mandeep singh’s father died: ਜਲੰਧਰ: ਆਈਪੀਐਲ 2020 ਵਿੱਚ ਕਿੰਗਜ਼ ਇਲੈਵਨ ਪੰਜਾਬ ਲਈ ਖੇਡ ਰਹੇ ਜਲੰਧਰ ਦੇ ਕ੍ਰਿਕਟਰ ਮਨਦੀਪ ਸਿੰਘ ਦੇ ਪਿਤਾ ਹਰਦੇਵ ਸਿੰਘ ਦਾ ਅੱਜ ਵੀਰਵਾਰ ਨੂੰ ਦਿਹਾਂਤ ਹੋ ਗਿਆ ਹੈ। ਉਹ ਪਿੱਛਲੇ ਕੁੱਝ ਦਿਨਾਂ ਤੋਂ ਬਿਮਾਰ ਸੀ ਅਤੇ ਇਲਾਜ ਲਈ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਸਨ। ਉਨ੍ਹਾਂ ਦੀ ਹਾਲਤ ਵਿਗੜ ਜਾਣ ‘ਤੇ ਉਨ੍ਹਾਂ ਨੂੰ ਚੰਡੀਗੜ੍ਹ ਫੋਰਟਿਸ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ ਸੀ, ਜਿਥੇ ਇਲਾਜ ਦੌਰਾਨ ਉਨ੍ਹਾਂ ਨੇ ਦਮ ਤੋੜ ਦਿੱਤਾ। ਕ੍ਰਿਕਟਰ ਮਨਦੀਪ ਸਿੰਘ ਇਸ ਸਮੇਂ ਕਿੰਗਜ਼ ਇਲੈਵਨ ਪੰਜਾਬ ਲਈ ਆਈਪੀਐਲ ਖੇਡ ਰਿਹਾ ਹੈ। ਉਹ ਇਸ ਸਮੇਂ ਦੁਬਈ ਵਿੱਚ ਚੱਲ ਰਹੇ ਆਈਪੀਐਲ ਮੈਚਾਂ ਕਾਰਨ ਅਬੂ ਧਾਬੀ ਵਿੱਚ ਹੈ। ਸਵ:ਹਰਦੇਵ ਸਿੰਘ ਜਲੰਧਰ ਦੇ ਸਾਬਕਾ ਜ਼ਿਲ੍ਹਾ ਖੇਡ ਅਫ਼ਸਰ ਵੀ ਰਹੇ ਸਨ। ਕ੍ਰਿਕਟਰ ਮਨਦੀਪ ਸਿੰਘ ਆਈਪੀਐਲ ਨੂੰ ਛੱਡ ਕੇ ਜਲੰਧਰ ਵਾਪਿਸ ਆਪਣੇ ਘਰ ਪਰਤ ਸਕਦੇ ਹਨ।
IPL 2020: KXIP ਦੇ ਖਿਡਾਰੀ ਮਨਦੀਪ ਸਿੰਘ ਦੇ ਪਿਤਾ ਹੋਇਆ ਦਿਹਾਂਤ
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook 'ਤੇ like ਤੇ See first ਕਰੋ .
