੱਲੀ ਦੀ ਟੀਮ ਟੂਰਨਾਮੈਂਟ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੀ ਹੈ ਅਤੇ ਅੰਕ ਟੇਬਲ ਵਿੱਚ ਨੰਬਰ ਇੱਕ ‘ਤੇ ਬਣੀ ਹੋਈ ਹੈ। ਦਿੱਲੀ ਨੇ ਪੰਜਾਬ ਅਤੇ ਚੇਨੱਈ ਵਰਗੀਆਂ ਟੀਮਾਂ ਨੂੰ ਹਰਾਇਆ ਹੈ, ਜਿਸ ਨਾਲ ਇਸ ਟੀਮ ਦਾ ਵਿਸ਼ਵਾਸ ਵਧੇਗਾ। ਦੂਜੇ ਪਾਸੇ ਹੈਦਰਾਬਾਦ ਦੀ ਟੀਮ ਅਜੇ ਤੱਕ ਇੱਕ ਵੀ ਮੈਚ ਨਹੀਂ ਜਿੱਤ ਸਕੀ। ਅਜਿਹੀ ਸਥਿਤੀ ਵਿੱਚ, ਹੈਦਰਾਬਾਦ ਨਵੀਂ ਸੋਚ ਨਾਲ ਇਸ ਮੈਚ ਵਿੱਚ ਉੱਤਰੇਗੀ ਅਤੇ ਜਿੱਤਣ ਦੀ ਪੂਰੀ ਕੋਸ਼ਿਸ਼ ਕਰੇਗੀ।
ਡੇਵਿਡ ਵਾਰਨਰ ਵੀ ਅਜੇ ਤੱਕ ਕੁੱਝ ਖਾਸ ਨਹੀਂ ਕਰ ਸਕਿਆ ਹੈਦਰਾਬਾਦ ਦੇ ਪ੍ਰਸ਼ੰਸਕ ਇਸ ਮੈਚ ‘ਚ ਉਨ੍ਹਾਂ ਦੇ ਕਪਤਾਨ ਤੋਂ ਵਧੀਆ ਪ੍ਰਦਰਸ਼ਨ ਦੀ ਉਮੀਦ ਕਰ ਰਹੇ ਹਨ। ਕੇਨ ਵਿਲੀਅਮਸਨ ਹੈਦਰਾਬਾਦ ਦੀ ਪਲੇਇੰਗ ਇਲੈਵਨ ‘ਚ ਵਾਪਸੀ ਕਰ ਸਕਦਾ ਹੈ, ਵਿਲੀਅਮਸਨ ਪਿੱਛਲੇ ਦੋ ਮੈਚਾਂ ਵਿੱਚ ਪਲੇਇੰਗ ਇਲੈਵਨ ਦਾ ਹਿੱਸਾ ਨਹੀਂ ਸੀ, ਜਿਸ ਕਾਰਨ ਹੈਦਰਾਬਾਦ ਦੀ ਬੱਲੇਬਾਜ਼ੀ ਮੱਧ ਕ੍ਰਮ ਵਿੱਚ ਕਮਜ਼ੋਰ ਨਜ਼ਰ ਆ ਰਹੀ ਹੈ। ਇਸ ਦੇ ਨਾਲ ਹੀ ਦਿੱਲੀ ਦੀ ਟੀਮ ਆਪਣੇ ਜੇਤੂ ਪਲੇਇੰਗ ਇਲੈਵਨ ਵਿੱਚ ਤਬਦੀਲੀ ਬਾਰੇ ਨਹੀਂ ਸੋਚ ਰਹੀ ਹੈ। ਪਿੱਛਲੇ ਮੈਚ ਦੌਰਾਨ, ਦਿੱਲੀ ਦੇ ਕਪਤਾਨ ਸ਼੍ਰੇਅਸ ਅਈਅਰ ਨੇ ਅਸ਼ਵਿਨ ਬਾਰੇ ਕਿਹਾ ਸੀ ਕਿ ਉਸ ਨੂੰ ਇੱਕ ਜਾਂ ਦੋ ਮੈਚਾਂ ਵਿੱਚ ਵਧੇਰੇ ਆਰਾਮ ਕਰਨ ਦੀ ਜ਼ਰੂਰਤ ਹੈ, ਇਸ ਲਈ ਪੂਰਾ ਸਪਿਨ ਵਿਭਾਗ ਅਨੁਭਵੀ ਅਮਿਤ ਮਿਸ਼ਰਾ ‘ਤੇ ਰਹੇਗਾ। ਹੁਣ ਤੱਕ ਮਿਸ਼ਰਾ ਆਪਣੀ ਗੇਂਦਬਾਜ਼ੀ ਨੂੰ ਤਿੱਖਾ ਨਹੀਂ ਕਰ ਸਕੇ ਜਿਸ ਲਈ ਉਹ ਜਾਣਿਆ ਜਾਂਦਾ ਹੈ। ਦੋਵਾਂ ਟੀਮਾਂ ਦੇ ਵਿੱਚ ਹੁਣ ਤੱਕ 15 ਮੈਚ ਹੋ ਚੁੱਕੇ ਹਨ, ਜਿਸ ਵਿੱਚ 9 ਮੈਚ ਹੈਦਰਾਬਾਦ ਅਤੇ 6 ਮੈਚਾਂ ਵਿੱਚ ਦਿੱਲੀ ਦੀ ਟੀਮ ਨੇ ਜਿੱਤ ਪ੍ਰਾਪਤ ਕੀਤੀ ਹੈ। ਪਿੱਛਲੇ 5 ਮੈਚਾਂ ‘ਚ ਸਨਰਾਈਜ਼ਰਜ਼ ਨੇ 5 ਵਿੱਚੋਂ 3 ਮੈਚ ਜਿੱਤੇ ਹਨ। ਦਿੱਲੀ ਦੀ ਟੀਮ ਨੇ ਦੋ ਮੈਚ ਜਿੱਤੇ ਹਨ।
