Akshay Troll RamSetu poster: ਅਕਸ਼ੈ ਕੁਮਾਰ ਆਪਣੀ ਫਿਲਮ ‘ਰਾਮ ਸੇਤੂ’ ਨੂੰ ਲੈ ਕੇ ਸੁਰਖੀਆਂ ‘ਚ ਹਨ। ਫਿਲਮ ਦਾ ਨਵਾਂ ਪੋਸਟਰ ਹਾਲ ਹੀ ‘ਚ ਰਿਲੀਜ਼ ਹੋਇਆ ਹੈ। ਫਿਲਮ ‘ਚ ਅਕਸ਼ੈ ਨਾਲ ਜੈਕਲੀਨ ਫਰਨਾਂਡੀਜ਼ ਕਾਫੀ ਦਿਲਚਸਪ ਭੂਮਿਕਾ ‘ਚ ਨਜ਼ਰ ਆਉਣ ਵਾਲੀ ਹੈ।
ਇਸ ਨਵੇਂ ਪੋਸਟਰ ਨੂੰ ਦੇਖਣ ਤੋਂ ਬਾਅਦ ਇੱਕ ਵਾਰ ਫਿਰ ਲੋਕਾਂ ਨੇ ਅਕਸ਼ੈ ਨੂੰ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਸੋਸ਼ਲ ਮੀਡੀਆ ‘ਤੇ ਲੋਕ ਪੁੱਛ ਰਹੇ ਹਨ ਕਿ ਅਕਸ਼ੈ ਦੇ ਹੱਥ ‘ਚ ਟਾਰਚ ਅਤੇ ਜੈਕਲੀਨ ਫਰਨਾਂਡੀਜ਼ ਦੇ ਹੱਥ ‘ਚ ਇਲੈਕਟ੍ਰਿਕ ਟਾਰਚ ਕੀ ਕਰ ਰਹੀ ਹੈ? ਅਕਸ਼ੈ ਕੁਮਾਰ ਨੇ ਹਾਲ ਹੀ ‘ਚ ਫਿਲਮ ‘ਰਾਮ ਸੇਤੂ’ ਦਾ ਨਵਾਂ ਪੋਸਟਰ ਰਿਲੀਜ਼ ਕੀਤਾ ਹੈ। ਇਸ ਪੋਸਟਰ ਦੇ ਕਾਰਨ ਹੁਣ ਸੋਸ਼ਲ ਮੀਡੀਆ ਯੂਜ਼ਰਸ ਅਕਸ਼ੈ ਨੂੰ ਟ੍ਰੋਲ ਕਰ ਕੇ ਉਨ੍ਹਾਂ ‘ਤੇ ਚੁਟਕੀ ਲੈ ਰਹੇ ਹਨ। ਦਰਅਸਲ ਜਦੋਂ ਲੋਕਾਂ ਨੇ ਪੋਸਟਰ ਨੂੰ ਧਿਆਨ ਨਾਲ ਦੇਖਿਆ ਤਾਂ ਉਨ੍ਹਾਂ ਨੂੰ ਅਕਸ਼ੈ ਕੁਮਾਰ ਹੱਥ ‘ਚ ਟਾਰਚ ਫੜੀ ਨਜ਼ਰ ਆਏ। ਇਸ ਦੇ ਨਾਲ ਹੀ ਜੈਕਲੀਨ ਇਲੈਕਟ੍ਰਿਕ ਟਾਰਚ ਫੜੀ ਖੜ੍ਹੀ ਹੈ। ਹੁਣ ਸੋਸ਼ਲ ਮੀਡੀਆ ਯੂਜ਼ਰਸ ਇਨ੍ਹਾਂ ਤਸਵੀਰਾਂ ਨੂੰ ਦੇਖ ਕੇ ਤਰਕ ਲੱਭ ਰਹੇ ਹਨ ਅਤੇ ਪੋਸਟਰ ਦਾ ਮਜ਼ਾਕ ਉਡਾ ਰਹੇ ਹਨ। ਇਸ ਦੇ ਨਾਲ ਹੀ ਕੁਝ ਬਾਲੀਵੁੱਡ ‘ਤੇ ਸਵਾਲ ਉਠਾ ਰਹੇ ਹਨ।
ਇਕ ਯੂਜ਼ਰ ਨੇ ਲਿਖਿਆ, ਚਾਰੇ ਪਾਸੇ ਬਹੁਤ ਰੋਸ਼ਨੀ ਹੈ, ਜੈਕਲੀਨ ਨੇ ਇਲੈਕਟ੍ਰਿਕ ਟਾਰਚ ਫੜੀ ਹੋਈ ਹੈ, ਫਿਰ ਵੀ ਭਗਵਾਨ ਦੇ ਦਰਸ਼ਨ ਕਰਨ ਲਈ ਤੁਸੀਂ ਅੱਗ ਦੀ ਮਸ਼ਾਲ ਫੜ ਕੇ ਕੀ ਕਰ ਰਹੇ ਹੋ! ਮਜ਼ੇਦਾਰ ਪੋਸਟਰ!’ ਬਾਲੀਵੁੱਡ ‘ਤੇ ਮਜ਼ਾਕ ਉਡਾਉਂਦੇ ਹੋਏ, ਇੱਕ ਨੇਟਿਜ਼ਨ ਨੇ ਲਿਖਿਆ, “ਸਿਰਫ ਬਾਲੀਵੁੱਡ ਵਿੱਚ, ਤੁਸੀਂ ਇੱਕ ਅਦਾਕਾਰ ਨੂੰ ਇੱਕ ਫਲੇਮ ਟਾਰਚ ਅਤੇ ਦੂਜੇ ਅਦਾਕਾਰ ਨੂੰ ਉਸੇ ਫਰੇਮ ਵਿੱਚ ਬੈਟਰੀ ਦੀ ਟਾਰਚ ਫੜੇ ਹੋਏ ਦੇਖ ਸਕਦੇ ਹੋ।” RIP ਤਰਕ।’ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਟ੍ਰੋਲਸ ਨੇ ਅਦਾਕਾਰ ‘ਤੇ ਨਿਸ਼ਾਨਾ ਸਾਧਿਆ ਹੋਵੇ। ਇਸ ਤੋਂ ਪਹਿਲਾਂ ਅਕਸ਼ੈ ਕੁਮਾਰ ਨੂੰ ਪਾਨ ਮਸਾਲਾ ਬ੍ਰਾਂਡ ਦਾ ਸਮਰਥਨ ਕਰਨ ਲਈ ਕਾਫੀ ਟ੍ਰੋਲ ਕੀਤਾ ਗਿਆ ਸੀ। ਅਕਸ਼ੈ ਪਾਨ ਮਸਾਲਾ ਬ੍ਰਾਂਡ ਦੇ ਇਸ਼ਤਿਹਾਰ ‘ਚ ਨਜ਼ਰ ਆਏ ਸਨ, ਜਿਸ ਕਾਰਨ ਲੋਕਾਂ ਦਾ ਗੁੱਸਾ ਉਨ੍ਹਾਂ ‘ਤੇ ਭੜਕਿਆ ਸੀ।
