kgf 2 box office: ਯਸ਼ ਸਟਾਰਰ ਫਿਲਮ KGF-2 ਨੂੰ ਭਾਰਤ ‘ਚ ਜ਼ਬਰਦਸਤ ਓਪਨਿੰਗ ਮਿਲੀ। ਫਿਲਮ ਨੇ ਹਿੰਦੀ ਬੈਲਟ ‘ਚ ਤੀਜੇ ਦਿਨ 42.90 ਕਰੋੜ ਦੀ ਕਮਾਈ ਕੀਤੀ ਹੈ। ਇਸ ਦੇ ਨਾਲ ਹੀ ਫਿਲਮ ਨੇ ਹਿੰਦੀ ਬੈਲਟ ‘ਚ ਹੀ 143.64 ਕਰੋੜ ਦਾ ਕਾਰੋਬਾਰ ਕੀਤਾ ਹੈ। ਹਿੰਦੀ ਵਰਜ਼ਨ ‘ਚ ਤਿੰਨ ਦਿਨਾਂ ‘ਚ ਇੰਨੀ ਕਮਾਈ ਕਰਨ ਵਾਲੀ ਇਹ ਪਹਿਲੀ ਫਿਲਮ ਹੈ, ਇਸ ਤੋਂ ਪਹਿਲਾਂ ਬਾਹੂਬਲੀ-2 ਨੇ ਕਰੀਬ 128 ਕਰੋੜ ਦੀ ਕਮਾਈ ਕੀਤੀ ਸੀ।
ਇਸ ਦੇ ਨਾਲ ਹੀ KGF-2 ਫਿਲਮ ਨੇ ਪੈਨ ਇੰਡੀਆ ‘ਚ ਤਿੰਨ ਦਿਨਾਂ ‘ਚ 400 ਕਰੋੜ ਦੀ ਕਮਾਈ ਕਰ ਲਈ ਹੈ। ਟ੍ਰੇਡ ਪੰਡਿਤਾਂ ਮੁਤਾਬਕ ਫਿਲਮ ਐਤਵਾਰ ਨੂੰ 500 ਕਰੋੜ ਦਾ ਅੰਕੜਾ ਪਾਰ ਕਰ ਜਾਵੇਗੀ। ਦੂਜੇ ਦਿਨ ਦੀ ਵਰਲਡਵਾਈਡ ਕਲੈਕਸ਼ਨ 139.25 ਕਰੋੜ ਰਹੀ। ਕਰੀਬ 100 ਕਰੋੜ ਦੇ ਬਜਟ ‘ਚ ਬਣੀ ਇਸ ਫਿਲਮ ‘ਚ ਕੰਨੜ ਐਕਟਰ ਯਸ਼ ਤੋਂ ਇਲਾਵਾ ਸੰਜੇ ਦੱਤ ਅਤੇ ਰਵੀਨਾ ਟੰਡਨ ਵੀ ਹਨ। ਫਿਲਮ ਦਾ ਨਿਰਦੇਸ਼ਨ ਪ੍ਰਸ਼ਾਂਤ ਨੀਲ ਨੇ ਕੀਤਾ ਹੈ।
ਐਕਪਰਟਸ ਨੇ ਸੋਸ਼ਲ ਮੀਡੀਆ ‘ਤੇ ਇਕ ਪੋਸਟ ਸ਼ੇਅਰ ਕਰਦੇ ਹੋਏ ਕਿਹਾ ਕਿ KGF-2 ਹਿੰਦੀ ਬਾਕਸ ਆਫਿਸ ‘ਤੇ ਸੁਨਾਮੀ ਵਾਂਗ ਬਣੀ ਹੋਈ ਹੈ। ਫਿਲਮ ਨੇ ਤੀਜੇ ਦਿਨ ਯਾਨੀ ਸ਼ਨੀਵਾਰ 42.92 ਕਰੋੜ, ਦੂਜੇ ਦਿਨ 46.79 ਕਰੋੜ ਅਤੇ ਪਹਿਲੇ ਦਿਨ ਹੀ 53.95 ਕਰੋੜ ਦੀ ਕਮਾਈ ਕੀਤੀ ਹੈ। ਇਸ ਤੋਂ ਪਹਿਲਾਂ ਕ੍ਰਿਟਿਕ ਮਨੋਬਾਲਾ ਨੇ ਫਿਲਮ ਨੂੰ ਇਤਿਹਾਸਕ ਕਿਹਾ ਸੀ।
