harish verma upcoming movie : ‘ ਰੱਬ ਦੀ ਮਿਹਰ ‘ ਦਿਲ ਨੂੰ ਛੂਹ ਜਾਣ ਵਾਲੀ ਇੱਕ ਰੋਮਾਂਟਿਕ ਫਿਲਮ ਹੈ। ਜਿਸ ਦੇ ਵਿੱਚ ਹਰੀਸ਼ ਵਰਮਾ ਅਤੇ ਕਸ਼ਿਸ਼ ਰਾਏ ਮੁੱਖ ਭੂਮੀਕਾ ਦੇ ਵਿੱਚ ਹਨ। ਪੰਜਾਬੀ ਸਿਨੇਮਾ ਵੀ ਬਾਕੀ ਕੰਮਾਂ ਦੇ ਵਾਂਗ ਕੋਵਿਡ ਦੇ ਕਾਰਨ ਰੁੱਕ ਗਿਆ ਸੀ। ਜਿਸ ਦੀ ਡੇਢ਼ ਸਾਲ ਦੇ ਬਾਅਦ ਵਾਪਸੀ ਹੋ ਰਹੀ ਹੈ। ‘ਰੱਬ ਦੀ ਮਿਹਰ ‘ ਦੀ ਸ਼ੂਟਿੰਗ 1 ਸਤੰਬਰ ਤੋਂ ਜਲੰਧਰ ਦੇ ਵਿੱਚ ਸ਼ੁਰੂ ਹੋ ਗਈ ਹੈ। ਕਪਿਲ ਬੱਤਰਾ ਦੇ ਵਲੋਂ ਨਿਰਦੇਸ਼ਿਤ , ਅਤੇ ਡਿਗਿਆਨਾ ਫ਼ਿਲਮਜ਼ ਪ੍ਰੋਡਕਸ਼ਨ ਹੈ।
ਫਿਲਮ ਦਾ ਨਿਰਮਾਣ ਅੰਜੂ ਮੋਂਗਾ , ਕਰਨ ਮੋਂਗਾ , ਗੋਵਿੰਦ ਅਗਰਵਾਲ ਤੇ ਡਿਗਿਆਨਾ ਫ਼ਿਲਮਜ਼ ਪ੍ਰੋਡਕਸ਼ਨ ਦੇ ਵਲੋਂ ਕੀਤਾ ਜਾ ਰਿਹਾ ਹੈ। ਹਰੀਸ਼ ਵਰਮਾ ਅਤੇ ਕਸ਼ਿਸ਼ ਰਾਏ ਦੀ ਮੁੱਖ ਭੂਮੀਕਾ ਵਾਲੀ ਇਹ ਫਿਲਮ ਇੱਕ ਪ੍ਰੇਮ ਕਹਾਣੀ ਹੈ। ਜਿਸ ਦੇ ਵਿੱਚ ਖੂਬਸੂਰਤੀ , ਕਾਮੇਡੀ , ਜਨੂੰਨ , ਸਾਜ਼ਿਸ਼ , ਸੰਘਰਸ਼ ਦੀ ਝਲਕ ਦੇਖਣ ਨੂੰ ਮਿਲੇਗੀ। ਕੁਲ ਮਿਲਾ ਕੇ ਇਹ ਫਿਲਮ ਇੱਕ ਬਿਹਤਰੀਨ ਸਾਬਿਤ ਹੋਵੇਗੀ।
ਇਸ ਫਿਲਮ ਦਾ ਨਿਰਦੇਸ਼ ਕਪਿਲ ਬੱਤਰਾ ਕਰ ਰਹੇ ਹਨ। ਇਸ ਫਿਲਮ ਦੇ ਵਿੱਚ ਅਦਾਕਾਰ ਇਕਬਾਲ ਖਾਨ ਵੀ ਨਜ਼ਰ ਆਉਣਗੇ। ਜੋ ਕਿ ਭਾਰਤ ਜਗਤ ਅਤੇ ਟੀ.ਵੀ ਇੰਡਸਟਰੀ ਦੇ ਵਿੱਚ ਆਪਣੀ ਵੱਖਰੀ ਪਹਿਚਾਣ ਬਣਾ ਚੁਕੇ ਹਨ। ਫਿਲਮ ਤੇ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਹਰੀਸ਼ ਵਰਮਾ ਨੇ ਕਿਹਾ ਕਿ – ਮੈਂ ਕਾਮੇਡੀ , ਡਰਾਮਾ ਅਤੇ ਪਰਿਵਾਰਿਕ ਫ਼ਿਲਮ ਕੀਤੀਆਂ ਹਨ। ਪਰ ਕੀਤੇ ਨਾ ਕੀਤੇ ਮੇਰੇ ਦਿਲ ਦੇ ਵਿੱਚ ਰੋਮਾਂਟਿਕ ਫਿਲਮ ਕਰਨ ਦੀ ਇੱਛਾ ਸੀ। ਮੈਨੂੰ ਖੁਸ਼ੀ ਹੈ ਕਿ ਹੁਣ ਮੇਰੀ ਇੱਛਾ ਪੂਰੀ ਹੋਣ ਜਾ ਰਹੀ ਹੈ।
