sara ali vikrant messi: ਇਸ ਸਾਲ ਬਾਲੀਵੁੱਡ ਅਦਾਕਾਰਾ ਸਾਰਾ ਅਲੀ ਖਾਨ ਕੰਮ ਨੂੰ ਲੈ ਕੇ ਕਾਫੀ ਰੁੱਝੀ ਹੋਈ ਹੈ। ਸਾਰਾ ਅਲੀ ਖਾਨ ਫਿਲਮ ‘ਅਤਰੰਗੀ ਰੇ’ ‘ਚ ਆਪਣੀ ਅਦਾਕਾਰੀ ਨੂੰ ਲੈ ਕੇ ਸੁਰਖੀਆਂ ‘ਚ ਰਹੀ ਸੀ। ਸਾਰਾ ਸੋਸ਼ਲ ਮੀਡੀਆ ਤੇ ਕਾਫੀ ਐਕਟਿਵ ਰਹਿੰਦੀ ਹੈ।
ਹੁਣ ਨਿਰਦੇਸ਼ਕ ਲਕਸ਼ਮਣ ਉਟੇਕਰ ਦੀ ਵਿੱਕੀ ਕੌਸ਼ਲ ਨਾਲ ਅਗਲੀ ਫਿਲਮ ਦੀ ਸ਼ੂਟਿੰਗ ਪੂਰੀ ਕਰਨ ਤੋਂ ਬਾਅਦ ਸਾਰਾ ਜਲਦ ਹੀ ਪਵਨ ਕ੍ਰਿਪਲਾਨੀ ਦੀ ਅਗਲੀ ਫਿਲਮ ਦੀ ਸ਼ੂਟਿੰਗ ਕਰਨ ਜਾ ਰਹੀ ਹੈ। ਜਿਸ ‘ਚ ਉਨ੍ਹਾਂ ਨਾਲ ਸਹਿ-ਅਦਾਕਾਰਾ ਚਿਤਰਾਂਗਦਾ ਸਿੰਘ ਅਤੇ ਵਿਕਰਾਂਤ ਮੈਸੀ ਵੀ ਨਜ਼ਰ ਆਉਣ ਵਾਲੇ ਹਨ। ਰਮੇਸ਼ ਤੋਰਾਨੀ ਇਸ ਥ੍ਰਿਲਰ ਫਿਲਮ ‘ਗੈਸਲਾਈਟ’ ਨੂੰ ਪ੍ਰੋਡਿਊਸ ਕਰ ਰਹੇ ਹਨ। ਇਸ ਮਹੀਨੇ ਦੇ ਅੰਤ ‘ਚ ਸਾਰਾ, ਚਿਤਰਾਂਗਦਾ ਅਤੇ ਵਿਕਰਾਂਤ ਗੁਜਰਾਤ ਦੇ ਰਾਜਕੋਟ ਸ਼ਹਿਰ ‘ਚ ਸ਼ੂਟਿੰਗ ਸ਼ੁਰੂ ਕਰਨ ਜਾ ਰਹੇ ਹਨ। ਫਿਲਮ ਦੇ ਵੱਡੇ ਹਿੱਸੇ ਦੀ ਸ਼ੂਟਿੰਗ ਇੱਥੇ ਹੋਵੇਗੀ। ਅਤੇ ਫਿਲਮ ਦੀ ਬਾਕੀ ਸ਼ੂਟਿੰਗ ਮੁੰਬਈ ‘ਚ ਹੀ ਕੀਤੀ ਜਾ ਸਕਦੀ ਹੈ। ਹੋਰ ਲੋਕੇਸ਼ਨ ਵੀ ਮੇਕਰਸ ਨੇ ਤੈਅ ਕਰ ਲਈਆਂ ਹਨ।
ਹਾਲ ਹੀ ‘ਚ 27 ਜਨਵਰੀ ਨੂੰ ਸਾਰਾ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਵਿੱਕੀ ਕੌਸ਼ਲ ਨਾਲ ਆਪਣੀ ਫਿਲਮ ਦੀ ਸ਼ੂਟਿੰਗ ਪੂਰੀ ਕਰਨ ਦੀ ਜਾਣਕਾਰੀ ਦਿੱਤੀ ਸੀ। ਉਸਨੇ ਲਿਖਿਆ @laxman.utekar ਸਰ ਮੈਨੂੰ ਇਸ ਫਿਲਮ ਵਿੱਚ ਕਾਸਟ ਕਰਨ ਲਈ ਧੰਨਵਾਦ। ਮੇਰਾ ਸਮਰਥਨ ਕਰਨ ਲਈ, ਮੇਰਾ ਮਾਰਗਦਰਸ਼ਨ ਕਰਨ ਲਈ, ਮੈਨੂੰ ਬਿਹਤਰ ਬਣਨ ਲਈ ਪ੍ਰੇਰਿਤ ਕਰਨ ਲਈ, ਉਨ੍ਹਾਂ ਸਾਰਿਆਂ ਲਈ ਧੰਨਵਾਦ। ਇਸ ਸਮੇਂ ਨੂੰ ਮੇਰੇ ਲਈ ਯਾਦਗਾਰ ਬਣਾਉਣ ਲਈ ਧੰਨਵਾਦ। ਵਿੱਕੀ ਕੌਸ਼ਲ ਤੁਸੀਂ ਸਭ ਤੋਂ ਨਿਮਰ, ਪ੍ਰਤਿਭਾਸ਼ਾਲੀ ਅਦਾਕਾਰਾਂ ਵਿੱਚੋਂ ਇੱਕ ਹੋ। ਜਿਨ੍ਹਾਂ ਨਾਲ ਮੇਰੀ ਮੁਲਾਕਾਤ ਹੋਈ ਹੈ, ਮੈਂ ਬਹੁਤ ਖੁਸ਼ਕਿਸਮਤ ਹਾਂ, ਮੈਂ ਤੁਹਾਡੇ ਨਾਲ ਸਕ੍ਰੀਨ ਸ਼ੇਅਰ ਕੀਤੀ, ਤੁਹਾਡੇ ਤੋਂ ਬਹੁਤ ਕੁਝ ਸਿੱਖਣ ਦਾ ਮੌਕਾ ਮਿਲਿਆ।
