sara gurpal SSR pavitra rishta tittle track:ਮਸ਼ਹੂਰ ਪੰਜਾਬੀ ਗਾਇਕਾ ਸਾਰਾ ਗੁਰਪਾਲ ਇਨ੍ਹੀਂ ਦਿਨੀਂ ‘ਬਿੱਗ ਬੌਸ 14’ ਨੂੰ ਲੈ ਕੇ ਚਰਚਾ ‘ਚ ਹੈ। ਖਬਰਾਂ ਅਨੁਸਾਰ ਸਾਰਾ ਗੁਰਪਾਲ 14 ਵੇਂ ਸੀਜ਼ਨ ਲਈ ਪੁਸ਼ਟੀ ਕੀਤੀ ਗਈ ਪ੍ਰਤੀਭਾਗੀ ਹੈ। ਹਾਲਾਂਕਿ, ਨਿਰਮਾਤਾਵਾਂ ਦੁਆਰਾ ਅਜੇ ਤੱਕ ਅਧਿਕਾਰਤ ਘੋਸ਼ਣਾ ਨਹੀਂ ਕੀਤੀ ਗਈ ਹੈ।ਸਾਰਾ ਨੇ ਕੁਝ ਸਮਾਂ ਪਹਿਲਾਂ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਵਿਸ਼ੇਸ਼ ਸ਼ਰਧਾਂਜਲੀ ਦਿੱਤੀ ਸੀ, ਜੋ ਹੁਣ ਸੋਸ਼ਲ ਮੀਡੀਆ ‘ਤੇ ਛਾਈ ਹੋਈ ਹੈ। ਸਾਰਾ ਗੁਰਪਾਲ ਨੇ ਸੁਸ਼ਾਂਤ ਦੇ ਟੀਵੀ ਸ਼ੋਅ ‘ਪਵਿੱਤਰ ਰਿਸ਼ਤਾ’ ਦਾ ਟਾਈਟਲ ਟਰੈਕ ਗਾਇਆ ਅਤੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਆਪਣੀ ਵੀਡੀਓ ਸ਼ੇਅਰ ਕੀਤੀ। ਇਸ ਵੀਡੀਓ ਨੂੰ ਪ੍ਰਸ਼ੰਸਕ ਬਹੁਤ ਪਸੰਦ ਕਰ ਰਹੇ ਹਨ।ਸਾਰਾ ਗੁਰਪਾਲ ਨੇ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ ਕਿ ਉਹ ‘ਪੱਵਿਤਰ ਰਿਸ਼ਤਾ’ ਦੇ ਪਹਿਲੇ ਐਪੀਸੋਡ ਤੋਂ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਹਮੇਸ਼ਾ ਪ੍ਰਸ਼ੰਸਕ ਬਣੀ ਅਤੇ ਰਹੇਗੀ। ਉਹ ਹਮੇਸ਼ਾਂ ਸਾਡੇ ਨਾਲ ਹੈ। ਦੱਸ ਦੇਈਏ ਕਿ ਸੁਸ਼ਾਂਤ ਸਿੰਘ ਰਾਜਪੂਤ 14 ਜੂਨ 2020 ਨੂੰ ਮੁੰਬਈ ਦੇ ਆਪਣੇ ਫਲੈਟ ਵਿੱਚ ਮ੍ਰਿਤਕ ਪਾਇਆ ਗਿਆ ਸੀ। ਫਿਲਹਾਲ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ।
ਸੁਸ਼ਾਂਤ ਨੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ ਟੀ.ਵੀ. ‘ਕਿਸ ਦੇਸ਼ ਮੈਂ ਹੈ ਮੇਰਾ ਦਿਲ’ ਤੋਂ ਬਾਅਦ ‘ਪਵਿੱਤਰ ਰਿਸ਼ਤਾ’ ਨੇ ਉਸ ਨੂੰ ਟੀਵੀ ਦੇ ਚੋਟੀ ਦੇ ਸਿਤਾਰਿਆਂ ਵਿਚੋਂ ਇਕ ਬਣਾਇਆ। ਉਹ ਇਸੇ ਸ਼ੋਅ ਦੀ ਪ੍ਰਮੁੱਖ ਅਦਾਕਾਰਾ ਅੰਕਿਤਾ ਲੋਖੰਡੇ ਨਾਲ ਪ੍ਰੇਮ ਹੋ ਗਿਆ ਸੀ ਅਤੇ ਲਗਭਗ 6 ਸਾਲ ਤੱਕ ਰਿਲੇਸ਼ਨਸ਼ਿਪ ਵਿੱਚ ਰਹੇ।ਉਸ ਤੋਂ ਬਾਅਦ ਉਨ੍ਹਾਂ ਦੀ ਜਿੰਦਗੀ ਵਿੱਚ ਰਿਆ ਚੱਕਰਬਰਤੀ ਆਈ ਜਿਸ ਨਾਲ ਉਨ੍ਹਾਂ ਦਾ ਅਫੇਅਰ ਚਲ ਰਿਹਾ ਸੀ ਪਰ ਡਰੱਗਜ਼ ਕੇਸ ਵਿੱਚ ਨਾਮ ਸਾਹਮਣੇ ਆਉਣ ਤੋਂ ਰਿਆ ਚਕੱਰਬਰਤੀ ਜੇਲ੍ਹ ਵਿੱਚ ਹੈ ਅਤੇ ਭਰਾ ਸ਼ੌਵਿਕ ਚੱਕਰਬਰਤੀ ਸਮੇਤ ਕਈ ਡਰੱਗ ਪੈਡਲਰਜ਼ ਦੀ ਗ੍ਰਿਫਤਾਰੀ ਹੋ ਚੁੱਕੀ ਹੈ। ਇਸ ਨਾਲ ਜੇਕਰ ਕੇਸ ਦੀ ਗੱਲ ਕਰੀਏ ਸੀਬੀਆਈ ਸੁਸ਼ਾਂਤ ਦੇ ਕੇਸ ਨੂੰ ਹੱਲ ਕਰਨ ਵਿੱਚ ਲੱਗੀ ਹੈ ਆਖਿਰ ਸੁਸ਼ਾਂਤ ਦੀ ਮੌਤ ਦਾ ਜਿਮ੍ਹੇਵਾਰ ਕੌਣ ਹੈ ਉਹ ਖੁਦ ਜਾਂ ਉਸ ਦਾ ਕਤਲ ਕਰ ਦਿੱਤਾ ਗਿਆ। ਹੁਣ ਖਬਰਾਂ ਆ ਰਹੀ ਹਨ ਕਿ ਸੀਬੀਆਈ ਜਲਦ ਹੀ ਸੁਸ਼ਾਂਤ ਕੇਸ ਵਿੱਚ ਗ੍ਰਿਫਤਾਰੀ ਕਰ ਸਕਦੀ ਹੈ ਅਤੇ ਉਹ ਜਲਦ ਹੀ ਹੁਣ ਅਦਾਕਾਰ ਦੀ ਮੌਤ ਦੀ ਗੁੱਥੀ ਨੂੰ ਸੁਲਝਾ ਲਵੇਗੀ।
