Kabir Singh sequal confirms: ਬਾਲੀਵੁੱਡ ਅਦਾਕਾਰ ਸ਼ਾਹਿਦ ਕਪੂਰ ਨੇ ਕੋਰੋਨਾ ਦੇ ਦੌਰ ਦੌਰਾਨ ਆਪਣੇ ਕਰੀਅਰ ਦੀ ਸਭ ਤੋਂ ਵੱਡੀ ਹਿੱਟ ਫਿਲਮ ‘ਕਬੀਰ ਸਿੰਘ’ ਦਿੱਤੀ, ਜਿਸ ਨੇ ਉਨ੍ਹਾਂ ਦੀ ਸਾਲਾਂ ਦੀ ਮਿਹਨਤ ਨੂੰ ਸਫਲ ਬਣਾਇਆ ਹੈ।
‘ਕਬੀਰ ਸਿੰਘ’ ਨੇ ਰਿਲੀਜ਼ ਹੁੰਦੇ ਹੀ ਕਈ ਰਿਕਾਰਡ ਤੋੜ ਦਿੱਤੇ ਅਤੇ ਇਹ ਸ਼ਾਹਿਦ ਕਪੂਰ ਦੀ ਪਹਿਲੀ ਸੋਲੋ ਬਲਾਕਬਸਟਰ ਸਾਬਤ ਹੋਈ। ਸ਼ਾਹਿਦ ਕਪੂਰ ਦੀ ਇਹ ਉਹ ਫਿਲਮ ਹੈ ਜਿਸ ਨੇ ਉਨ੍ਹਾਂ ਨੂੰ 250 ਕਰੋੜ ਦੇ ਕਲੱਬ ‘ਚ ਐਂਟਰੀ ਦਿੱਤੀ ਸੀ।ਇਹ ਸਾਊਥ ਦੀ ਫਿਲਮ ‘ਅਰਜੁਨ ਰੈੱਡੀ’ ਦਾ ਆਫੀਸ਼ੀਅਲ ਰੀਮੇਕ ਸੀ, ਜਿਸ ਕਾਰਨ ਕਿਸੇ ਨੇ ਸੋਚਿਆ ਵੀ ਨਹੀਂ ਸੀ ਕਿ ਮੇਕਰਸ ਕਦੇ ਇਸ ਦੇ ਸੀਕਵਲ ‘ਤੇ ਕੰਮ ਕਰਨਗੇ ਪਰ ਟੀ-ਸੀਰੀਜ਼ ਦੇ ਮਾਲਕ ਭੂਸ਼ਣ ਕੁਮਾਰ ਨੇ ਆਪਣੇ ਤਾਜ਼ਾ ਇੰਟਰਵਿਊ ‘ਚ ਖੁਲਾਸਾ ਕੀਤਾ ਹੈ ਕਿ ਹੁਣ ਹਰ ਕੋਈ ਖੁਸ਼ ਹੋ ਜਾਵੇਗਾ। ਨਿਰਮਾਤਾ ਭੂਸ਼ਣ ਕੁਮਾਰ ਨੇ ਕਿਹਾ ਕਿ ਉਹ ‘ਕਬੀਰ ਸਿੰਘ’ ਦੀ ਸਫਲਤਾ ਤੋਂ ਬਹੁਤ ਖੁਸ਼ ਹਨ ਅਤੇ ਇਸ ਨੂੰ ਫਰੈਂਚਾਇਜ਼ੀ ਬਣਾਉਣ ਦੇ ਮੂਡ ‘ਚ ਹਨ।
ਭੂਸ਼ਣ ਕੁਮਾਰ ਨੇ ਕਿਹਾ ਹੈ ਕਿ ‘ਕਬੀਰ ਸਿੰਘ’ ਵਰਗਾ ਪਾਤਰ ਲੱਖਾਂ ਲੋਕਾਂ ਦੇ ਦਿਲਾਂ ਦੇ ਕਰੀਬ ਹੈ, ਇਸ ਲਈ ਇਸ ਨੂੰ ਨਵੀਂ ਕਹਾਣੀ ਵਿਚ ਵਰਤਿਆ ਜਾਣਾ ਚਾਹੀਦਾ ਹੈ। ਇਸ ਕਿਰਦਾਰ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਹੈ। ਉਹ ਬਾਲੀਵੁੱਡ ਦੇ ਮਸ਼ਹੂਰ ਕਿਰਦਾਰਾਂ ਵਿੱਚੋਂ ਇੱਕ ਹੈ। ਇਸ ਪਾਤਰ ਨੂੰ ਅਸੀਂ ਨਵੀਂ ਕਹਾਣੀ ਵਿਚ ਵਰਤ ਸਕਦੇ ਹਾਂ। ਭੂਸ਼ਣ ਕੁਮਾਰ ਨੇ ਇੰਟਰਵਿਊ ‘ਚ ਇਹ ਨਹੀਂ ਦੱਸਿਆ ਹੈ ਕਿ ਉਹ ‘ਕਬੀਰ ਸਿੰਘ 2’ ਦੀ ਸ਼ੂਟਿੰਗ ਕਦੋਂ ਸ਼ੁਰੂ ਕਰਨਗੇ ਪਰ ਉਨ੍ਹਾਂ ਨੇ ਇਹ ਜ਼ਰੂਰ ਕਿਹਾ ਹੈ ਕਿ ਉਨ੍ਹਾਂ ਦੀ ਟੀਮ ‘ਕਬੀਰ ਸਿੰਘ 2’ ਦੀ ਕਹਾਣੀ ‘ਤੇ ਜਲਦ ਹੀ ਕੰਮ ਸ਼ੁਰੂ ਕਰੇਗੀ। ਫਿਲਮ ‘ਜਰਸੀ’ ਦੇ ਫਲਾਪ ਹੋਣ ਤੋਂ ਬਾਅਦ ਇਕ ਵਾਰ ਫਿਰ ਸ਼ਾਹਿਦ ਕਪੂਰ ‘ਤੇ ਸਵਾਲ ਖੜ੍ਹੇ ਹੋ ਰਹੇ ਹਨ। ਕਈ ਲੋਕ ਕਹਿ ਰਹੇ ਹਨ ਕਿ ‘ਕਬੀਰ ਸਿੰਘ’ ਇੱਕ ਮਜ਼ਾਕ ਸੀ, ਅਸਲ ਵਿੱਚ ਸ਼ਾਹਿਦ ਕਪੂਰ ਆਪਣੇ ਦਮ ‘ਤੇ ਕੋਈ ਹਿੱਟ ਫਿਲਮ ਨਹੀਂ ਦੇ ਸਕਦਾ। ਅਜਿਹੇ ਲੋਕਾਂ ਲਈ ‘ਕਬੀਰ ਸਿੰਘ 2’ ਢੁੱਕਵਾਂ ਜਵਾਬ ਸਾਬਤ ਹੋ ਸਕਦੀ ਹੈ।
