Ipl auction 2021 updates : ਇੰਡੀਅਨ ਪ੍ਰੀਮੀਅਰ ਲੀਗ ਦੇ 14 ਵੇਂ ਸੀਜ਼ਨ ਲਈ ਨਿਲਾਮੀ ਸ਼ੁਰੂ ਹੋ ਗਈ ਹੈ। ਨਿਲਾਮੀ ਵਿੱਚ ਸਟੀਵ ਸਮਿਥ ਨੂੰ ਦਿੱਲੀ ਕੈਪੀਟਲਸ ਨੇ 2.20 ਕਰੋੜ ਵਿੱਚ ਅਤੇ ਗਲੇਨ ਮੈਕਸਵੈਲ ਨੂੰ ਆਰਸੀਬੀ ਨੇ 14.25 ਕਰੋੜ ਵਿੱਚ ਖਰੀਦਿਆ ਹੈ। 1100 ਤੋਂ ਵੱਧ ਖਿਡਾਰੀਆਂ ਨੇ ਨਿਲਾਮੀ ਲਈ ਰਿਜਿਸਟ੍ਰੇਸ਼ਨ ਕਰਵਾਇਆ ਸੀ। ਪਰ ਸਿਰਫ 292 ਖਿਡਾਰੀਆਂ ਨੂੰ ਨਿਲਾਮੀ ਵਿੱਚ ਹਿੱਸਾ ਲੈਣ ਦਾ ਮੌਕਾ ਮਿਲਿਆ। ਹਾਲਾਂਕਿ, ਮਾਰਕ ਵੁੱਡ ਦੇ ਪਿੱਛੇ ਹਟਣ ਕਾਰਨ, ਅੱਜ ਦੀ ਨਿਲਾਮੀ ਵਿੱਚ ਸਿਰਫ 291 ਖਿਡਾਰੀ ਹੀ ਬਚੇ ਹਨ। ਸਾਰੀਆਂ 8 ਟੀਮਾਂ ਦੇ 61 ਸਲੋਟ ਖਾਲੀ ਹਨ, ਇਸ ਲਈ ਨਿਲਾਮੀ ਦੌਰਾਨ ਸਿਰਫ 61 ਖਿਡਾਰੀਆਂ ਦੀ ਹੀ ਕਿਸਮਤ ਚਮਕੇਗੀ।
ਆਸਟ੍ਰੇਲੀਆ ਦੇ ਵਿਸਫੋਟਕ ਬੱਲੇਬਾਜ਼ ਗਲੇਨ ਮੈਕਸਵੈਲ ਨੂੰ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਨੇ 14.25 ਕਰੋੜ ਰੁਪਏ ਵਿੱਚ ਖਰੀਦਿਆ ਹੈ। ਚੇਨਈ ਸੁਪਰ ਕਿੰਗਜ਼ ਨੇ ਮੈਕਸਵੈੱਲ ਨੂੰ ਖਰੀਦਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਪਰ ਪਰਸ ਵਿੱਚ ਪੈਸੇ ਦੀ ਘਾਟ ਕਾਰਨ ਉਹ ਇਸ ਖਿਡਾਰੀ ਨੂੰ ਨਹੀਂ ਖਰੀਦ ਸਕੀ। ਬੰਗਲਾਦੇਸ਼ ਦੇ ਸਪਿਨ ਆਲਰਾਊਂਡਰ ਸ਼ਾਕਿਬ ਅਲ ਹਸਨ ਨੂੰ ਕੋਲਕਾਤਾ ਨਾਈਟ ਰਾਈਡਰਜ਼ ਨੇ 3.20 ਕਰੋੜ ਵਿੱਚ ਖਰੀਦਿਆ ਹੈ। ਸ਼ਾਕਿਬ ਪਿੱਛਲੇ ਸਾਲ ਇਸ ਲੀਗ ਦਾ ਹਿੱਸਾ ਨਹੀਂ ਸੀ। ਸ਼ਕੀਬ ਦੀ ਬੇਸ ਕੀਮਤ ਦੋ ਕਰੋੜ ਰੁਪਏ ਸੀ।
