Rohit Shetty kkk12 winnner: ਰੋਹਿਤ ਸ਼ੈੱਟੀ ਦਾ ਮਸ਼ਹੂਰ ਰਿਐਲਿਟੀ ਸ਼ੋਅ ‘ਖਤਰੋਂ ਕੇ ਖਿਲਾੜੀ’ ਸੀਜ਼ਨ 12 ਇਨ੍ਹੀਂ ਦਿਨੀਂ ਆਪਣੇ ਪ੍ਰਤੀਯੋਗੀਆਂ ਨੂੰ ਲੈ ਕੇ ਸੁਰਖੀਆਂ ‘ਚ ਹੈ। ਸ਼ੋਅ ਦੀ ਸ਼ੂਟਿੰਗ ਪੂਰੇ ਜ਼ੋਰਾਂ ‘ਤੇ ਚੱਲ ਰਹੀ ਹੈ। ਹਰ ਸਾਲ ਦੀ ਤਰ੍ਹਾਂ ਇਸ ਸੀਜ਼ਨ ‘ਚ ਵੀ ਟੀਵੀ ਇੰਡਸਟਰੀ ਦੀਆਂ ਮਸ਼ਹੂਰ ਹਸਤੀਆਂ ਨੇ ਸ਼ਿਰਕਤ ਕੀਤੀ।
ਰੋਹਿਤ ਸ਼ੈੱਟੀ ਦੁਆਰਾ ਹੋਸਟ ਕੀਤੇ ਗਏ ਇਸ ਸ਼ੋਅ ਨੂੰ ਲੈ ਕੇ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹਨ। ਇਸ ਦੇ ਨਾਲ ਹੀ ਇਕ ਤੋਂ ਬਾਅਦ ਇਕ ਆ ਰਹੇ ਸ਼ੋਅ ਦੇ ਪ੍ਰੋਮੋਜ਼ ਨੇ ਵੀ ਉਤਸ਼ਾਹ ਨੂੰ ਦੁੱਗਣਾ ਕਰ ਦਿੱਤਾ ਹੈ। ‘ਖਤਰੋਂ ਕੇ ਖਿਲਾੜੀ’ ਦਾ ਸੀਜ਼ਨ 12 ਜਲਦੀ ਹੀ ਟੈਲੀਕਾਸਟ ਕੀਤਾ ਜਾਵੇਗਾ ਪਰ ਇਸ ਤੋਂ ਪਹਿਲਾਂ ਹੀ ਰੋਹਿਤ ਸ਼ੈੱਟੀ ਨੇ ਵਿਜੇਤਾ ਨੂੰ ਲੈ ਕੇ ਵੱਡਾ ਸੰਕੇਤ ਦਿੱਤਾ ਹੈ। ਦਰਅਸਲ, ਰੋਹਿਤ ਸ਼ੈੱਟੀ ਨੇ ਹਾਲ ਹੀ ਗੱਲ ਕਰਦੇ ਹੋਏ ‘ਖਤਰੋਂ ਕੇ ਖਿਲਾੜੀ’ ਸੀਜ਼ਨ 12 ਬਾਰੇ ਕਾਫੀ ਚਰਚਾ ਕੀਤੀ। ਉਸ ਨੇ ਲਫ਼ਜ਼ਾਂ ਵਿੱਚ ਕੁਝ ਅਜਿਹਾ ਕਹਿ ਦਿੱਤਾ ਜਿਸ ਕਾਰਨ ਲੋਕ ਇਸ ਸੀਜ਼ਨ ਦੇ ਜੇਤੂ ਬਾਰੇ ਕਿਆਸ ਲਗਾਉਣ ਲੱਗੇ ਹਨ। ਗੱਲਬਾਤ ਕਰਦਿਆਂ ਰੋਹਿਤ ਨੇ ‘ਬਿੱਗ ਬੌਸ 14’ ਦੀ ਜੇਤੂ ਰੁਬੀਨਾ ਦਿਲਾਇਕ ਬਾਰੇ ਕਿਹਾ ਕਿ ਉਹ ਸ਼ੋਅ ‘ਚ ਬਹੁਤ ਵਧੀਆ ਪ੍ਰਦਰਸ਼ਨ ਕਰ ਰਹੀ ਹੈ। ਉਹ ਹਰ ਸਟੰਟ ‘ਚ ਖੁਦ ਨੂੰ ਸਾਬਤ ਕਰ ਰਹੀ ਹੈ, ਇੰਨਾ ਹੀ ਨਹੀਂ ਰੋਹਿਤ ਨੇ ਇਸ ਗੱਲਬਾਤ ‘ਚ ਇੱਥੋਂ ਤੱਕ ਕਹਿ ਦਿੱਤਾ ਕਿ ਉਹ ਰੁਬੀਨਾ ਨੂੰ ਟਾਪ 5 ਕੰਟੈਸਟੈਂਟ ‘ਚ ਦੇਖਦੇ ਹਨ।
ਰੋਹਿਤ ਸ਼ੈੱਟੀ ਨੇ ਅੱਗੇ ਕਿਹਾ ਕਿ ਰੁਬੀਨਾ ਨੂੰ ਸ਼ੋਅ ਦੀ ਵਿਜੇਤਾ ਵਜੋਂ ਦੇਖਿਆ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਤੁਹਾਨੂੰ ਇਹ ਵੀ ਯਾਦ ਕਰਵਾ ਦੇਈਏ ਕਿ ਹਾਲ ਹੀ ‘ਚ ਰੁਬੀਨਾ ਦੇ ਐਲੀਮੀਨੇਸ਼ਨ ਦੀ ਖਬਰ ਵੀ ਸਾਹਮਣੇ ਆਈ ਸੀ ਅਤੇ ਹੁਣ ਉਨ੍ਹਾਂ ਦੀ ਵਾਈਲਡ ਕਾਰਡ ਐਂਟਰੀ ਦੀ ਵੀ ਉਮੀਦ ਜਤਾਈ ਜਾ ਰਹੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਨ੍ਹੀਂ ਦਿਨੀਂ ਕੇਪਟਾਊਨ ‘ਚ ‘ਖਤਰੋਂ ਕੇ ਖਿਲਾੜੀ 12’ ਦੇ ਪ੍ਰੀਮੀਅਰ ਦੀ ਸ਼ੂਟਿੰਗ ਚੱਲ ਰਹੀ ਹੈ। ਸ਼ੋਅ ਦੇ ਪ੍ਰਤੀਯੋਗੀ ਸ਼ੂਟਿੰਗ ਦੌਰਾਨ ਲਗਾਤਾਰ ਆਪਣੀਆਂ ਸਾਰੀਆਂ ਫੋਟੋਆਂ-ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰ ਰਹੇ ਹਨ। ਸ਼ੋਅ ‘ਚ ਮੋਹਿਤ ਮਲਿਕ, ਰੁਬੀਨਾ ਦਿਲਾਇਕ, ਤੁਸ਼ਾਰ ਕਾਲੀਆ, ਜੰਨਤ ਜ਼ੁਬੈਰ, ਸ੍ਰਿਤੀ ਝਾਅ, ਨਿਸ਼ਾਂਤ ਭੱਟ, ਸ਼ਿਵਾਂਗੀ ਜੋਸ਼ੀ, ਅਨੇਰੀ ਵਜਾਨੀ, ਰਾਜੀਵ ਅਦਤੀਆ, ਫੈਜ਼ਲ ਸ਼ੇਖ, ਏਰਿਕਾ ਪੈਕਾਰਡ, ਚੇਤਨਾ ਪਾਂਡੇ, ਕਨਿਕਾ ਮਾਨ ਅਤੇ ਪ੍ਰਤੀਕ ਸਹਿਜਪਾਲ ਨਜ਼ਰ ਆਉਣਗੇ। ਇਹ ਸ਼ੋਅ 2 ਜੁਲਾਈ ਨੂੰ ਰਾਤ 9 ਵਜੇ ਕਲਰਜ਼ ‘ਤੇ ਪ੍ਰੀਮੀਅਰ ਹੋਵੇਗਾ।
