aditya narayan first baby: ਆਦਿਤਿਆ ਨਰਾਇਣ ਦੇ ਘਰ ਬਹੁਤ ਜਲਦੀ ਕਿਲਕਾਰੀਆਂ ਗੂੰਜਣ ਵਾਲੀਆਂ ਹਨ। ਮਸ਼ਹੂਰ ਗਾਇਕ ਆਦਿਤਿਆ ਨਰਾਇਣ ਜਲਦ ਹੀ ਪਿਤਾ ਬਣਨ ਜਾ ਰਹੇ ਹਨ। ਆਦਿਤਿਆ ਦੀ ਪਤਨੀ ਸ਼ਵੇਤਾ ਅਗਰਵਾਲ ਗਰਭਵਤੀ ਹੈ। ਪ੍ਰਿਯੰਕਾ ਅਤੇ ਨਿਕ ਜੋਨਸ ਤੋਂ ਬਾਅਦ, ਆਦਿਤਿਆ ਤੇ ਸ਼ਵੇਤਾ ਜਲਦ ਹੀ ਆਪਣੇ ਪਹਿਲੇ ਬੱਚੇ ਦਾ ਸ਼ਾਨਦਾਰ ਤਰੀਕੇ ਨਾਲ ਸਵਾਗਤ ਕਰਨ ਜਾ ਰਹੇ ਹਨ।
ਗਾਇਕ ਨੇ ਆਪਣੇ ਸੋਸ਼ਲ ਮੀਡੀਆ ਪੋਸਟ ਰਾਹੀਂ ਪ੍ਰਸ਼ੰਸਕਾਂ ਨੂੰ ਇਹ ਖੁਸ਼ਖਬਰੀ ਦਿੱਤੀ ਹੈ। ਪਤਨੀ ਨਾਲ ਮੈਟਰਨਿਟੀ ਸ਼ੂਟ ਦੀ ਫੋਟੋ ਸ਼ੇਅਰ ਕਰਕੇ ਆਦਿਤਿਆ ਨੇ ਪ੍ਰਸ਼ੰਸਕਾਂ ਨੂੰ ਆਪਣੇ ਘਰ ਛੋਟੇ ਮਹਿਮਾਨ ਦੇ ਆਉਣ ਦੀ ਖੁਸ਼ਖਬਰੀ ਦਿੱਤੀ ਹੈ। ਫੋਟੋ ‘ਚ ਆਦਿਤਿਆ ਦੀ ਪਿਆਰੀ ਅਤੇ ਖੂਬਸੂਰਤ ਪਤਨੀ ਸ਼ਵੇਤਾ ਆਪਣੇ ਬੇਬੀ ਬੰਪ ਨੂੰ ਫਲਾਂਟ ਕਰਦੀ ਨਜ਼ਰ ਆ ਰਹੀ ਹੈ। ਉਸਨੇ ਜੀਨਸ ਅਤੇ ਕ੍ਰੌਪ ਟਾਪ ਪਾਇਆ ਹੋਇਆ ਹੈ। ਅਦਿੱਤਿਆ ਆਪਣੀ ਪਤਨੀ ਨੂੰ ਪਿਆਰ ਨਾਲ ਆਪਣੀਆਂ ਬਾਹਾਂ ਵਿੱਚ ਫੜ ਕੇ ਸੋਫੇ ‘ਤੇ ਬੈਠਾ ਹੈ। ਜੋੜੇ ਦੇ ਚਿਹਰੇ ‘ਤੇ ਮਾਂ-ਬਾਪ ਬਣਨ ਦੀ ਖੁਸ਼ੀ ਅਤੇ ਚਮਕ ਸਾਫ ਦਿਖਾਈ ਦੇ ਰਹੀ ਹੈ। ਫੋਟੋ ‘ਚ ਦੋਵੇਂ ਇਕ-ਦੂਜੇ ਦੇ ਪਿਆਰ ‘ਚ ਡੁੱਬੇ ਨਜ਼ਰ ਆ ਰਹੇ ਹਨ।
ਅਦਿੱਤਿਆ ਨੇ ਫੋਟੋ ਦੇ ਨਾਲ ਇੱਕ ਖਾਸ ਕੈਪਸ਼ਨ ਵੀ ਲਿਖਿਆ- ਸ਼ਵੇਤਾ ਅਤੇ ਮੈਂ ਇਹ ਸਾਂਝਾ ਕਰਦੇ ਹੋਏ ਬਹੁਤ ਖੁਸ਼ ਅਤੇ ਸ਼ੁਕਰਗੁਜ਼ਾਰ ਮਹਿਸੂਸ ਕਰ ਰਹੇ ਹਾਂ ਕਿ ਅਸੀਂ ਜਲਦੀ ਹੀ ਆਪਣੇ ਪਹਿਲੇ ਬੱਚੇ ਦਾ ਸਵਾਗਤ ਕਰਨ ਜਾ ਰਹੇ ਹਾਂ। ਜਦੋਂ ਤੋਂ ਆਦਿਤਿਆ ਨਰਾਇਣ ਨੇ ਪਿਤਾ ਬਣਨ ਦੀ ਖੁਸ਼ਖਬਰੀ ਸਾਂਝੀ ਕੀਤੀ ਹੈ, ਪ੍ਰਸ਼ੰਸਕਾਂ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਹੈ। ਪ੍ਰਸ਼ੰਸਕਾਂ ਤੋਂ ਲੈ ਕੇ ਸੈਲੇਬਸ ਤੱਕ, ਬਹੁਤ ਸਾਰੇ ਆਦਿਤਿਆ ਅਤੇ ਸ਼ਵੇਤਾ ਨੂੰ ਵਧਾਈ ਦੇ ਰਹੇ ਹਨ। ਅਵਿਕਾ ਗੌਰ ਨੇ ਲਿਖਿਆ- ਗੌਡ ਬਲੈਸ, ਨੀਤੀ ਮੋਹਨ ਨੇ ਲਿਖਿਆ- OMG। ਕਈ ਪ੍ਰਸ਼ੰਸਕ ਵੀ ਕਮੈਂਟ ਕਰਕੇ ਆਦਿਤਿਆ ਅਤੇ ਸ਼ਵੇਤਾ ਨੂੰ ਵਧਾਈ ਦੇ ਰਹੇ ਹਨ ਅਤੇ ਉਨ੍ਹਾਂ ਲਈ ਬਹੁਤ ਖੁਸ਼ ਹੋ ਰਹੇ ਹਨ। ਇਹ ਖੁਸ਼ਖਬਰੀ ਸੁਣ ਕੇ ਯਕੀਨਨ ਤੁਹਾਡਾ ਚਿਹਰਾ ਖਿੜ ਗਿਆ ਹੋਵੇਗਾ।
