ਪਿੰਡ ਭਾਈ ਲੱਧੂ ਵਿਖੇ ਅਣਪਛਾਤੇ ਵਿਅਕਤੀ ਦੀ ਲਾਸ਼ ਸੂਏ ਵਿਚੋਂ ਮਿਲਣ ਕਾਰਨ ਪਿੰਡ ਵਿਚ ਫੈਲੀ ਦਹਿਸ਼ਤ ਦੱਸਦੀ ਗਈ ਕਿ ਇਹ ਲਾਸ਼ ਕਾਫੀ ਦਿਨਾਂ ਤੋਂ ਇਸ ਸੂਏ ਵਿੱਚ ਤੈਰਦੀ ਹੋਈ ਅੜੀ ਹੋਈ ਸੀ ਪਰ ਕਿਸੇ ਵੀ ਵਿਅਕਤੀ ਦਾ ਇਸ ਵੱਲ ਧਿਆਨ ਨਹੀਂ ਗਿਆ। ਅੱਜ ਸਵੇਰ ਵੇਲੇ ਇੱਕ ਨੌਜਵਾਨ ਨੇ ਇਸ ਲਾਸ਼ ਨੂੰ ਇਸ ਸੂਏ ਵਿਚ ਵੇਖਣ ਤੋਂ ਬਾਅਦ ਤੁਰੰਤ ਪੱਤਰਕਾਰਾਂ ਦੀ ਟੀਮ ਨੂੰ ਸੂਚਿਤ ਕੀਤਾ।
ਜਿਸ ਤੋਂ ਬਾਅਦ ਟੀਮ ਵੱਲੋਂ ਥਾਣਾ ਸਦਰ ਪੱਟੀ ਪੁਲਸ ਨੂੰ ਸੂਚਿਤ ਕੀਤਾ ਗਿਆ। ਜਿਸ ਤੋਂ ਬਾਅਦ ਮੌਕੇ ਤੇ ਪਹੁੰਚੀ ਥਾਣਾ ਸਦਰ ਪੱਟੀ ਪੁਲਸ ਦੇ ਐੱਸ ਐੱਚ ਓ ਜਸਵਿੰਦਰ ਸਿੰਘ ਨੇ ਮੌਕੇ ਤੇ ਪਹੁੰਚ ਕੇ ਲਾਸ਼ ਨੂੰ ਸੂਏ ਵਿਚੋਂ ਕਢਵਾ ਕੇ ਨੌਜਵਾਨ ਦੀ ਸ਼ਨਾਖਤ ਲਈ ਬਹੱਤਰ ਘੰਟੇ ਲਈ ਸਿਵਲ ਹਸਪਤਾਲ ਪੱਟੀ ਵਿਖੇ ਭੇਜ ਦਿੱਤਾ ਹੈ।
