jhund movie teaser released : ਅਮਿਤਾਭ ਬੱਚਨ ਦੀ ਆਉਣ ਵਾਲੀ ਫ਼ਿਲਮ ‘ਝੁੰਡ’ ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਜਦੋਂ ਤੋਂ ‘ਝੁੰਡ’ ਦਾ ਐਲਾਨ ਹੋਇਆ ਹੈ, ਪ੍ਰਸ਼ੰਸਕ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਇਹ ਫ਼ਿਲਮ 2022 ਦੀ ਸਭ ਤੋਂ ਵੱਧ ਉਡੀਕ ਅਤੇ ਦਿਲਚਸਪ ਫਿਲਮਾਂ ਵਿੱਚੋਂ ਇੱਕ ਹੈ। ਦੱਸ ਦੇਈਏ ਕਿ ਇਸ ਫਿਲਮ ਦਾ ਪੋਸਟਰ ਅਤੇ ਅਮਿਤਾਭ ਦੇ ਲੁੱਕ ਦਾ ਖੁਲਾਸਾ ਫਿਲਮ ਮੇਕਰਸ ਨੇ ਪਹਿਲਾਂ ਹੀ ਕੀਤਾ ਸੀ। ਹਾਲਾਂਕਿ ਫਿਲਮ ਦੇ ਟੀਜ਼ਰ ‘ਚ ਕੁਝ ਖਾਸ ਨਹੀਂ ਦਿਖਾਇਆ ਗਿਆ।
ਨਿਰਦੇਸ਼ਕ ਨਾਗਰਾਜ ਮੰਜੁਲੇ ਇਸ ਪ੍ਰੇਰਨਾਦਾਇਕ ਕਹਾਣੀ ਨੂੰ ਵੱਡੇ ਪਰਦੇ ‘ਤੇ ਦਿਖਾਉਣ ਜਾ ਰਹੇ ਹਨ। ਟੀਜ਼ਰ ‘ਚ ਅਮਿਤਾਭ ਬੱਚਨ ਨਾਲ ਬੱਚਿਆਂ ਦਾ ਝੁੰਡ ਨਜ਼ਰ ਆ ਰਿਹਾ ਹੈ। ਅਮਿਤਾਭ ਬੱਚਨ ਫਿਲਮ ਵਿੱਚ ਨਾਗਪੁਰ ਸਥਿਤ ਝੁੱਗੀ-ਝੌਂਪੜੀ ਵਾਲੇ ਫੁਟਬਾਲ ਦੇ ਸੰਸਥਾਪਕ ਵਿਜੇ ਬਰਸੇ ਦੀ ਭੂਮਿਕਾ ਨਿਭਾ ਰਹੇ ਹਨ। ਟੀਜ਼ਰ ਵੀਡੀਓ ਦੇ ਨਾਲ, ਮੇਕਰਸ ਨੇ ਫਿਲਮ ਦੀ ਰਿਲੀਜ਼ ਡੇਟ ਦਾ ਵੀ ਖੁਲਾਸਾ ਕੀਤਾ ਹੈ। ਇਹ ਫਿਲਮ 4 ਮਾਰਚ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਣ ਜਾ ਰਹੀ ਹੈ।
ਦਸ ਦੇਈਏ ਕਿ ਫਿਲਮ ”ਝੁੰਡ’ ਨਾਗਪੁਰ ਦੇ ਵਿਜੇ ਬਰਸੇ ਦੀ ਅਸਲ ਕਹਾਣੀ ਤੋਂ ਪ੍ਰੇਰਿਤ ਹੈ। ਵਿਜੇ ਬਰਸੇ ਇੱਕ ਸੇਵਾਮੁਕਤ ਖੇਡ ਅਧਿਆਪਕ ਅਤੇ ਕੋਚ ਹਨ ਜੋ ‘ਸਲੱਮ ਸੌਕਰ’ ਐਨਜੀਓ ਦੇ ਸੰਸਥਾਪਕ ਹਨ। ਇਸ ਐਨ.ਜੀ.ਓ ਨੇ ‘ਵਿਜੇ ਬਰਸੇ’ ਰਾਹੀਂ ਕਈ ਝੁੱਗੀ-ਝੌਂਪੜੀਆਂ ਦੇ ਬੱਚਿਆਂ ਦੀ ਜਾਨ ਬਚਾਈ ਹੈ ਅਤੇ ਫੁੱਟਬਾਲ ਦੀ ਖੇਡ ਨੂੰ ਆਮ ਬੱਚਿਆਂ ਵਿੱਚ ਹਰਮਨ ਪਿਆਰਾ ਬਣਾਇਆ ਹੈ। ਤੁਸੀਂ ਆਮਿਰ ਖਾਨ ਦੇ ਸ਼ੋਅ ‘ਸੱਤਿਆਮੇਵ ਜਯਤੇ’ ‘ਚ ਵਿਜੇ ਬਰਸੇ ਨੂੰ ਵੀ ਦੇਖਿਆ ਹੋਵੇਗਾ। ਇਸ ਸ਼ੋਅ ਵਿੱਚ ਉਨ੍ਹਾਂ ਨੇ ਆਪਣੀ ਪ੍ਰੇਰਨਾਦਾਇਕ ਕਹਾਣੀ ਸੁਣਾਈਸੀ।
