Odisha truck driver fined : ਓਡੀਸ਼ਾ ਦੇ ਗੰਜਮ ਤੋਂ ਇੱਕ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਟਰਾਂਸਪੋਰਟ ਵਿਭਾਗ ਦੇ ਅਧਿਕਾਰੀਆਂ ਨੇ ਬਿਨਾਂ ਹੈਲਮੇਟ ਪਾਏ ਟਰੱਕ ਚਲਾਉਣ ਲਈ ਇੱਕ ਵਿਅਕਤੀ ਨੂੰ ਇੱਕ ਹਜ਼ਾਰ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਲਾਪ੍ਰਵਾਹੀ ਦਾ ਇਹ ਮਾਮਲਾ ਸੁਰਖੀਆਂ ਵਿੱਚ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਪੂਰਾ ਮਾਮਲਾ ਉੜੀਸਾ ਦੇ ਗੰਜਮ ਜ਼ਿਲ੍ਹੇ ਦਾ ਹੈ। ਇੱਥੇ, ਪ੍ਰਮੋਦ ਕੁਮਾਰ ਨਾਮ ਦਾ ਵਿਅਕਤੀ ਆਪਣੇ ਵਾਹਨ ਦੇ ਪਰਮਿਟ ਨੂੰ ਨਿਊ ਕਰਵਾਉਣ ਲਈ ਜ਼ਿਲ੍ਹੇ ਦੇ ਟਰਾਂਸਪੋਰਟ ਵਿਭਾਗ ਦੇ ਦਫਤਰ ਗਿਆ ਤਾਂ ਉਸ ਨੂੰ ਦੱਸਿਆ ਗਿਆ ਕਿ ਉਸ ਦੇ ਵਾਹਨ ਨੰਬਰ ਓ.ਆਰ.-07 ਡਬਲਯੂ / 4593 ਦਾ ਇੱਕ ਚਲਾਨ ਬਕਾਇਆ ਹੈ। ਪ੍ਰਮੋਦ ਟਰਾਂਸਪੋਰਟ ਵਿਭਾਗ ਦੇ ਅਧਿਕਾਰੀਆਂ ਤੋਂ ਇਹ ਸੁਣ ਕੇ ਹੈਰਾਨ ਹੋ ਗਿਆ ਅਤੇ ਪੁੱਛਿਆ ਕਿ ਉਸ ਦਾ ਚਲਾਨ ਕਿਉਂ ਕੱਟਿਆ ਗਿਆ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਉਸ ਦਾ ਚਲਾਨ ਬਿਨਾਂ ਹੈਲਮੇਟ ਦੇ ਵਾਹਨ ਚਲਾਉਣ ਕਾਰਨ ਕੱਟਿਆ ਗਿਆ ਹੈ।
ਇਹ ਚਲਾਨ 1000 ਰੁਪਏ ਦਾ ਸੀ। ਪਰ ਹੈਰਾਨੀ ਦੀ ਗੱਲ ਹੈ ਕਿ ਗੱਡੀ ਨੰਬਰ (OR-07W / 4593) ਜਿਸ ਦਾ ਚਲਾਨ ਕੱਟਿਆ ਗਿਆ ਸੀ ਉਹ ਇੱਕ ਟਰੱਕ ਸੀ। ਪ੍ਰਮੋਦ ਕੁਮਾਰ ਨੇ ਇਹ ਗੱਲ ਟਰਾਂਸਪੋਰਟ ਵਿਭਾਗ ਦੇ ਅਧਿਕਾਰੀਆਂ ਨੂੰ ਦੱਸੀ, ਪਰ ਉਹ ਸਹਿਮਤ ਨਹੀਂ ਹੋਏ। ਉਸ ਨੂੰ ‘ਬਿਨਾਂ ਹੈਲਮੇਟ ਦੇ ਡਰਾਈਵਿੰਗ’ ਚਲਾਨ ਦਾ ਭੁਗਤਾਨ ਕਰਨ ਲਈ ਮਜਬੂਰ ਕੀਤਾ ਗਿਆ ਅਤੇ ਫਿਰ ਪਰਮਿਟ ਨੂੰ ਨਿਊ ਕੀਤਾ ਗਿਆ। ਪ੍ਰਮੋਦ ਦਾ ਕਹਿਣਾ ਹੈ ਕਿ ਮੈਂ ਪਿਛਲੇ ਤਿੰਨ ਸਾਲਾਂ ਤੋਂ ਟਰੱਕ ਚਲਾ ਰਿਹਾ ਹਾਂ। ਟਰੱਕ ਪਾਣੀ ਦੀ ਸਪਲਾਈ ਵਿੱਚ ਲੱਗਾ ਹੋਇਆ ਹੈ। ਇਸ ਦੌਰਾਨ ਮੇਰੇ ਟਰੱਕ ਨੂੰ ਚਲਾਉਣ ਦੀ ਇਜਾਜ਼ਤ ਦੀ ਮਿਆਦ ਖਤਮ ਹੋ ਗਈ, ਇਸ ਲਈ ਇਸ ਨੂੰ ਨਵੀਨੀਕਰਣ ਕਰਾਉਣ ਲਈ ਆਰਟੀਓ ਦਫ਼ਤਰ ਗਿਆ ਸੀ। ਫਿਰ ਮੈਨੂੰ ਬਕਾਇਆ ਚਲਾਨ ਬਾਰੇ ਪਤਾ ਲੱਗਿਆ। ਪਰ ਚਲਾਨ ਟਰੱਕ ਦਾ ਸੀ, ਬਿਨਾਂ ਹੈਲਮੇਟ ਚਲਾਉਣ ਕਾਰਨ। ਪ੍ਰਮੋਦ ਨੇ ਕਿਹਾ ਕਿ ਸਰਕਾਰ ਨੂੰ ਇਸ ਵੱਲ ਧਿਆਨ ਦੇਣਾ ਚਾਹੀਦਾ ਹੈ। ਅਧਿਕਾਰੀ ਬੇਲੋੜਾ ਪ੍ਰੇਸ਼ਾਨ ਕਰਦੇ ਹਨ। ਗੈਰਕਾਨੂੰਨੀ ਢੰਗ ਨਾਲ ਪੈਸੇ ਵਸੂਲਦੇ ਹਨ। ਮੈਨੂੰ ਚਲਾਨ ਨੂੰ ਮਜਬੂਰੀ ‘ਚ ਭਰਨਾ ਪਿਆ ਕਿਉਂਕਿ ਪਰਮਿਟ ਦਾ ਨਵੀਨੀਕਰਨ ਕਰਵਾਉਣਾ ਬਹੁਤ ਜ਼ਰੂਰੀ ਸੀ।
