article Archives - Daily Post Punjabi

ਕੋਵਿਡ ਸਮੇਂ ਇੱਕ ਹੈਕ ਹੋਏ ਸਰਕਾਰੀ ਫੇਸਬੁੱਕ ਪੇਜ ਨੂੰ ਬਚਾਉਣ ਦੀ ਕਹਾਣੀ – Rudhrah Gourav ਦੀ ਡਿਜੀਟਲ ਜੰਗ

Aarti Gupta — Thu, 17 Apr 2025 07:33:12 +0000

ਪੰਜਾਬ ਸਰਕਾਰ ਦੇ ਅਧਿਕਾਰੀਆਂ ਨੂੰ ਡਿਜੀਟਲ ਸੁਰੱਖਿਆ ਮੁਹੱਈਆ ਕਰਵਾਉਣ ਵਾਲੇ ਰੁਧਰਾਹ ਗੌਰਵ ਨੇ ਇੱਕ ਮੁਸ਼ਕਲ ਘਟਨਾ ਸਾਂਝੀ ਕੀਤੀ, ਜਿਸ ‘ਚ ਉਨ੍ਹਾਂ ਨੇ ਕੋਵਿਡ ਸਮੇਂ ਪੰਜਾਬ ਵਿਧਾਨ ਸਭਾ ਦੇ ਮੌਜੂਦਾ ਸਪੀਕਰ ਦਾ ਹੈਕ ਹੋਇਆ ਫੇਸਬੁੱਕ ਪੇਜ ਚਾਰ ਦਿਨਾਂ ‘ਚ ਮੁੜ ਹਾਸਿਲ ਕੀਤਾ। ਇਹ ਘਟਨਾ ਨਾ ਸਿਰਫ਼ ਤਕਨੀਕੀ ਪੱਖੋਂ ਮਹੱਤਵਪੂਰਨ ਸੀ, ਸਗੋਂ ਸਮਾਜਿਕ ਅਤੇ ਰਾਜਨੀਤਿਕ ਤੌਰ ‘ਤੇ ਵੀ ਇਕ ਵੱਡੀ ਜ਼ਿੰਮੇਵਾਰੀ ਸਾਬਤ ਹੋਈ।

* ਪੇਜ ਹੈਕ ਹੋਣ ਦੀ ਸਮੱਸਿਆ ਕਿਸ ਤਰ੍ਹਾਂ ਦੀ ਹੁੰਦੀ ਹੈ, ਖਾਸ ਕਰਕੇ ਜਦੋਂ ਗੱਲ ਸਰਕਾਰੀ ਜਾਂ ਸਿਆਸੀ ਪੇਜਾਂ ਦੀ ਹੋਵੇ?
* ਕੋਵਿਡ ਜਿਹੇ ਸੰਕਟਕਾਲ ‘ਚ ਡਿਜੀਟਲ ਸੁਰੱਖਿਆ ਦੀ ਭੂਮਿਕਾ ਕਿੰਨੀ ਵੱਧ ਜਾਂਦੀ ਹੈ?
* ਇਸ ਕੇਸ ਵਿੱਚ ਤੁਹਾਡਾ ਅਨੁਭਵ ਕਿਹੋ ਜਿਹਾ ਰਿਹਾ? ਕਿੰਨੇ ਚਿਰ ਵਿੱਚ ਪੇਜ ਮੁੜ ਮਿਲਿਆ?
* ਅਜਿਹੀਆਂ ਘਟਨਾਵਾਂ ਤੋਂ ਸਿੱਖਣ ਵਾਲੀਆਂ ਮੁੱਖ ਗੱਲਾਂ ਕੀ ਹਨ?
* ਆਮ ਲੋਕ ਜਾਂ ਨੇਤਾ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟਸ ਦੀ ਸੁਰੱਖਿਆ ਲਈ ਕੀ ਉਪਾਅ ਕਰਨ?

ਰੁਧਰਾਹ ਗੌਰਵ ਦਾ ਕਹਿਣਾ ਹੈ ਕਿ- ਕੋਵਿਡ ਦੌਰਾਨ ਜਦੋਂ ਹਰੇਕ ਚੀਜ਼ ਆਨਲਾਈਨ ਹੋ ਗਈ ਸੀ, ਓਦੋਂ ਇੱਕ ਸਰਕਾਰੀ ਪੇਜ ਦਾ ਹੈਕ ਹੋਣਾ ਇੱਕ ਵੱਡੀ ਚੁਣੌਤੀ ਸੀ। ਪਰ ਮੈਨੂੰ ਆਪਣੀ ਟੀਮ ਤੇ ਤਜਰਬੇ ‘ਤੇ ਭਰੋਸਾ ਸੀ। ਸਿਰਫ਼ ਚਾਰ ਦਿਨਾਂ ‘ਚ ਅਸੀਂ ਪੂਰਾ ਪੇਜ ਰਿਕਵਰ ਕਰ ਲਿਆ ਅਤੇ ਬਾਅਦ ਵਿੱਚ ਹੋਰ ਸੁਰੱਖਿਆ ਟੀਕਿਆਂ ਦੀ ਵਰਤੋਂ ਕਰਕੇ ਪੂਰੀ ਪ੍ਰੋਫਾਈਲ ਨਿਰਾਪਦ ਕਰ ਦਿੱਤੀ।

ਉਨ੍ਹਾਂ ਅੱਗੇ ਕਿਹਾ ਕਿ- ਸਾਇਬਰ ਸੁਰੱਖਿਆ ਸਿਰਫ਼ ਐਂਟੀਵਾਇਰਸ ਜਾਂ ਪਾਸਵਰਡ ਤੱਕ ਸੀਮਿਤ ਨਹੀਂ ਰਹਿ ਗਈ। ਅੱਜ ਇਹ ਭਰੋਸੇ, ਪਹਿਚਾਣ, ਅਤੇ ਸੰਚਾਰ ਦੀ ਰੀੜ ਦੀ ਹੱਡੀ ਬਣ ਚੁੱਕੀ ਹੈ। ਖਾਸ ਕਰਕੇ ਜਦੋਂ ਗੱਲ ਸਰਕਾਰੀ ਜਾਂ ਰਾਜਨੀਤਕ ਪੱਧਰ ਦੀ ਹੋਵੇ।

ਨਿਸ਼ਕਰਸ਼: ਜਦੋਂ ਪੂਰਾ ਦੇਸ਼ ਕੋਰੋਨਾ ਨਾਲ ਲੜ ਰਿਹਾ ਸੀ, ਰੁਧਰਾਹ ਗੌਰਵ ਵਰਗੇ ਡਿਜੀਟਲ ਰਾਖੇ ਚੁੱਪਚਾਪ ਪਰ ਐਕਟਿਵ ਹੋ ਕੇ ਸਰਕਾਰੀ ਆਵਾਜ਼ਾਂ ਨੂੰ ਆਨਲਾਈਨ ਦੁਨੀਆਂ ‘ਚ ਸੁਰੱਖਿਅਤ ਰੱਖ ਰਹੇ ਸਨ। ਅਜਿਹੇ ਮਾਹਰ ਵਿਅਕਤੀਆਂ ਦੀ ਭੂਮਿਕਾ ਅੱਜ ਸਾਇਬਰ ਯੁੱਗ ਵਿੱਚ ਅਨਮੋਲ ਬਣ ਚੁੱਕੀ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਆਖਿਰ ਕਿੱਥੇ ਲੈ ਕੇ ਜਾਵਾਂ ਮੈਂ 6 ਧੀਆਂ ਸਣੇ 2 ਪੁੱਤਾਂ ਨੂੰ?” ਬੰਦੇ ਨੂੰ ਟੱਬਰ ਸਣੇ ਪਿੰਡ ‘ਚੋਂ ਕੱਢਣ ਦਾ ਕੀਤਾ ਫੈਸਲਾ

The post ਕੋਵਿਡ ਸਮੇਂ ਇੱਕ ਹੈਕ ਹੋਏ ਸਰਕਾਰੀ ਫੇਸਬੁੱਕ ਪੇਜ ਨੂੰ ਬਚਾਉਣ ਦੀ ਕਹਾਣੀ – Rudhrah Gourav ਦੀ ਡਿਜੀਟਲ ਜੰਗ appeared first on Daily Post Punjabi.

ਪੰਜਾਬ ਦੀ ਮਾਂ….

Sulakhanjeet Kaur — Sun, 09 Apr 2023 07:23:38 +0000

ਲੁਧਿਆਣਾ (ਕੁੰਵਰਜੋਤ ਸਿੰਘ): ਪੰਜਾਬ ਨੂੰ ਗੁਰੂਆਂ,ਪੀਰਾਂ, ਫ਼ਕੀਰਾਂ ਅਤੇ ਯੋਧਿਆਂ ਦੀ ਧਰਤੀ ਕਿਹਾ ਜਾਂਦਾ ਹੈ, ਪੰਜਾਬ ‘ਚ ਕਈ ਧਾਰਮਿਕ ਸ਼ਖਸੀਅਤਾਂ ਅਤੇ ਯੋਧਿਆਂ ਨੇ ਜਨਮ ਲਿਆ ਹੈ। ਜੇ ਗੱਲ ਕਰੀਏ ਇਸ ਧਰਤੀ ਦੀ ਤਾਂ ਇੱਥੇ ਹੀ ਸਿੱਖ ਧਰਮ ਦੇ ਮੋਢੀ ਸ੍ਰੀ ਗੁਰੂ ਨਾਨਕ ਸਾਹਿਬ ਦਾ ਜਨਮ ਹੋਇਆ, ਜਿਨ੍ਹਾਂ ਨੇ ਉਸ ਵਕਤ ਦੀ ਰਾਜਨੀਤੀ ਅਤੇ ਧਾਰਮਿਕ ਕੱਟੜਤਾ ਨੂੰ ਬੱਦਲ ਕੇ ਰੱਖ ਦਿੱਤਾ। ਜੇ ਯੋਧਿਆਂ ਦੀ ਗੱਲ ਕਰੀਏ ਤਾਂ ਪੰਜਾਬ ‘ਚ ਪੋਰਸ ਵਰਗੇ ਨੇ ਵਿਸ਼ਵ ਨੂੰ ਜਿੱਤਣ ਦੀ ਸੌਂਹ ਖਾਣ ਵਾਲੇ ਸਿਕੰਦਰ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ। ਇਸ ਸਭ ਦੇ ਪਿੱਛੇ ਇੱਕੋ ਇੱਕ ਸ਼ਕਤੀ ਸੀ ਮਾਂ । ਜੇ ਗੁਰੂ ਨਾਨਕ ਸਾਹਿਬ ਜੀ ਦੀ ਗੱਲ ਕਰੀਏ ਤਾਂ ਉਹਨਾਂ ਬਾਰੇ ਗੱਲ ਕਰਦਿਆਂ ਇਹ ਹੋ ਨਹੀਂ ਸਕਦਾ ਕਿ ਮਾਤਾ ਤ੍ਰਿਪਤਾ ਜੀ ਦਾ ਨਾਮ ਨਾ ਆਵੇ ਅਤੇ ਮਾਤਾ ਗੁੱਜਰ ਕੌਰ ਦੀਆਂ ਕੁਰਬਾਨੀਆਂ ਬਾਰੇ ਤਾਂ ਕੀ ਹੀ ਗੱਲ ਕਰੀਏ । ਜਿਨ੍ਹਾਂ ਨੇ ਦਸਮ ਪਾਤਸ਼ਾਹ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਵਰਗੇ ਯੋਧੇ ਨੂੰ ਜਨਮ ਦਿੱਤਾ ਸੀ। ਠੰਡੇ ਬੁਰਜ ਦੀਆ ਰਾਤਾਂ ‘ਚ ਕਿਵੇਂ ਚੜ੍ਹਦੀਕਲਾ ਵਿੱਚ ਰਹੀ ਸੀ ਉਹ ਮਾਂ। ਪਰ ਅੱਜ ਪੰਜਾਬ ਦੀ ਮਾਂ ਦੇ ਹਾਲਾਤ ਬਹੁਤ ਤਰਸਯੋਗ ਹੋ ਗਏ ਹਨ ਕਿਉਂਕਿ ਪਰਵਾਸ ਦਿਨੋਂ-ਦਿਨ ਪੰਜਾਬ ਨੂੰ ਅੰਦਰੋਂ-ਅੰਦਰੀ ਖਾ ਰਿਹਾ ਹੈ। ਪਿੰਡਾਂ ਦੇ ਪਿੰਡ ਖਾਲੀ ਹੋ ਗਏ ਨੇ ਅਤੇ ਕਈ ਘਰ ਇਹੋ ਜਿਹੇ ਨੇ ਜਿੱਥੇ ਖਾਲੀ ਸਿਰਫ ਇੱਕ ਬੇਵੱਸ ਮਾਂ ਆਪਣੇ ਬੱਚਿਆਂ ਦੀ ਉਡੀਕ ਕਰ ਰਹੀ ਹੈ । ਉਹ ਇਹੀ ਉਮੀਦ ‘ਚ ਰਹਿੰਦੀ ਹੈ ਕਿ ਕਦੋਂ ਆਪਣੇ ਪੁੱਤ ਜਾਂ ਧੀ ਦਾ ਮੂੰਹ ਦੇਖੇਗੀ । ਪਰ ਕਈ ਤਾਂ ਵਿਚਾਰੇ ਆਪਣੀਆਂ ਮਾਵਾਂ ਦੇ ਸਸਕਾਰ ‘ਤੇ ਵੀ ਨਹੀਂ ਪਹੁੰਚ ਪਾਉਂਦੇ, ਪਰ ਫਿਰ ਵੀ ਇੱਕ ਮਾਂ ਹੀ ਹੈ ਜਿਹੜੀ ਵੱਡਾ ਜਿਗਰਾ ਕਰਕੇ ਆਪਣੇ ਬੱਚੇ ਨੂੰ ਆਪਣੇ ਤੋਂ ਦੂਰ ਵਿਦੇਸ਼ ਭੇਜਦੀ ਹੈ ਤਾਂ ਜੋ ਉਸਦੇ ਬੱਚਾ ਆਪਣਾ ਸੋਹਣਾ ਭਵਿੱਖ ਬਣਾ ਸਕੇ ਇਹ ਪਤਾ ਹੋਣ ਦੇ ਬਾਵਜੂਦ ਵੀ ਕੇ ਉਸਨੇ ਹੀ ਸਭ ਤੋਂ ਔਖੇ ਹੋਣਾ ਹੈ ਆਪਣੇ ਪੁੱਤ ਜਾਂ ਧੀ ਨੂੰ ਯਾਦ ਕਰ ਕਰ।

The post ਪੰਜਾਬ ਦੀ ਮਾਂ…. appeared first on Daily Post Punjabi.

ਨੌਜਵਾਨਾਂ ਦੇ ਕੋਲ ਹਥਿਆਰ ਚੁੱਕਣ ਤੋਂ ਬਗੈਰ ਦੂਜਾ ਕੋਈ ਰਾਹ ਨਹੀਂ- ਮਹਿਬੂਬਾ ਮੁਫਤੀ

Gurjeet Dhaliwal — Mon, 09 Nov 2020 08:20:48 +0000

mehbooba mufti article 370 modi govt youth terrorist: ਜੰਮੂ-ਕਸ਼ਮੀਰ ਦੀ ਸਾਬਕਾ ਮੁੱਖ ਮੰਤਰੀ ਮਹਿਬੂਬਾ ਮੁਫਤੀ ਨੇ ਇੱਕ ਵਾਰ ਫਿਰ ਧਾਰਾ 370 ਦੇ ਮਾਮਲੇ ‘ਤੇ ਕੇਂਦਰ ਸਰਕਾਰ ‘ਤੇ ਨਿਸ਼ਾਨਾ ਸਾਧਿਆ ਹੈ।ਮਹਿਬੂਬਾ ਮੁਫਤੀ ਨੇ ਕਿਹਾ ਕਿ ਅੱਜ ਘਾਟੀ ‘ਚ ਨੌਜਵਾਨਾਂ ਦੇ ਕੋਲ ਨੌਕਰੀ ਨਹੀਂ ਹੈ,ਇਸ ਲਈ ਉਨ੍ਹਾਂ ਦੇ ਸਾਹਮਣੇ ਹਥਿਆਰ ਚੁੱਕਣ ਤੋਂ ਬਿਨਾਂ ਕੋਈ ਵਿਕਲਪ ਨਹੀਂ ਹੈ।ਅੱਜ ਅੱਤਵਾਦੀ ਕੈਂਪ ‘ਚ ਭਰਤੀਆਂ ਵਧਣ ਲੱਗੀਆਂ ਹਨ।ਪੀਡੀਪੀ ਨੇ ਦੋਸ਼ ਲਾਇਆ ਹੈ ਕਿ ਭਾਰਤੀ ਜਨਤਾ ਪਾਰਟੀ ਜੰਮੂ-ਕਸ਼ਮੀਰ ਦੀ ਜਮੀਨ ਨੂੰ ਵੇਚਣਾ ਚਾਹੁੰਦੀ ਹੈ।ਅੱਜ ਬਾਹਰ ਤੋਂ ਆ ਕੇ ਇਹ ਲੋਕ ਇੱਥੇ ਨੌਕਰੀ ਕਰ ਰਹੇ ਹਨ ਪਰ ਸਾਡੇ ਬੱਚਿਆਂ ਨੂੰ ਨੌਕਰੀ ਨਹੀਂ ਮਿਲ ਰਹੀ ਹੈ।ਦੱਸਣਯੋਗ ਹੈ ਕਿ ਮਹਿਬੂਬਾ ਮੁਫਤੀ ਇਨ੍ਹੀਂ ਦਿਨੀਂ ਜੰਮੂ ਦੇ ਦੌਰੇ ‘ਤੇ ਹਨ, ਇੱਥੇ ਉਨ੍ਹਾਂ ਨੇ ਪਾਰਟੀ ਨੇਤਾਵਾਂ ਤੋਂ ਇਲਾਵਾ ਸਮਾਜ ਦੇ ਹੋਰ ਤਬਕਿਆਂ ਨੇ ਪ੍ਰਤੀਨਿਧੀਆਂ ਨਾਲ ਮੁਲਾਕਾਤ ਕੀਤੀ ਇਨ੍ਹਾਂ ਬੈਠਕਾਂ ਤੋਂ ਬਾਅਦ

mehbooba mufti article 370 modi govt youth terrorist

ਮਹਿਬੂਬਾ ਨੇ ਜੰਮੂ ‘ਚ ਪ੍ਰੈੱਸ ਕਾਨਫ੍ਰੰਸ ਕੀਤੀ।ਧਾਰਾ 370 ਨੂੰ ਲੈ ਕੇ ਮਹਿਬੂਬਾ ਮੁਫਤੀ ਨੇ ਕਿਹਾ ਕਿ ਇਹ ਮੁਸਲਿਮ ਜਾਂ ਹਿੰਦੂਆਂ ਨਾਲ ਜੁੜਿਆ ਵਿਸ਼ਾ ਨਹੀਂ ਹੈ।ਸਗੋਂ ਜੰਮੂ-ਕਸ਼ਮੀਰ ਦੇ ਲੋਕਾਂ ਦੀ ਪਛਾਣ ਹੈ।ਲੋਕਾਂ ਨੂੰ ਆਪਣੇ ਭਵਿੱਖ ਦੀ ਚਿੰਤਾ ਹੈ।ਕੇਂਦਰ ਸਰਕਾਰ ਨੇ ਬਾਬਾ ਸਾਹਿਬ ਦੇ ਸੰਵਿਧਾਨ ਦੇ ਨਾਲ ਖਿਲਵਾੜ ਕੀਤਾ ਹੈ।ਬੀਜੇਪੀ ‘ਤੇ ਨਿਸ਼ਾਨਾ ਸਾਧਦਿਆਂ ਹੋਏ ਮਹਿਬੂਬਾ ਮੁਫਤੀ ਨੇ ਕਿਹਾ ਕਿ ਕਸ਼ਮੀਰੀ ਪੰਡਿਤਾਂ ਦਾ ਕੀ ਹੋਇਆ? ਬੀਜੇਪੀ ਨੇ ਉਨ੍ਹਾਂ ਨਾਲ ਵਾਅਦਾ ਕੀਤਾ ਸੀ।ਪਰ ਕੁਝ ਨਹੀਂ ਹੋਇਆ।ਦੱਸਣਯੋਗ ਹੈ ਕਿ ਸਮਝੌਤਿਆਂ ਤਹਿਤ ਜੰਮੂ-ਕਸ਼ਮੀਰ ਦੀਆਂ ਕਈ ਪਾਰਟੀਆਂ ਨੇ ਪੀਪਲਸ ਅਲਾਇੰਸ (ਗਠਜੋੜ) ਬਣਾਇਆ ਹੈ।ਜਿਸ ‘ਚ ਪੀਡੀਪੀ,ਐੱਨਸੀ,ਸੱਜਾਦ ਲੋਨ ਦੀ ਪਾਰਟੀ ਸਮੇਤ ਹੋਰ ਕਈ ਦਲ ਹਨ।ਹੁਣ ਇਨ੍ਹਾਂ ਦਲਾਂ ਨੇ ਧਾਰਾ 370 ਦੇ ਮਾਮਲੇ ‘ਤੇ ਇਕ ਵਾਰ ਫਿਰ ਸੁਪਰੀਮ ਕੋਰਟ ਦਾ ਰੁਖ ਕੀਤਾ ਹੈ।ਸੁਪਰੀਮ ਕੋਰਟ ‘ਚ ਅਪੀਲ ਕੀਤੀ ਗਈ ਹੈ ਕਿ ਧਾਰਾ 370 ਨਾਲ ਜੁੜੀਆਂ ਸਾਰੀਆਂ ਪਟੀਸ਼ਨਾਂ ‘ਤੇ ਜਲਦੀ ਸੁਣਵਾਈ ਕੀਤੀ ਜਾਵੇਗੀ।

The post ਨੌਜਵਾਨਾਂ ਦੇ ਕੋਲ ਹਥਿਆਰ ਚੁੱਕਣ ਤੋਂ ਬਗੈਰ ਦੂਜਾ ਕੋਈ ਰਾਹ ਨਹੀਂ- ਮਹਿਬੂਬਾ ਮੁਫਤੀ appeared first on Daily Post Punjabi.