Laal Singh Chaddha Release: ਆਮਿਰ ਖਾਨ ਅਤੇ ਕਰੀਨਾ ਕਪੂਰ ਸਟਾਰਰ ਫਿਲਮ ਲਾਲ ਸਿੰਘ ਚੱਢਾ ਦੀ ਰਿਲੀਜ਼ ਡੇਟ ਆਖਿਰਕਾਰ ਫਾਈਨਲ ਹੋ ਗਈ ਹੈ। ਲਾਲ ਸਿੰਘ ਚੱਢਾ ਅਗਲੇ ਸਾਲ ਵਿਸਾਖੀ ਯਾਨੀ 14 ਅਪ੍ਰੈਲ 2022 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਆਮਿਰ ਖਾਨ ਪ੍ਰੋਡਕਸ਼ਨ ਨੇ ਨਵੀਂ ਪੋਸਟ ਦੇ ਨਾਲ ਫਿਲਮ ਦੀ ਰਿਲੀਜ਼ ਡੇਟ ਦਾ ਐਲਾਨ ਕੀਤਾ ਹੈ।
ਪੋਸਟਰ ‘ਚ ਆਮਿਰ ਖਾਨ ਅਤੇ ਕਰੀਨਾ ਕਪੂਰ ਦੇ ਪਿਆਰ ਭਰੇ ਪਲ ਦੀ ਝਲਕ ਦੇਖੀ ਜਾ ਸਕਦੀ ਹੈ। ਆਮਿਰ ਖਾਨ ਪ੍ਰੋਡਕਸ਼ਨ ਨੇ ਪਿਛਲੇ ਸਾਲਾਂ ਦੌਰਾਨ ਭਾਰਤੀ ਦਰਸ਼ਕਾਂ ਨੂੰ ਲਗਨ, ਤਾਰੇ ਜ਼ਮੀਨ ਪਰ, ਦੰਗਲ ਅਤੇ ਹੋਰ ਬਹੁਤ ਸਾਰੀਆਂ ਸ਼ਾਨਦਾਰ ਫਿਲਮਾਂ ਦਿੱਤੀਆਂ ਹਨ। ਹੁਣ ਵਾਇਕਾਮ 18 ਸਟੂਡੀਓ ਆਪਣੀ ਪੇਸ਼ਕਾਰੀ “ਲਾਲ ਸਿੰਘ ਚੱਢਾ” ਲਈ ਵਿਸਾਖੀ ‘ਤੇ ਦਰਸ਼ਕਾਂ ਨੂੰ ਇੱਕ ਹੋਰ ਵਧੀਆ ਪੇਸ਼ਕਸ਼ ਦੇਣ ਲਈ ਤਿਆਰ ਹੈ।
ਹਾਲੀਵੁੱਡ ਫਿਲਮ ਫੋਰੈਸਟ ਗੰਪ ਦੇ ਹਿੰਦੀ ਰੀਮੇਕ ਨੂੰ ਅਤੁਲ ਕੁਲਕਰਨੀ ਦੁਆਰਾ ਭਾਰਤੀ ਰੂਪਾਂਤਰ ਦਿੱਤਾ ਗਿਆ ਹੈ। ਇਸ ਵਿੱਚ ਆਮਿਰ ਖਾਨ ਅਤੇ ਕਰੀਨਾ ਕਪੂਰ ਖਾਨ ਹਨ ਅਤੇ ਅਦਵੈਤ ਚੰਦਨ ਦੁਆਰਾ ਨਿਰਦੇਸ਼ਤ ਹੈ। ਪ੍ਰੀਤਮ ਦਾ ਸੰਗੀਤ ਅਤੇ ਬੋਲ ਅਮਿਤਾਭ ਭੱਟਾਚਾਰੀਆ ਦੁਆਰਾ ਲਿਖੇ ਗਏ ਹਨ। ਫਿਲਮ ਨੂੰ ਵਾਇਆਕਾਮ 18 ਸਟੂਡੀਓਜ਼ ਦੁਆਰਾ ਪੇਸ਼ ਕੀਤਾ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਪੇਂਡੂ ਤਰੀਕੇ ਨਾਲ ਬਣਾਉ ਸਰੋਂ ਦਾ ਸਾਗ “
ਆਮਿਰ ਖਾਨ ਅਤੇ ਕਰੀਨਾ ਕਪੂਰ ਨੇ ਆਖਰੀ ਵਾਰ 3 ਇਡੀਅਟਸ ਵਿੱਚ ਆਪਣੀ ਜੋੜੀ ਦਿਖਾਈ ਸੀ। ਹੁਣ ਲਾਲ ਸਿੰਘ ਚੱਢਾ ਵਿੱਚ ਇਹ ਜੋੜੀ ਇੱਕ ਵਾਰ ਫਿਰ ਲੋਕਾਂ ਦਾ ਦਿਲ ਜਿੱਤਣ ਆ ਰਹੀ ਹੈ। ਫਿਲਮ ਵਿੱਚ ਮੋਨਾ ਸਿੰਘ ਵੀ ਹੈ, ਜਿਸ ਨੇ 3 ਇਡੀਅਟਸ ਵਿੱਚ ਆਮਿਰ ਅਤੇ ਕਰੀਨਾ ਨਾਲ ਸਕ੍ਰੀਨ ਸ਼ੇਅਰ ਕੀਤੀ ਸੀ। ਇਹ ਕਹਾਣੀ ਮੁੱਖ ਪਾਤਰ ਦੀ ਯਾਤਰਾ ਦੇ ਵੱਖ-ਵੱਖ ਸਮੇਂ ਦੇ ਦੌਰ ਨੂੰ ਦਰਸਾਉਂਦੀ ਹੈ।
