Girl was blackmailing : ਅੱਜ ਜਿਲ੍ਹਾ ਬਠਿੰਡਾ ਦੀ ਪਾਸ਼ ਕਾਲੋਨੀ ਕਮਲਾ ਨਹਿਰੂ ਵਿਖੇ ਇੱਕੋ ਹੀ ਪਰਿਵਾਰ ਦੇ 3 ਮੈਂਬਰਾਂ ਦੀ ਗੁੱਥੀ ਸੁਲਝਾ ਲਈ ਗਈ ਹੈ। ਹੱਤਿਆ ਦਾ ਕਾਰਨ ਬਲੈਕਮੇਲਿੰਗ ਦੱਸਿਆ ਜਾ ਰਿਹਾ ਹੈ। ਮ੍ਰਿਤਕ ਚਰਨਜੀਤ ਸਿੰਘ ਦੀ ਧੀ ਸਿਮਰਨ ਕੌਰ ਆਪਣੇ ਪ੍ਰੇਮੀ ਯੁਵਕਰਨ ਸਿੰਘ ਢਿੱਲੋਂ ਨੂੰ ਬਲੈਕਮੇਲ ਕਰ ਰਹੀ ਸੀ। ਉਹ ਉਸ ‘ਤੇ ਵਿਆਹ ਕਰਨ ਲਈ ਦਬਾਅ ਬਣਾ ਰਹੀ ਸੀ ਜਦੋਂ ਕਿ ਕੁੜੀ ਦੇ ਕਿਸੇ ਹੋਰ ਨੌਜਵਾਨ ਨਾਲ ਦੋਸਤੀ ਹੋਣ ਕਾਰਨ ਉਹ ਉਸ ਨੂੰ ਛੱਡਣਾ ਚਾਹੁੰਦਾ ਸੀ ਪਰ ਕੁੜੀ ਉਸ ਨੂੰ ਪੁਰਾਣੀ ਫੋਟੋ ਦਿਖਾ ਕੇ ਲਗਾਤਾਰ ਬਲੈਕਮੇਲ ਕਰ ਰਹੀ ਸੀ ਤੇ ਉਸ ‘ਤੇ ਜਬਰ ਜਨਾਹ ਦਾ ਕੇਸ ਦਰਜ ਕਰਵਾਉਣ ਦੀ ਧਮਕੀ ਦੇ ਰਹੀ ਸੀ। ਮ੍ਰਿਤਕ ਯੁਵਕਰਨ ਸਿੰਘ ਨੇ ਮ੍ਰਿਤਕ ਸਿਮਰਨ ਨਾਲ ਫੋਨ ‘ਤੇ ਗੱਲਬਾਤ ਕਰਨਾ ਵੀ ਬੰਦ ਕਰ ਦਿੱਤਾ ਸੀ ਪਰ ਸਿਮਰਨ ਉਸ ਦੇ ਘਰ ਵਾਰ-ਵਾਰ ਫੋਨ ਕਰਕੇ ਉਸ ਨੂੰ ਪ੍ਰੇਸ਼ਾਨ ਕਰ ਰਹੀ ਸੀ।
ਬੀਤੇ ਐਤਵਾਰ ਨੂੰ ਯੁਵਕਰਨ ਸਿੰਘ ਕੁੜੀ ਨਾਲ ਗੱਲਬਾਤ ਕਰਨ ਲਈ ਉਸ ਦੇ ਘਰ ਕਮਲਾ ਨਹਿਰੂ ਆਇਆ ਸੀ। ਉਹ ਆਪਣੇ ਨਾਲ ਆਪਣੇ ਭਰਾ ਦਾ ਲਾਇਸੈਂਸੀ ਰਿਵਾਲਵਰ ਵੀ ਲੈ ਕੇ ਆਇਆ ਸੀ। ਐਤਵਾਰ ਰਾਤ ਲਗਭਗ 8 ਤੋਂ 9 ਵਜੇ ਤੱਕ ਉਹ ਸਿਮਰਨ ਦੇ ਘਰ ਮੌਜੂਦ ਸੀ ਜਿਥੇ ਉਸ ਦਾ ਸਿਮਰਨ ਤੇ ਉਸ ਦੇ ਨਾਲ ਪਰਿਵਾਰ ਦਾ ਵਿਵਾਦ ਹੋਇਆ। ਇਸ ਤੋਂ ਬਾਅਦ ਗੁੱਸੇ ‘ਚ ਆ ਕੇ ਉਸ ਨੇ ਆਪਣੇ ਭਰਾ ਦੇ ਲਾਇਸੈਂਸੀ ਰਿਵਾਲਵਰ ਨਾਲ ਤਿੰਨਾਂ ਦੇ ਸਿਰ ‘ਚ ਗੋਲੀ ਮਾਰ ਕੇ ਉਨ੍ਹਾਂ ਦੀ ਹੱਤਿਆ ਕਰ ਦਿੱਤੀ ਤੇ ਉਥੋਂ ਚਲਾ ਗਿਆ। ਬਠਿੰਡਾ ਤੋਂ ਜਾਣ ਤੋਂ ਬਾਅਦ ਮੋਬਾਈਲ ਨਾਲ ਵੀਡੀਓ ਬਣਾਈ, ਜਿਸ ‘ਚ ਉਸ ਨੇ ਦੱਸਿਆ ਕਿ ਲੜਕੀ ਸਿਮਰਨ ਕੌਰ ਦੇ ਨਾਲ ਦੋ ਸਾਲ ਤੋਂ ਉਸ ਦੇ ਰਿਲੇਸ਼ਨ ‘ਚ ਸੀ। ਪਿਛਲੇ ਕੁਝ ਦਿਨਾਂ ਤੋਂ ਉਹ ਉਸ ਨੂੰ ਬਲੈਕਮੇਰ ਕਰ ਰਹੀ ਸੀ।
ਵੀਡੀਓ ‘ਚ ਯੁਵਕ ਨੇ ਦੱਸਿਆ ਕਿ ਲੜਕੀ ਦੇ ਹੋਰ ਕਈ ਲੋਕਾਂ ਨਾਲ ਵੀ ਪ੍ਰੇਮ ਸਬੰਧ ਸਨ। ਇਸ ਦੀ ਜਾਣਕਾਰੀ ਉਸ ਨੂੰ ਲੱਗੀ। ਕੈਨੇਡਾ ‘ਚ ਵੀ ਇੱਕ ਲੜਕੇ ਨਾਲ ਉਸ ਦੇ ਪ੍ਰੇਮ ਸਬੰਧ ਸਨ। ਉਸ ਦਾ ਕਹਿਣਾ ਸੀ ਕਿ ਉਸ ਕੋਲ ਇਸ ਦੇ ਸਬੂਤ ਵੀ ਸਨ, ਜਿਸ ਕਾਰਨ ਉਹ ਵਿਆਹ ਤੋਂ ਇਨਕਾਰ ਕਰ ਰਿਹਾ ਸੀ। ਬਲੈਕਮੇਲ ਤੋਂ ਦੁਖੀ ਹੋ ਕੇ ਉਸ ਨੇ ਇਹ ਕਦਮ ਚੁੱਕਿਆ। ਵੀਡੀਓ ‘ਚ ਉਸ ਨੇ ਦੱਸਿਆ ਕਿ ਉਹ ਲੜਕੀ ਨੂੰ ਕਈ ਫਲੈਟਾਂ ਤੇ ਇਟਾਵਾ ਦੇ ਮਾਡਰਨ ਹੋਟਲ ‘ਚ ਲੈ ਜਾਂਦਾ ਸੀ। ਹੋਟਲ ‘ਚ ਲੜਕੀ ਨੇ ਕਈ ਫੋਟੋਆਂ ਖਿੱਚੀਆਂ ਤੇ ਵੀਡੀਓ ਵੀ ਬਣਾਈ ਜਦੋਂ ਉਸ ਨੇ ਇਸ ‘ਤੇ ਇਤਰਾਜ਼ ਕੀਤਾ ਤਾਂ ਲੜਕੀ ਨੇ ਕਿਹਾ ਕਿ ਜਦੋਂ ਅਸੀਂ ਬੁੱਢੇ ਹੋ ਜਾਵਾਂਗੇ ਤਾਂ ਇਨ੍ਹਾਂ ਫੋਟੋਆਂ ਨੂੰ ਦੇਖਾਂਗੇ। ਅਸਲ ‘ਚ ਉਸ ਨੇ ਬਲੈਕਮੇਲ ਕਰਨ ਲਈ ਇਹ ਫੋਟੋਆਂ ਖਿੱਚੀਆਂ।
ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਨੌਜਵਾਨ ਸਿੱਧੇ ਆਪਣੇ ਪਿੰਡ ਮਾਨਸਾ ਖੁਰਦ ਗਿਆ। ਘਰ ਪਹੁੰਚਣ ਤੋਂ ਬਾਅਦ ਉਸ ਨੇ ਪਿਸਤੌਲ ਨਾਲ ਰਾਤ ਦੇ ਸਮੇਂ ਖੁਦ ਨੂੰ ਗੋਲੀ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਮਾਮਲੇ ਦੀ ਜਾਣਕਾਰੀ ਪੁਲਿਸ ਨੂੰ ਦਿੱਤੇ ਬਿਨਾਂ ਹੀ ਸੋਮਵਾਰ ਸਵੇਰੇ ਉਸ ਦਾ ਅੰਤਿਮ ਸਸਕਾਰ ਕਰ ਦਿੱਤਾ ਗਿਆ। ਮਾਮਲੇ ਦਾ ਪਤਾ ਲੱਗਣ ‘ਤੇ ਪੁਲਿਸ ਨੇ ਨੌਜਵਾਨ ਦਾ ਮੋਬਾਈਲ ਫੋਨ ਤੇਪਿਸਤੌਲ ਬਰਾਮਦ ਕਰ ਲਿਆ ਹੈ ਜਦੋਂ ਕਿ ਹੁਣ ਇਹ ਜਾਂਚ ਕੀਤੀ ਜਾ ਰਹੀ ਹੈ ਨੌਜਵਾਨ ਬਠਿੰਡਾ ਇਕੱਲੇ ਆਇਆ ਸੀ ਜਾਂ ਉਸ ਦੇ ਨਾਲ ਕੋਈ ਹੋਰ ਵੀ ਆਇਆ ਸੀ।
ਇਹ ਵੀ ਪੜ੍ਹੋ : Punjab ਦੇ ਹੱਕ ‘ਚ Navjot Singh Sidhu ਨੇ ਵੇਰਕਾ ਪਹੁੰਚ ਕੇ ਫਿਰ ਚੁੱਕੀ ਆਵਾਜ਼
