amrita rao marriage update : ਬੀਤੇ ਦਿਨੀਂ ਬਾਲੀਵੁੱਡ ‘ਚ ਵਿਆਹਾਂ ਦਾ ਦੌਰ ਜੋਰਾਂ ਸ਼ੋਰਾਂ ‘ਤੇ ਚੱਲ ਰਿਹਾ ਹੈ, ਕੈਟਰੀਨਾ ਕੈਫ-ਵਿੱਕੀ ਕੌਸ਼ਲ, ਰਾਜਕੁਮਾਰ ਰਾਓ-ਪਤ੍ਰਲੇਖਾ ਅਤੇ ਫਰਹਾਨ ਅਖਤਰ-ਸ਼ਿਬਾਨੀ ਦਾਂਡੇਕਰ ਵਰਗੇ ਸਿਤਾਰਿਆਂ ਨੇ ਸੱਤ ਫੇਰੇ ਲਏ ਹਨ। ਇਸ ਦੇ ਨਾਲ ਹੀ ਇਕ ਹੋਰ ਸਟਾਰ ਦੇ ਵਿਆਹ ਦੀ ਤਸਵੀਰ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਹਾਲ ਹੀ ਵਿੱਚ ਅਦਾਕਾਰਾ ਅੰਮ੍ਰਿਤਾ ਰਾਓ ਨੇ 9 ਸਾਲ ਬਾਅਦ ਆਪਣੇ ਅਤੇ ਆਰਜੇ ਅਨਮੋਲ ਦੇ ਵਿਆਹ ਦੀ ਤਸਵੀਰ ਸ਼ੇਅਰ ਕਰਕੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ।
ਅੰਮ੍ਰਿਤਾ ਰਾਓ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੇ ਆਪਣੇ ਵਿਆਹ ਦੀ ਤਸਵੀਰ ਸ਼ੇਅਰ ਕੀਤੀ ਹੈ। ਤਸਵੀਰ ‘ਚ ਅੰਮ੍ਰਿਤਾ ਮਰਾਠੀ ਦੁਲਹਨ ਬਣੀ ਹੈ, ਜਦਕਿ ਆਰਜੇ ਅਨਮੋਲ ਵੀ ਲਾੜੇ ਦੀ ਰਵਾਇਤੀ ਪਹਿਰਾਵੇ ‘ਚ ਹਨ। ਤਸਵੀਰ ਸ਼ੇਅਰ ਕਰਦੇ ਹੋਏ ਅੰਮ੍ਰਿਤਾ ਨੇ ਲਿਖਿਆ, ‘ਐਪੀਸੋਡ ਮੈਰਿਜ ਆਊਟ, ਲਿੰਕ ਇਨ ਬਾਇਓ’। ਹਾਲਾਂਕਿ, ਤੁਹਾਨੂੰ ਦੱਸ ਦੇਈਏ ਕਿ ਭਾਵੇਂ ਅੰਮ੍ਰਿਤਾ ਨੇ ਇਹ ਤਸਵੀਰ ਹੁਣ ਸ਼ੇਅਰ ਕੀਤੀ ਹੈ ਪਰ ਇਹ ਤਸਵੀਰ ਪੁਰਾਣੀ ਹੈ। ਹਾਲ ਹੀ ‘ਚ ਇਕ ਸ਼ੋਅ ਦੌਰਾਨ ਅੰਮ੍ਰਿਤਾ ਨੇ ਖੁਲਾਸਾ ਕੀਤਾ ਸੀ ਕਿ ਉਸ ਦਾ ਆਰਜੇ ਅਨਮੋਲ ਨਾਲ ਸਾਲ 2016 ‘ਚ ਗੁਪਤ ਵਿਆਹ ਹੋਇਆ ਸੀ।
ਦੋਵਾਂ ਦਾ ਪਿਆਰ ਉਦੋਂ ਸ਼ੁਰੂ ਹੋਇਆ ਜਦੋਂ ਅਭਿਨੇਤਰੀ ਆਪਣੀ ਇਕ ਫਿਲਮ ਦੇ ਪ੍ਰਮੋਸ਼ਨ ਲਈ ਆਰਜੇ ਅਨਮੋਲ ਦੇ ਰੇਡੀਓ ਸ਼ੋਅ ‘ਤੇ ਗਈ। ਸ਼ੋਅ ‘ਚ ਹੀ ਦੋਵੇਂ ਦੋਸਤ ਬਣ ਗਏ ਅਤੇ ਫਿਰ ਕਰੀਬ ਆ ਗਏ। ਸਾਲ 2016 ‘ਚ ਅੰਮ੍ਰਿਤਾ ਅਤੇ ਅਨਮੋਲ ਦਾ ਵਿਆਹ ਹੋਇਆ ਸੀ, ਸਾਲ 2020 ‘ਚ ਉਨ੍ਹਾਂ ਦੇ ਘਰ ਬੇਟੇ ਨੇ ਜਨਮ ਲਿਆ, ਜਿਸ ਦਾ ਨਾਂ ਵੀਰ ਹੈ। ਇਸ ਸ਼ੋਅ ‘ਚ ਅੰਮ੍ਰਿਤਾ ਨੇ ਦੱਸਿਆ ਕਿ ਉਸ ਨੇ ਆਪਣੀਆਂ ਸਾਰੀਆਂ ਫਿਲਮਾਂ ਦੇ ਨਾਂ ਆਪਣੀ ਮਹਿੰਦੀ ‘ਚ ਲਿਖੇ ਹੋਏ ਹਨ। ਉਨ੍ਹਾਂ ਦਾ ਵਿਆਹ ਵਿੱਚ ਸਿਰਫ਼ ਪਰਿਵਾਰਕ ਮੈਂਬਰ ਹੀ ਮੌਜੂਦ ਸਨ, ਹਾਲਾਂਕਿ ਸਾਰਿਆਂ ਨੇ ਇਸ ਵਿਆਹ ਨੂੰ ਗੁਪਤ ਰੱਖਿਆ।
ਇਹ ਵੀ ਦੇਖੋ : ਪਹਿਲੇ ਦਿਨ ਹੀ ਭਗਵੰਤ ਮਾਨ ਦਾ ਵੱਡਾ ਫੈਸਲਾ, ਅੱਜ ਤੱਕ ਕਿਸੇ ਸਰਕਾਰ ਨੇ ਨਹੀਂ ਕੀਤਾ ਇਹ ਕੰਮ ?
