bharti singh baby boy: ਹਾਸਿਆਂ ਦੀ ਕਵੀਨ ਭਾਰਤੀ ਸਿੰਘ ਮਾਂ ਬਣ ਗਈ ਹੈ। ਕਾਮੇਡੀਅਨ ਨੇ ਬੇਟੇ ਨੂੰ ਜਨਮ ਦਿੱਤਾ ਹੈ। ਭਾਰਤੀ ਸਿੰਘ ਨੇ ਸੋਸ਼ਲ ਮੀਡੀਆ ‘ਤੇ ਇਕ ਖਾਸ ਪੋਸਟ ਰਾਹੀਂ ਪ੍ਰਸ਼ੰਸਕਾਂ ਨਾਲ ਇਹ ਖੁਸ਼ਖਬਰੀ ਸਾਂਝੀ ਕੀਤੀ ਹੈ। ਭਾਰਤੀ ਅਤੇ ਹਰਸ਼ ਨੇ ਇੱਕੋ ਪੋਸਟ ਸ਼ੇਅਰ ਕਰਦੇ ਹੋਏ ਲਿਖਿਆ, ‘ਇਹ ਇੱਕ ਮੁੰਡਾ ਹੈ, ਸਟਾਰ ਜੋੜੇ ਨੇ ਪ੍ਰੈਗਨੈਂਸੀ ਫੋਟੋਸ਼ੂਟ ਦੀ ਇਕ ਖੂਬਸੂਰਤ ਤਸਵੀਰ ਸ਼ੇਅਰ ਕੀਤੀ ਹੈ। ਫੋਟੋ ਵਿੱਚ ਭਾਰਤੀ ਅਤੇ ਹਰਸ਼ ਇੱਕ ਦੂਜੇ ਨਾਲ ਬਹੁਤ ਹੀ ਖੂਬਸੂਰਤ ਅੰਦਾਜ਼ ਵਿੱਚ ਨਜ਼ਰ ਆ ਰਹੇ ਹਨ।
ਭਾਰਤੀ ਆਪਣੀ ਗਰਭ ਅਵਸਥਾ ਦੌਰਾਨ ਆਪਣੇ ਵਰਕਫਰੰਟ ਵਿੱਚ ਸਰਗਰਮ ਰਹੀ ਹੈ। ਭਾਰਤੀ ਨੇ ਡਿਲੀਵਰੀ ਦੇ ਆਖਰੀ ਦਿਨ ਤੱਕ ਸ਼ੂਟ ਕੀਤਾ ਹੈ। ਹਰ ਰੋਜ਼ ਪਾਪਰਾਜ਼ੀ ਸ਼ੂਟਿੰਗ ਦੇ ਸੈੱਟ ‘ਤੇ ਭਾਰਤੀ ਨੂੰ ਦੇਖਦੇ ਸਨ ਅਤੇ ਭਾਰਤੀ ਦੇ ਸਾਰੇ ਦਿਲਚਸਪ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੁੰਦੇ ਸਨ।
ਭਾਰਤੀ ਨੇ ਗਰਭ ਅਵਸਥਾ ਦੌਰਾਨ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਉਹ ਇਕ ਪਿਆਰੀ ਬੇਟੀ ਨੂੰ ਜਨਮ ਦੇਣਾ ਚਾਹੁੰਦੀ ਹੈ। ਅਜਿਹੇ ‘ਚ ਭਾਰਤੀ ਦੀ ਇਹ ਇੱਛਾ ਅਧੂਰੀ ਰਹਿ ਗਈ ਹੈ। ਰਿਪੋਰਟਰ ਨੇ ਉਸ ਨੂੰ ਪੁੱਛਿਆ ਕਿ ਤੁਹਾਨੂੰ ਪੁੱਤਰ ਚਾਹੀਦਾ ਹੈ ਜਾਂ ਧੀ। ਇਸ ਸਵਾਲ ਦੇ ਜਵਾਬ ਵਿੱਚ ਭਾਰਤੀ ਸਿੰਘ ਨੇ ਬੇਬਾਕੀ ਨਾਲ ਜਵਾਬ ਦਿੰਦਿਆਂ ਕਿਹਾ, “ਕੁੜੀ। ਮੈਨੂੰ ਕੁੜੀ ਚਾਹੀਦੀ ਹੈ। ਮੇਰੇ ਵਰਗਾ ਮਿਹਨਤੀ। ਤੁਹਾਡੇ ਵਰਗਾ ਨਹੀਂ ਜੋ ਕਿਸੇ ਕੁੜੀ ਨੂੰ ਰੋਕ ਕੇ ਇੰਟਰਵਿਊ ਲੈ ਰਿਹਾ ਹੋਵੇ।”
