Vishal Kotian Reenter BB15: ਬਿੱਗ ਬੌਸ 15 ਵਿੱਚ ਟੀਵੀ ਦੇ ਬੀਰਬਲ ਯਾਨੀ ਵਿਸ਼ਾਲ ਕੋਟੀਅਨ ਦਾ ਸਫ਼ਰ ਜਲਦੀ ਹੀ ਖ਼ਤਮ ਹੋ ਗਿਆ ਸੀ। ਰਿਐਲਿਟੀ ਸ਼ੋਅ ਦੀ ਸ਼ੁਰੂਆਤ ‘ਚ ਜਦੋਂ ਵਿਸ਼ਾਲ ਕੋਟੀਅਨ ਨੇ ਘਰ ‘ਚ ਐਂਟਰੀ ਕੀਤੀ ਤਾਂ ਅਜਿਹਾ ਲੱਗ ਰਿਹਾ ਸੀ ਕਿ ਵਿਸ਼ਾਲ ਟਾਪ-5 ‘ਚ ਜਗ੍ਹਾ ਬਣਾ ਲਵੇਗਾ। ਪਰ ਵਿਸ਼ਾਲ ਕੋਟੀਅਨ ਜਲਦੀ ਹੀ ਸ਼ੋਅ ਤੋਂ ਬਾਹਰ ਹੋ ਗਿਆ।
ਵਿਸ਼ਾਲ ਕੋਟੀਅਨ ਦੇ ਸ਼ੋਅ ਤੋਂ ਬਾਹਰ ਹੋਣ ਤੋਂ ਬਾਅਦ ਕਈ ਬਾਰ ਖਬਰਾਂ ਆਇਆ ਕੀ ਓੂਹ ਵਾਈਲਡ ਕਾਰਡ ਐਂਟਰੀ ਦੇ ਤੌਰ ‘ਤੇ ਸ਼ੋਅ ‘ਚ ਆਉਣਗੇ। ਇਨ੍ਹਾਂ ਖਬਰਾਂ ‘ਚ ਕਿੰਨੀ ਸੱਚਾਈ ਹੈ, ਕੀ ਪ੍ਰਸ਼ੰਸਕ ਵਿਸ਼ਾਲ ਨੂੰ ਫਿਰ ਤੋਂ ਬੀਬੀ ਹਾਊਸ ‘ਚ ਦੇਖ ਸਕਣਗੇ? ਇਸ ਸਵਾਲ ਦਾ ਜਵਾਬ ਵਿਸ਼ਾਲ ਕੋਟੀਅਨ ਨੇ ਇੱਕ ਇੰਟਰਵਿਊ ਦਿੱਤਾ। ਅਦਾਕਾਰ ਨੇ ਕਿਹਾ- ਪਹਿਲਾਂ ਤਾਂ ਮੈਨੂੰ ਦਰਸ਼ਕਾਂ ਨੇ ਨਹੀਂ ਕੱਢਿਆ। ਮੈਨੂੰ ਮੇਰੇ ਪਰਿਵਾਰਕ ਮੈਂਬਰਾਂ ਨੇ ਬਾਹਰ ਕੱਢਿਆ। ਲੋਕ ਨਹੀਂ ਚਾਹੁੰਦੇ ਸਨ ਕਿ ਮੈਂ ਸ਼ੋਅ ਤੋਂ ਬਾਹਰ ਜਾਵਾਂ। “ਮੈਨੂੰ ਨਹੀਂ ਪਤਾ ਕਿ ਮੈਂ ਸ਼ੋਅ ਵਿੱਚ ਦੁਬਾਰਾ ਐਂਟਰੀ ਕਰਾਂਗਾ ਜਾਂ ਨਹੀਂ। ਮੈਂ ਇਸ ਬਾਰੇ ਨਿਰਮਾਤਾਵਾਂ ਨਾਲ ਗੱਲਬਾਤ ਕਰ ਰਿਹਾ ਹਾਂ। ਅਜੇ ਤੱਕ ਕੁਝ ਵੀ ਫਾਈਨਲ ਨਹੀਂ ਹੋਇਆ ਹੈ। ਫਿਲਹਾਲ ਮੈਂ ਕੋਈ ਪ੍ਰੋਜੈਕਟ ਨਹੀਂ ਲੈ ਰਿਹਾ ਹਾਂ।
”ਵਿਸ਼ਾਲ ਨੂੰ ਆਪਣੇ ਬਿੱਗ ਬੌਸ ਜਰਨੀ ਨੂੰ ਲੈ ਕੇ ਕਈ ਸਾਬਕਾ ਪ੍ਰਤੀਯੋਗੀਆਂ ਦਾ ਸਮਰਥਨ ਪ੍ਰਾਪਤ ਸੀ। ਜਿਸ ‘ਤੇ ਵਿਸ਼ਾਲ ਨੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ ਹੈ। ਆਪਣੇ ਵਰਕ ‘ਤੇ ਗੱਲ ਕਰਦੇ ਹੋਏ ਵਿਸ਼ਾਲ ਨੇ ਦੱਸਿਆ ਕਿ ਉਨ੍ਹਾਂ ਨੇ ਬਿੱਗ ਬੌਸ ‘ਚ ਆਉਣ ਤੋਂ ਪਹਿਲਾਂ ਇਕ ਫਿਲਮ ਸਾਈਨ ਕੀਤੀ ਸੀ, ਜਿਸ ਨੂੰ ਉਹ ਸ਼ੂਟ ਨਹੀਂ ਕਰ ਸਕੇ। ਕਿਉਂਕਿ ਉਹ ਸਲਮਾਨ ਖਾਨ ਦੇ ਸ਼ੋਅ ਦਾ ਹਿੱਸਾ ਬਣਨ ਗਏ ਸੀ। ਵਿਸ਼ਾਲ ਨੇ ਦੱਸਿਆ ਕਿ ਉਹ ਜਲਦ ਹੀ ਇਸ ਫਿਲਮ ‘ਤੇ ਕੰਮ ਸ਼ੁਰੂ ਕਰਨਗੇ।
ਵਿਸ਼ਾਲ ਕੋਟੀਅਨ ਦੀ ਬਿੱਗ ਬੌਸ ਵਿੱਚ ਸ਼ਮਿਤਾ ਸ਼ੈੱਟੀ ਨਾਲ ਚੰਗੀ ਦੋਸਤੀ ਸੀ। ਉਹ ਸ਼ਮਿਤਾ ਨੂੰ ਆਪਣੀ ਭੈਣ ਸਮਝਦਾ ਸੀ। ਹਾਲਾਂਕਿ ਸ਼ਮਿਤਾ ਨਾਲ ਉਨ੍ਹਾਂ ਦੇ ਰਿਸ਼ਤੇ ‘ਤੇ ਵੀ ਕਈ ਸਵਾਲ ਉਠਾਏ ਗਏ ਸਨ। ਵਿਸ਼ਾਲ ਕੋਟੀਅਨ ‘ਤੇ ਸ਼ਮਿਤਾ ਦੀ ਖੇਡ ਲਈ ਵਰਤੋਂ ਕਰਨ ਦਾ ਦੋਸ਼ ਸੀ। ਕਈ ਲੋਕਾਂ ਨੇ ਸ਼ਮਿਤਾ ਨੂੰ ਚੇਤਾਵਨੀ ਦਿੱਤੀ ‘ਤੇ ਦੱਸਿਆ ਕਿ ਵਿਸ਼ਾਲ ਉਨ੍ਹਾਂ ਦਾ ਫਾਇਦਾ ਉਠਾ ਰਿਹਾ ਹੈ। ਪਰ ਸ਼ਮਿਤਾ ਨੇ ਕਦੇ ਵੀ ਦੂਜਿਆਂ ਦੀਆਂ ਗੱਲਾਂ ‘ਤੇ ਵਿਸ਼ਵਾਸ ਨਹੀਂ ਕੀਤਾ ਅਤੇ ਵਿਸ਼ਾਲ ਨੂੰ ਕਈ ਮੌਕੇ ਦਿੱਤੇ।
