Giant lizard found in supermarket : ਕਈ ਵਾਰ ਸੋਸ਼ਲ ਮੀਡੀਆ ‘ਤੇ ਅਜਿਹੀਆਂ ਵੀਡੀਓਜ਼ ਵਾਇਰਲ ਹੋ ਜਾਂਦੀਆਂ ਹਨ, ਜਿਸ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੋ ਜਾਂਦਾ ਹੈ। ਅਜਿਹਾ ਹੀ ਇੱਕ ਵੀਡੀਓ ਥਾਈਲੈਂਡ ਤੋਂ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਇੱਕ ਵੱਡੀ ਕਿਰਲੀ ਇੱਕ ਸੁਪਰ ਮਾਰਕੀਟ ਵਿੱਚ ਦਾਖਲ ਹੋਈ।
ਦਰਅਸਲ, ਇਹ ਵੀਡੀਓ ਜਰਨਲਿਸਟ ਐਂਡਰੂ ਮਾਰਸ਼ਲ ਨੇ ਪੋਸਟ ਕੀਤਾ ਹੈ। ਇਹ ਮਾਮਲਾ ਥਾਈਲੈਂਡ ਦੀ ਰਾਜਧਾਨੀ ਬੈਂਕਾਕ ਦਾ ਹੈ, ਇਥੇ ਇਕ ਸੁਪਰਮਾਰਕੀਟ ਵਿਚ ਇਸ ਵਿਸ਼ਾਲ ਕਿਰਲੀ ਨੂੰ ਵੇਖ ਕੇ ਉਥੇ ਹੰਗਾਮਾ ਹੋ ਗਿਆ। ਉਥੇ ਮੌਜੂਦ ਲੋਕ ਬਹੁਤ ਘਬਰਾ ਗਏ।
ਵੀਡੀਓ ਵਿਚ ਦੇਖਿਆ ਜਾ ਰਿਹਾ ਹੈ ਕਿ ਕਿਰਲੀ ਉਪਰ ਚੜ੍ਹਣ ਲੱਗਦੀ ਹੈ ਅਤੇ ਸਾਮਾਨ ਨੂੰ ਹੇਠਾਂ ਸੁੱਟਣ ਲੱਗਦੀ ਹੈ, ਫਿਰ ਉੱਪਰ ਚੜ੍ਹ ਕੇ ਆਰਾਮ ਨਾਲ ਬੈਠ ਜਾਂਦੀ ਹੈ ਜਿਸ ਨੂੰ ਦੇਖ ਕੇ ਲੋਕ ਡਰ ਜਾਂਦੇ ਹਨ ਅਤੇ ਲੋਕਾਂ ਦੀ ਆਵਾਜ਼ ਸੁਣਾਈ ਦੇ ਰਹੀ ਹੈ ਕਿ ਸਭ ਕੁਝ ਬਰਬਾਦ ਹੋ ਗਿਆ।
ਸੁਪਰ ਮਾਰਕੀਟ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਕਿਰਲੀ ਦੁਕਾਨ ਵਿੱਚ ਕਿਵੇਂ ਆ ਗਈ, ਇਸ ਦਾ ਪਤਾ ਨਹੀਂ ਲੱਗ ਸਕਿਆ, ਕੁਝ ਨੇ ਦੱਸਿਆ ਕਿ ਬਾਹਰ ਦੀ ਗਰਮੀ ਤੋਂ ਤੰਗ ਆ ਕੇ ਇਹ ਕਿਰਲੀ ਅੰਦਰ ਆ ਗਈ ਪਰ ਫਿਰ ਬਾਅਦ ਵਿੱਚ ਕਿਸੇ ਤਰ੍ਹਾਂ ਇਸ ਨੂੰ ਬਾਹਰ ਕੀਤਾ ਗਿਆ। ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੁੰਦੇ ਹੀ ਇਸ ਵੀਡੀਓ ’ਤੇ ਲੋਕ ਖੂਬ ਕਮੈਂਟ ਕਰ ਰਹੇ ਹਨ।
