Pearl v puri arrested : ਮਸ਼ਹੂਰ ਟੀਵੀ ਅਦਾਕਾਰ ਪਰਲ ਵੀ ਪੁਰੀ ਨੂੰ ਦੇਰ ਰਾਤ ਗ੍ਰਿਫਤਾਰ ਕੀਤਾ ਗਿਆ ਹੈ। ਅਦਾਕਾਰ ‘ਤੇ ਬਲਾਤਕਾਰ ਅਤੇ ਛੇੜਛਾੜ ਦਾ ਦੋਸ਼ ਲਗਾਇਆ ਗਿਆ ਹੈ। ਖਬਰਾਂ ਅਨੁਸਾਰ ਇਕ ਔਰਤ ਨੇ ਅਦਾਕਾਰ ‘ਤੇ ਬਲਾਤਕਾਰ ਦਾ ਦੋਸ਼ ਲਗਾਇਆ ਹੈ। ਔਰਤ ਅਤੇ ਉਸਦੇ ਪਰਿਵਾਰ ਨੇ ਪਰਲ ਵੀ ਪੁਰੀ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਅਤੇ ਪੁਲਿਸ ਨੇ 4 ਜੂਨ ਦੇਰ ਸ਼ਾਮ ਉਸਨੂੰ ਗ੍ਰਿਫਤਾਰ ਕਰ ਲਿਆ।
ਫਿਲਹਾਲ ਇਹ ਅਦਾਕਾਰ ਪੁਲਿਸ ਦੀ ਹਿਰਾਸਤ ਵਿਚ ਹੈ। ਇਸ ਤੋਂ ਇਲਾਵਾ ਅਜੇ ਤੱਕ ਕੋਈ ਹੋਰ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਪਰ ਨਾਗਿਨ ਦੀ ਕੋ ਏਕ੍ਟਰ ਅਨੀਤਾ ਹੱਸਅਨੰਦਾਨੀ ਉਸਦੇ ਪੱਖ ਵਿਚ ਵੀ ਉਤਾਰੀ ਹੈ ਜਿਸਦਾ ਕਹਿਣਾ ਹੈ ਕਿ ਉਹ ਅਜਿਹਾ ਨਹੀਂ ਕਰ ਸਕਦਾ,ਮੈਂ ਉਸਨੂੰ ਚੰਗੀ ਤਰਾਂ ਜਾਣਦੀ ਹਾਂ ਉਹ ਅਜਿਹਾ ਹੈ ਹੀ ਨਹੀਂ। ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਸਾਲ ਅਕਤੂਬਰ ਵਿੱਚ ਪਰਲ ਵੀ ਪੁਰੀ ਦੇ ਪਿਤਾ ਦਾ ਦਿਹਾਂਤ ਹੋ ਗਿਆ ਸੀ। ਉਸ ਸਮੇਂ ਅਭਿਨੇਤਾ ਆਪਣੇ ਸ਼ੋਅ ਦੀ ਸ਼ੂਟਿੰਗ ‘ਚ ਰੁੱਝੇ ਹੋਏ ਸਨ। ਕੁਝ ਦਿਨ ਪਹਿਲਾਂ ਪਰਲ ਨੇ ਇਕ ਸ਼ੋਅ ਦੌਰਾਨ ਦੱਸਿਆ ਸੀ ਕਿ ਉਸ ਦੇ ਪਿਤਾ ਨਹੀਂ ਚਾਹੁੰਦੇ ਸਨ ਕਿ ਉਹ ਅਭਿਨੇਤਾ ਬਣੇ, ਇਸ ਲਈ ਉਹ ਆਪਣੇ ਘਰ ਤੋਂ ਭੱਜ ਗਿਆ ਸੀ। ਉਸ ਕੋਲ ਪੈਸੇ ਨਹੀਂ ਬਚੇ ਸਨ ਅਤੇ ਉਹ ਆਪਣੀ ਭੁੱਖ ਮਿਟਾਉਣ ਲਈ ਪਾਣੀ-ਪੁਰੀ ਖਾਂਦਾ ਸੀ। ਇੱਕ ਵਾਰ ਉਸਨੇ ਨੌਂ ਦਿਨਾਂ ਤੋਂ ਕੁਝ ਨਹੀਂ ਖਾਧਾ ਸੀ।
ਕੰਮ ਦੇ ਮੋਰਚੇ ‘ਤੇ, ਪਰਲ ਵੀ ਨੇ ਆਪਣੇ ਅਦਾਕਾਰੀ ਕਰੀਅਰ ਦੀ ਸ਼ੁਰੂਆਤ ਸਾਲ 2013 ਵਿਚ ਕੀਤੀ ਸੀ। ਉਸਨੇ 2013 ਵਿੱਚ ਟੀਵੀ ਸੀਰੀਅਲ ‘ਦਿਲ ਕੀ ਨਜ਼ਰ ਸੇ ਖੂਬਸੂਰਤ’ ਨਾਲ ਆਪਣੀ ਸ਼ੁਰੂਆਤ ਕੀਤੀ ਸੀ। ਹਾਲਾਂਕਿ, ਉਸ ਨੇ ‘ਫਿਰ ਭੀ ਨਾ ਮਾਨੇ ਬਦਤਮੀਜ਼ ਦਿਲ’ ਨਾਲ ਮੁੱਖ ਅਦਾਕਾਰ ਵਜੋਂ ਆਪਣਾ ਪਹਿਲਾ ਬਰੇਕ ਲਿਆ। ਇਸ ਤੋਂ ਬਾਅਦ ਪਰਲ ਵੀ ਪੁਰੀ ਨੇ ‘ਨਾਗਾਰਜੁਨ ਏਕ ਯੋਧਾ’, ‘ਬੇਪਨਾਹ ਪਿਆਰ’, ‘ਨਾਗਿਨ 3’ ਅਤੇ ‘ਬ੍ਰਹਮਰਾਕਸ਼ਸ 2’ ਵਰਗੇ ਕਈ ਸੀਰੀਅਲਾਂ ‘ਚ ਕੰਮ ਕੀਤਾ। ਅਭਿਨੇਤਾ ਬਿੱਗ ਬੌਸ 12 ਅਤੇ 13 ਵਿਚ ਬਤੌਰ ਮਹਿਮਾਨ ਵੀ ਨਜ਼ਰ ਆਏ ਹਨ। ਇਸ ਤੋਂ ਇਲਾਵਾ ਪਰਲ ‘ਕਿਚਨ ਚੈਂਪੀਅਨ 5’ ਵਰਗੇ ਰਿਐਲਿਟੀ ਸ਼ੋਅ ‘ਚ ਵੀ ਨਜ਼ਰ ਆਈ।
