season 6 naagin revealed : ਬਿੱਗ ਬੌਸ ਦੇ ਸੀਜ਼ਨ 15 ਨੇ ਆਪਣਾ ਵਿਜੇਤਾ ਲੱਭ ਲਿਆ ਹੈ। ਤੇਜਸਵੀ ਪ੍ਰਕਾਸ਼ ਨੇ ਇਹ ਸੀਜ਼ਨ ਜਿੱਤਿਆ ਹੈ। ਬਿੱਗ ਬੌਸ ਦੇ ਗ੍ਰੈਂਡ ਫਿਨਾਲੇ ਵਿੱਚ ਦੋ ਖੁਲਾਸੇ ਹੋਏ ਹਨ। ਇੱਕ ਤੇ ਸ਼ੋਅ ਨੇ ਆਪਣਾ ਵਿਜੇਤਾ ਲੱਭ ਲਿਆ ਹੈ ਅਤੇ ਇਸ ਦੇ ਨਾਲ ਹੀ ਏਕਤਾ ਕਪੂਰ ਦੇ ਸ਼ੋਅ ‘ਨਾਗਿਨ 6’ ਲਈ ਨਾਗਿਨ ਦਾ ਨਾਂ ਸਾਹਮਣੇ ਆਇਆ ਹੈ। ‘ਨਾਗਿਨ 6’ ਦੀ ਲੀਡ ਅਦਾਕਾਰਾ ਨੂੰ ਲੈ ਕੇ ਕਈ ਅਨੁਮਾਣ ਲਗਾਏ ਜਾ ਰਹੇ ਸਨ ਪਰ ਹੁਣ ਇਸ ਨਾਂ ਤੋਂ ਪਰਦਾ ਹਟ ਗਿਆ ਹੈ।
ਦਸ ਦੇਈਏ ਕਿ ਏਕਤਾ ਕਪੂਰ ਦੀ ਅਗਲੀ ਨਾਗਿਨ ਬਿੱਗ ਬੌਸ 15 ਦੀ ਵਿਜੇਤਾ ਤੇਜਸਵੀ ਪ੍ਰਕਾਸ਼ ਹੋਵੇਗੀ। ਇਸ ਦਾ ਐਲਾਨ ਬਿੱਗ ਬੌਸ 15 ਦੇ ਫਿਨਾਲੇ ਵਿੱਚ ਕੀਤਾ ਗਿਆ ਹੈ। ਗ੍ਰੈਂਡ ਫਿਨਾਲੇ ਦੇ ਮੌਕੇ ‘ਤੇ, ਸਲਮਾਨ ਖਾਨ ਨੇ ਤੇਜਸਵੀ ਦੇ ਅਗਲੇ ਉੱਦਮ ਦੀ ਘੋਸ਼ਣਾ ਕੀਤੀ ਜਿਸ ਤੋਂ ਬਾਅਦ ਨਵੀਂ ਨਾਗਿਨ ਤੇਜਸਵੀ ਪ੍ਰਕਾਸ਼ ਦੁਆਰਾ ਇੱਕ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਗਿਆ। ਨਾਗਿਨ ਵਿੱਚ ਤੇਜਸਵੀ ਆਪਣੇ ਬਿੱਗ ਬੌਸ ਦੇ ਸਹਿ-ਪ੍ਰਤੀਯੋਗੀ ਸਿੰਬਾ ਨਾਗਪਾਲ ਦੇ ਨਾਲ ਮੁੱਖ ਭੂਮਿਕਾ ਨਿਭਾਏਗੀ।
ਇਸ ਸੀਜ਼ਨ ਵਿੱਚ ‘ਸਰਵਸ਼੍ਰੇਸ਼ਠ ਨਾਗਿਨ’ ਵਿਸ਼ਵਵਿਆਪੀ ਸੰਕਟ ਨਾਲ ਲੜੇਗੀ ਜੋ ਮਨੁੱਖਤਾ ਦੇ ਬਚਾਅ ਲਈ ਖ਼ਤਰਾ ਹੈ। ਪ੍ਰਸ਼ੰਸਕ ‘ਨਾਗਿਨ 6’ ਲਈ ਬਹੁਤ ਹੀ ਉਤਸ਼ਾਹਿਤ ਹਨ। ਤੇਜਸਵੀ ਪ੍ਰਕਾਸ਼ ਤੋਂ ਪਹਿਲਾਂ, ਏਕਤਾ ਕਪੂਰ ਦੇ ਨਾਗਿਨ ਸ਼ੋਅ ਵਿੱਚ ਮੌਨੀ ਰਾਏ, ਅਦਾ ਖਾਨ, ਸੁਰਭੀ ਜੋਤੀ, ਨਿਆ ਸ਼ਰਮਾ, ਸੁਰਭੀ ਚੰਦਨਾ ਅਤੇ ਅਨੀਤਾ ਹਸਨੰਦਨ ਨੇ ਰਹੱਸਮਈ ਪ੍ਰਾਣੀ ਵਜੋਂ ਕੰਮ ਕੀਤਾ ਸੀ।
