Ranbir Rashmika Animal look: ਰਣਬੀਰ ਕਪੂਰ ਅਤੇ ਰਸ਼ਮਿਕਾ ਮੰਡਾਨਾ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ ‘ਐਨੀਮਲ’ ਦੀ ਸ਼ੂਟਿੰਗ ‘ਚ ਰੁੱਝੇ ਹੋਏ ਹਨ। ਫਿਲਮ ਦੀ ਸ਼ੂਟਿੰਗ ਮਨਾਲੀ ਦੀਆਂ ਪਹਾੜੀਆਂ ‘ਤੇ ਹੋ ਰਹੀ ਹੈ। ਇਸ ਦੌਰਾਨ ‘ਐਨੀਮਲ’ ਦੇ ਸੈੱਟ ਤੋਂ ਇਕ ਵੀਡੀਓ ਲੀਕ ਹੋਇਆ ਹੈ।
ਵੀਡੀਓ ‘ਚ ਰਣਬੀਰ-ਰਸ਼ਮੀਕਾ ਸੜਕ ਦੇ ਕਿਨਾਰੇ ਖੜ੍ਹੇ ਹੋ ਕੇ ਸ਼ੂਟ ਦੀ ਤਿਆਰੀ ਕਰਦੇ ਨਜ਼ਰ ਆ ਰਹੇ ਹਨ। ਫਿਲਮ ‘ਚ ਰਣਬੀਰ-ਰਸ਼ਮੀਕਾ ਦਾ ਫਰਸਟ ਲੁੱਕ ਕਿਵੇਂ ਹੋਵੇਗਾ, ਇਸ ਲੀਕ ਵੀਡੀਓ ਤੋਂ ਲੋਕਾਂ ਨੂੰ ਪਤਾ ਲੱਗ ਗਿਆ ਹੈ। ਫਿਲਮ ਦੇ ਸੈੱਟ ਤੋਂ ਲੀਕ ਹੋਈ ਵੀਡੀਓ ਦੀ ਕਲਿੱਪ ‘ਚ ਰਣਬੀਰ ਸਫੈਦ ਕੁੜਤਾ-ਪਜਾਮਾ ਪਹਿਨੇ ਕਲੀਨ ਸ਼ੇਵਨ ਲੁੱਕ ‘ਚ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਹੀ ਰਸ਼ਮੀਕਾ ਨੇ ਸਫੇਦ ਅਤੇ ਲਾਲ ਰੰਗ ਦੀ ਸਾੜੀ ਪਾਈ ਨਜ਼ਰ ਆ ਰਹੀ ਹੈ। ਵੀਡੀਓ ਨੂੰ ਦੇਖ ਕੇ ਲੱਗਦਾ ਹੈ ਕਿ ਦੋਵੇਂ ਸਟਾਰਸ ਸੜਕ ਦੇ ਵਿਚਕਾਰ ਸ਼ੂਟ ਦੀ ਤਿਆਰੀ ਕਰ ਰਹੇ ਹਨ। ਦੋਵੇਂ ਫਿਲਮ ਦੀ ਟੀਮ ਨਾਲ ਘਿਰੇ ਨਜ਼ਰ ਆ ਰਹੇ ਹਨ। ਹੁਣ ਤੱਕ ਅਧਿਕਾਰਤ ਤੌਰ ‘ਤੇ ਰਣਬੀਰ ਰਸ਼ਮਿਕਾ ਦੇ ਲੁੱਕ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਫਿਲਮ ਦੀ ਘੋਸ਼ਣਾ ਦੇ ਬਾਅਦ ਤੋਂ ਹੀ ਇਹ ਦਰਸ਼ਕਾਂ ਵਿੱਚ ਕਾਫੀ ਚਰਚਾ ਦਾ ਵਿਸ਼ਾ ਬਣ ਗਈ ਹੈ। ਇਹ ਪਹਿਲੀ ਫਿਲਮ ‘ਚ ਜਿਸ ‘ਚ ਰਣਬੀਰ ਰਸ਼ਮਿਕਾ ਨਾਲ ਨਜ਼ਰ ਆਉਣਗੇ।
ਖਬਰਾਂ ਮੁਤਾਬਕ ਰਸ਼ਮਿਕਾ ਰਣਬੀਰ ਦੀ ਪਤਨੀ ਬਣ ਚੁੱਕੀ ਹੈ। ਰਸ਼ਮਿਕਾ ਫਿਲਮ ‘ਚ ਰਣਬੀਰ ਕਪੂਰ ਦੀ ਪਤਨੀ ਦਾ ਕਿਰਦਾਰ ਨਿਭਾਅ ਰਹੀ ਹੈ। ਮਜ਼ੇਦਾਰ ਗੱਲ ਇਹ ਹੈ ਕਿ ਇਸ ਫਿਲਮ ‘ਚ ਪਹਿਲਾਂ ਪਰਿਣੀਤੀ ਚੋਪੜਾ ਨੂੰ ਇਹ ਕਿਰਦਾਰ ਨਿਭਾਉਣਾ ਸੀ, ਪਰ ਉਸ ਨੇ ਇਮਤਿਆਜ਼ ਅਲੀ ਦੀ ‘ਚਮਕੀਲਾ’ ਸਾਈਨ ਕਰਨ ਤੋਂ ਬਾਅਦ ਇਹ ਕਿਰਦਾਰ ਨਿਭਾਉਣ ਤੋਂ ਇਨਕਾਰ ਕਰ ਦਿੱਤਾ ਸੀ। ‘ਐਨੀਮਲ’ ਇੱਕ ਕ੍ਰਾਈਮ ਡਰਾਮਾ ਫਿਲਮ ਹੈ, ਜਿਸ ਦਾ ਨਿਰਦੇਸ਼ਨ ਸੰਦੀਪ ਰੈੱਡੀ ਵਾਂਗਾ ਨੇ ਕੀਤਾ ਹੈ। ਫਿਲਮ ਦਾ ਨਿਰਮਾਣ ਭੂਸ਼ਣ ਕੁਮਾਰ ਅਤੇ ਕ੍ਰਿਸ਼ਨ ਕੁਮਾਰ ਦੀ ਟੀ-ਸੀਰੀਜ਼, ਮੁਰਾਦ ਖੇਤਾਨੀ ਦਾ ਸਿਨੇ 1 ਸਟੂਡੀਓ ਅਤੇ ਪ੍ਰਣਯ ਰੈੱਡੀ ਵਾਂਗਾ ਦੀ ਭਦਰਕਾਲੀ ਪਿਕਚਰਜ਼ ਦੁਆਰਾ ਕੀਤਾ ਜਾ ਰਿਹਾ ਹੈ। ਫਿਲਮ ‘ਚ ਰਣਬੀਰ-ਰਸ਼ਮਿਕਾ ਤੋਂ ਇਲਾਵਾ ਅਨਿਲ ਕਪੂਰ ਅਤੇ ਬੌਬੀ ਦਿਓਲ ਵੀ ਮੁੱਖ ਭੂਮਿਕਾਵਾਂ ‘ਚ ਨਜ਼ਰ ਆਉਣਗੇ। ਇਹ ਫਿਲਮ 11 ਅਗਸਤ 2023 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ।
