Taya nephew attacked: ਭੋਗਪੁਰ : ਪਿੰਡ ਭਟਨੂਰਾ ਲੁਬਾਣਾ ‘ਚ ਮਹਿੰਦਰਾ SUV ‘ਚ ਆਏ ਹਥਿਆਰਬੰਦ ਨੌਜਵਾਨਾਂ ਨੇ ਤਾਇਆ-ਭਤੀਜੇ ਨੂੰ ਗੋਲੀ ਮਾਰ ਦਿੱਤੀ ਜਿਸ ‘ਚ ਉਹ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਏ। ਉਨ੍ਹਾਂ ਨੂੰ ਕਾਲਾ ਬੱਕਰਾ ਸਥਿਤ ਸਰਕਾਰੀ ਹਸਪਤਾਲ ‘ਚ ਭਰਤੀ ਕਰਾਇਆ ਗਿਆ ਹੈ। ਭਟਨੂਰਾ ਲੁਬਾਣਾ ਨਿਵਾਸੀ ਸੁਖਦੇਵ ਸਿੰਘ, ਭਤੀਜਾ ਸੰਦੀਪ ਸਿੰਘ ਟਾਂਡਾ ਰਾਮ ਸਹਾਏ ਥਾਣਾ ਮੁਕੇਰੀਆਂ ਨਿਵਾਸੀ ਰਿਸ਼ਤੇਦਾਰ ਮਨਪ੍ਰੀਤ ਕੌਰ ਨਾਲ ਪਿੰਡ ਭਟਨੂਰਾ ਲੁਬਾਣਾ ਆ ਰਹੇ ਸਨ।
ਸਗਰਾਂਵਾਲੀ ਲਿੰਕ ਰੋਡ ‘ਤੇ ਮਹਿੰਦਰਾ ਐੱਸ. ਯੂ. ਵੀ. ਗੱਡੀ ਸਵਾਰ ਤਿੰਨ ਹਥਿਆਰਬੰਦ ਨੌਜਵਾਨਾਂ ਨੇ ਪਿਸਤੌਲ ਨਾਲ ਤਿੰਨ ਪਾਇਰ ਕੀਤੇ ਜਿਸ ‘ਚ ਸੁਖਦੇਵ ਸਿੰਘ ਦੇ ਦੋ ਤੇ ਸੰਦੀਪ ਸਿੰਘ ਦੇ ਲੱਕ ‘ਚ ਗੋਲੀ ਲੱਗੀ। ਗੋਲੀਆਂ ਮਾਰਨ ਤੋਂ ਬਾਅਦ ਦੋਵੇਂ ਨੌਜਵਾਨ ਫਰਾਰ ਹੋ ਗਏ। ਜ਼ਖਮੀ ਸੰਦੀਪ ਤੇ ਸੁਖਦੇਵ ਸਿੰਘ ਨੂੰ ਹਸਪਤਾਲ ਕਾਲਾ ਬਕਰਾ ਦਾਖਲ ਕਰਵਾਇਆ ਗਿਆ ਹੈ। ਭੋਗਪੁਰ ਥਾਣਾ ਇੰਚਾਰਜ ਮਨਜੀਤ ਸਿੰਘ ਨੇ ਕਿਹਾ ਕਿ ਸਿਵਲ ਹਸਪਤਾਲ ਕਾਲਾ ਬੱਕਰਾ ‘ਚ ਦਾਖਲ ਸੰਦੀਪ ਸਿੰਘ ਤੇ ਲੜਕੀ ਦੇ ਬਿਆਨਾਂ ‘ਤੇ ਕਾਰਵਾਈ ਕੀਤੀ ਜਾ ਰਹੀ ਹੈ।
ਪੁਲਿਸ ਨੂੰ ਦਿੱਤੇ ਬਿਆਨ ‘ਚ ਮਨਪ੍ਰੀਤ ਕੌਰ ਨੇ ਦੱਸਿਆ ਕਿ ਦੋ ਮਹੀਨੇ ਪਹਿਲਾਂ ਉਸ ਦੀ ਸਗਾਈ ਟਾਂਡਾ ਰਾਮ ਸਹਾਏ ਨਿਵਾਸੀ ਨੌਜਵਾਨ ਹਰਪ੍ਰੀਤ ਸਿੰਘ ਨਾਲ ਟੁੱਟ ਗਈ ਸੀ। ਮਾਮਲੇ ਦਾ ਫੈਸਲਾ ਥਾਣਾ ਮੁਕੇਰੀਆਂ ‘ਚ ਹੋਇਆ ਸੀ। ਉਸੇ ਗੱਲ ਦਾ ਬਦਲਾ ਲੈਣ ਲਈ ਉਸ ਨੂੰ ਤੇ ਉਸ ਦੇ ਪਰਿਵਾਰਕ ਮੈਂਬਰਾਂ ਨੂੰ ਮਾਰਨ ਲਈ ਮਾਮੇ ਦੇ ਘਰ ਭਟਨੂਰਾ ਲੁਬਾਣਾ ਪਹੁੰਚਣ ‘ਤੇ ਹਰਪ੍ਰੀਤ ਸਿੰਘ, ਉਸ ਦਾ ਭਰਾ ਅਮਨਦੀਪ ਸਿੰਘ ਤੇ ਉਸ ਦੇ ਸਾਥੀਆਂ ਨੇ ਘਟਨਾ ਨੂੰ ਅੰਜਾਮ ਦਿੱਤਾ।
