ਪੰਜਾਬ ਪੁਲਿਸ ਦੇ ਇਸ ਜਵਾਨ ਅੱਗੇ ਖਲੀ ਵੀ ਨੇ ਬੌਣੇ, ਗੱਤਕੇ ਦੇ ਜੌਹਰ ਦੇਖ ਮਿਥੁਨ, ਪਰਿਣੀਤੀ ਵੀ ਰਹਿ ਗਏ ਦੰਗ

ਅੰਮ੍ਰਿਤਸਰ ਦੇ ਰਹਿਣ ਵਾਲੇ ਹੈੱਡ ਕਾਂਸਟੇਬਲ ਜਗਦੀਪ ਸਿੰਘ ਨੂੰ ਵੇਖਣ ਲਈ ਤੁਹਾਨੂੰ ਹਮੇਸ਼ਾ ਉੱਪਰ ਵੱਲ ਨੂੰ ਮੂੰਹ ਕਰਨਾ ਪਏਗਾ। ਦਰਅਸਲ ਉਹ ਇੰਨੇ ਕੁ ਲੰਮੇ ਹਨ ਕਿ ਗ੍ਰੇਟ ਖਲੀ ਵੀ ਉਨ੍ਹਾਂ ਅੱਗੇ ਛੋਟੇ ਲੱਗਦੇ ਹਨ। ਜਗਦੀਪ ਸਿੰਘ ਦਾ ਕੱਦ 7 ਫੁੱਟ 6 ਇੰਚ ਲੰਮਾ ਹੈ, ਜੋਕਿ ਦਿ ਗ੍ਰੇਟ ਖਲੀ ਤੋਂ ਤਿੰਨ ਇੰਚ ਉੱਚਾ ਹੈ।

ਜਗਦੀਪ ਸਿੰਘ ਭਾਰਤ-ਪਾਕਿਸਤਾਨ ਸਰਹੱਦ ਨਾਲ ਲੱਗਦੇ ਘਰਿੰਡਾ ਥਾਣੇ ਅਧੀਨ ਪੈਂਦੇ ਪਿੰਡ ਜਠੋਲ ਵਿੱਚ ਆਪਣੇ ਪਰਿਵਾਰ ਨਾਲ ਰਹਿੰਦੇ ਹਨ। ਉਨ੍ਹਾਂ ਦੀ ਪਤਨੀ ਸੁਖਬੀਰ ਕੌਰ 6 ਫੁੱਟ ਦੇ ਕਰੀਬ ਹੈ। ਤੇਰਾਂ ਸਾਲਾ ਧੀ ਹਰਜਸ਼ਨਦੀਪ ਕੌਰ ਦਾ ਕੱਦ ਵੀ 5 ਫੁੱਟ ਇੰਚ ਹੈ।

ਜਗਦੀਪ ਸਿੱਖ ਮਾਰਸ਼ਲ ਆਰਟ ਗੱਤਕਾ ਦੇ ਮਾਹਰ ਹਨ ਤੇ ਪਿਛਲੇ ਕਈ ਸਾਲਾਂ ਤੋਂ ਆਪਣੀ ਟੀਮ ਨਾਲ ਗਤਕਾ ਦੇ ਜੌਹਰ ਦਿਖਾ ਹੇ ਹਨ। ਉਹ ਆਪਣਾ ਹੁਨਰ ਦਿਖਾਉਣ ਲਈ ਟੀਵੀ ਸਕ੍ਰੀਨ ‘ਤੇ ਪਹੁੰਚ ਗਏ ਹਨ। ਉਨ੍ਹਾਂ ਨੇ ਆਪਣੀ 18 ਮੈਂਬਰਾਂ ਵਾਲੀ ਟੀਮ ਨਾਲ ਇੱਕ ਨਿੱਜੀ ਟੈਲੀਵਿਜ਼ਨ ਚੈਨਲ ਦੇ ਟੈਲੇਂਟ ਸ਼ੋਅ ‘ਹੁਨਰਬਾਜ਼’ ਵਿੱਚ ਗੱਤਕੇ ਦੇ ਜੌਹਰ ਦਿਖਾਏ। ਜਗਦੀਪ ਨੂੰ ਆਪਣੇ ਇੰਨੇ ਲੰਮੇ ਕੱਦ ‘ਤੇ ਮਾਣ ਹੈ। ਲੋਕ ਅਕਸਰ ਉਨ੍ਹਾਂ ਨੂੰ ਵੇਖ ਕੇ ਉਨ੍ਹਾਂ ਨਾਲ ਸੈਲਫੀਆਂ ਲੈਣ ਲਈ ਉਤਾਵਲੇ ਹੋ ਜਾਂਦੇ ਹਨ।

ਵੀਡੀਓ ਲਈ ਕਲਿੱਕ ਕਰੋ -:

“Deep Sidhu ਦੀ ਮੌਤ ਦਾ ‘ਇਲੈਕਸ਼ਨ ਨਾਲ ਕੁਨੈਕਸ਼ਨ’, Rupinder Handa ਨੇ ਖੜ੍ਹੇ ਕੀਤੇ ਵੱਡੇ ਸਵਾਲ, ਜਦੋਂ ਸਾਰੇ ਗਾਇਕ ਇੱਕ ਪਾਸੇ ਤੇ ਉਹ ਕੱਲਾ ਪਾਸੇ ….”

ਉਨ੍ਹਾਂ ਦਾ ਇਂਨਾ ਲੰਮਾ ਕੱਦ ਵੇਖ ਕੇ ਦਰਸ਼ਕ, ਸ਼ੋਅ ਦੇ ਹੋਸਟ ਭਾਰਤੀ ਅਤੇ ਹਰਸ਼ ਅਤੇ ਜੱਜ ਮਿਥੁਨ ਚੱਕਰਵਰਤੀ, ਪਰਿਣੀਤੀ ਚੋਪੜਾ ਅਤੇ ਕਰਨ ਜੌਹਰ ਵੀ ਹੈਰਾਨ ਰਹਿ ਗਏ। ਪ੍ਰੋਗਰਾਮ ਪੇਸ਼ ਕਰਨ ਪਿੱਛੋਂ ਦਰਸ਼ਕ ਉਨ੍ਹਾਂ ਨੂੰ ਉੱਠ-ਉੱਠ ਕੇ ਮਿਲਣ ਲੱਗੇ ਤੇ ਉਨ੍ਹਾਂ ਨਾਲ ਫੋਟੋਆਂ ਖਿੱਚਣ ਲੱਗੇ।