ਰਾਜ ਸਭਾ ਸਾਂਸਦ ਪ੍ਰਫੁੱਲ ਪਟੇਲ ਦੇ ਮੁੰਡੇ ਦਾ ਵਿਆਹ ਜੈਪੁਰ ਵਿਚ ਹੋਣ ਜਾ ਰਿਹਾ ਹੈ। ਵਿਆਹ ਵਿਚ ਸ਼ਾਮਲ ਹੋਣ ਲਈ ਇੰਡੀਅਨ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਆਪਣੇ ਪਰਿਵਾਰ ਨਾਲ ਜੈਪੁਰ ਪੁੱਜੇ। ਧੋਨੀ ਨੂੰ ਮਿਲਣ ਲਈ ਏਅਕਰੋਟ ‘ਤੇ ਪੁੱਜੀ ਲੋਕਾਂ ਦੀ ਭੀੜ ਦੇਖ ਕੇ ਸਾਕਸ਼ੀ ਨਾਰਾਜ਼ ਹੋ ਗਈ। ਉਨ੍ਹਾਂ ਕਿਹਾ ਕਿ ‘ਕੋਰੋਨਾ ਚੱਲ ਰਿਹਾ ਹੈ ਦੂਰ ਰਹੋ’।
ਇੰਡੀਅਨ ਕ੍ਰਿਕਟ ਟੀਮ ਦੇ ਸਾਬਕਾ ਕੋਚ ਰਵੀ ਸ਼ਾਸਤਰੀ ਤੇ ਫਿਲਮ ਡਾਇਰੈਕਟਰ ਮਧੁਰ ਭੰਡਾਰਕਰ ਸਵੇਰੇ ਜੈਪੁਰ ਪੁੱਜੇ ਹਨ। 2 ਦਿਨ ਤੱਕ ਚੱਲਣ ਵਾਲੇ ਇਸ ਖਾਸ ਸਮਾਰੋਹ ਵਿਚ ਸ਼ਾਮਲ ਹੋਣ ਲਈ ਬਾਲੀਵੁੱਡ ਦੇ ਕਲਾਕਾਰਾਂ ਦੇ ਨਾਲ-ਨਾਲ ਕਈ VVIP ਮਹਿਮਾਨ ਜੈਪੁਰ ਆਉਣਗੇ। ਰਾਮਬਾਗ ਪੈਲੇਸ ‘ਚ ਆਯੋਜਿਤ ਹੋਣ ਵਾਲੇ ਇਸ ਵਿਆਹ ਸਮਾਰੋਹ ਵਿਚ ਕ੍ਰਿਕਟਰ ਮਹਿੰਦਰ ਸਿੰਘ ਧੋਨੀ, ਕੇਂਦਰੀ ਸੜਕ ਤੇ ਆਵਾਜਾਈ ਮੰਤਰੀ ਨਿਤਿਨ ਗਡਕਰੀ, ਅਡਾਨੀ ਸਮੂਹ ਦੇ ਮੁਖੀ ਗੌਤਮ ਅਡਾਨੀ, ਕੇਂਦਰੀ ਖੇਡ ਮੰਤਰੀ ਅਨੁਰਾਗ ਠਾਕੁਰ, ਕੇਂਦਰੀ ਹਵਾਬਾਜ਼ੀ ਮੰਤਰੀ ਜਯੋਤੀਰਾਦਿਤਯ ਸਿੰਧਿਆ, ਮਹਾਰਾਸ਼ਟਰ ਦੇ ਉਪ ਮੁੱਖ ਮੰਤਰੀ ਅਜੀਤ ਪੰਵਾਰ, ਮਹਾਰਾਸ਼ਟਰ ਦੇ ਸੈਰ-ਸਪਾਟਾ ਮੰਤਰੀ ਆਦਿਤਯ ਠਾਕਰੇ, ਕਾਂਗਰਸ ਨੇਤਾ ਗੁਲਾਮਨਬੀ ਆਜ਼ਾਦ ਤੇ ਫਾਰਕ ਅਬਦੁੱਲਾ ਸਾਬਕਾ CM ਕਮਲਨਾਥ, ਉਦਯੋਗਪਤੀ ਅਨਿਲ ਅੰਬਾਨੀ, ਸੱਜਣ ਜਿੰਦਲ, ਵੀਰੇਂਦਰ ਮਾਹਿਸਕਾਰ, ਸੁਨੀਲ ਮੁੰਜਾਲ, ਸਮੀਰ ਮਹਿਤਾ, ਅਭਿਸ਼ੇਕ ਚੌਧਰੀ ਤੇ ਏਕਨਾਥ ਸ਼ਿੰਦੇ ਸਣੇ ਕਈ ਬਾਲੀਵੁੱਡ ਕਲਾਕਾਰ ਪੁੱਜ ਰਹੇ ਹਨ।
ਇੇਸੇ ਤਹਿਤ ਏਅਰਪੋਰਟ ‘ਤੇ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਮਹਿਮਾਨਾਂ ਲਈ ਜੈਪੁਰ ਦੇ ਸ਼ਾਨਦਾਰ 5 ਸਟਾਰ ਲਗਜ਼ਰੀ ਹੋਟਲ ਬੁੱਕ ਕੀਤੇ ਗਏ ਹਨ। 19 ਦਸੰਬਰ ਨੂੰ ਵੀ ਕੁਝ ਮੰਨੀਆਂ-ਪ੍ਰਮੰਨੀਆਂ ਹਸਤੀਆਂ ਵਿਆਹ ਵਿਚ ਸ਼ਾਮਲ ਹੋਣਗੀਆਂ, ਜਿਨ੍ਹਾਂ ਵਿਚੋਂ ਜ਼ਿਆਦਾਤਰ ਬਾਲੀਵੁੱਡ ਦੀਆਂ ਹਸਤੀਆਂ ਹੋਣਗੀਆਂ।
ਵੀਡੀਓ ਲਈ ਕਲਿੱਕ ਕਰੋ -:
Stuffed Mini Paratha | ਫਟਾਫਟ ਬਣਨ ਵਾਲਾ ਮਿੰਨੀ ਪਰਾਠਾਂ | Veg Paratha | Stuffed Bun Paratha”
ਰਾਜਸਥਾਨ ਡੈਸਟੀਨੇਸ਼ਨ ਵੈਡਿੰਗ ਦਾ ਦਨੀਆ ਭਰ ਵਿਚ ਮੁੱਖ ਕੇਂਦਰ ਰਿਹਾ ਹੈ। ਬਾਲੀਵੁੱਡ ਕਲਾਕਾਰਾਂ ਨਾਲ ਕਈ ਮਸ਼ਹੂਰ ਉਦਯੋਗਪਤੀ ਤੇ ਰਾਜਨੇਤਾ ਰਾਜਸਥਾਨ ਵਿਚ ਵਿਆਹ ਸਮਾਰੋਹ ਵਿਚ ਸ਼ਾਮਲ ਹੋਣ ਲਈ ਉਤਸੁਕ ਰਹਿੰਦੇ ਹਨ। ਇਸੇ ਲਈ ਕੈਟਰੀਨਾ ਕੈਫ ਤੋਂ ਲੈ ਕੇ ਪ੍ਰਿਯੰਕਾ ਚੋਪੜਾ, ਮੁਕੇਸ਼ ਅੰਬਾਨੀ ਤੋਂ ਲੈ ਕੇ ਵਿਦੇਸ਼ੀ ਮੂਲ ਦੇ ਕਈ ਵੱਡੇ ਉਦਯੋਗਪਤੀ ਰਾਜਸਥਾਨ ਨੂੰ ਆਪਣੀ ਹਾਈ ਪ੍ਰਫੋਈਲ ਵੈਡਿੰਗ ਲਈ ਚੁਣਦੇ ਹਨ।
