ਵਿੱਤ ਮੰਤਰਾਲੇ ਵੱਲੋਂ ਬੁੱਧਵਾਰ ਨੂੰ ਜਾਰੀ ਬਿਆਨ ਮੁਤਾਬਕ DRI ਨੇ ਮੰਗਲਵਾਰ ਨੂੰ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਇਕ ਕੀਨੀਆ ਦੇ ਨਾਗਰਿਕ ਨੂੰ ਗ੍ਰਿਫਤਾਰ ਕੀਤਾ। ਮਹਿਲਾ ਯਾਤਰੀ ਨੈਰੋਬੀ ਤੋਂ ਇੱਥੇ ਪਹੁੰਚੀ ਸੀ। DRI ਅਧਿਕਾਰੀਆਂ ਨੇ ਜਦੋਂ ਉਸ ਦੇ ਸਾਮਾਨ ਦੀ ਤਲਾਸ਼ੀ ਲਈ ‘ਤਾਂ ਉਸ ਕੋਲੋਂ ਕਰੀਬ 1,698 ਗ੍ਰਾਮ ਕੋਕੀਨ ਬਰਾਮਦ ਹੋਇਆ। ਅੰਤਰਰਾਸ਼ਟਰੀ ਬਾਜ਼ਾਰ ‘ਚ ਇਸ ਦੀ ਅੰਦਾਜ਼ਨ ਕੀਮਤ ਕਰੀਬ 17 ਕਰੋੜ ਰੁਪਏ ਦੱਸੀ ਗਈ ਹੈ।

ਯਾਤਰੀ ਦੀ ਤਲਾਸ਼ੀ ਅਤੇ ਪੁੱਛਗਿੱਛ ਕਰਨ ‘ਤੇ ਪਤਾ ਲੱਗਾ ਕਿ ਉਸ ਨੇ ਮੁੰਬਈ ਜਾਣਾ ਹੈ। ਇਸ ਦਾ ਮਤਲਬ ਇਹ ਸੀ ਕਿ ਡਰੱਗ ਨੂੰ ਮੁੰਬਈ ਲਿਜਾਇਆ ਜਾਣਾ ਸੀ। ਬਿਆਨ ਮੁਤਾਬਕ ਮਹਿਲਾ ਤੋਂ ਲਗਾਤਾਰ ਪੁੱਛਗਿੱਛ ਤੋਂ ਬਾਅਦ DRI ਅਧਿਕਾਰੀਆਂ ਨੇ ਉਸ ਵਿਅਕਤੀ ਦਾ ਪਤਾ ਲਗਾਇਆ ਜਿਸ ਨੂੰ ਇਹ ਪਾਬੰਦੀਸ਼ੁਦਾ ਦਵਾਈਆਂ ਪਹੁੰਚਾਈਆਂ ਜਾਣੀਆਂ ਸਨ। ਇਸ ਤੋਂ ਬਾਅਦ ਕੀਨੀਆ ਦੀ ਇੱਕ ਹੋਰ ਔਰਤ ਮੁੰਬਈ ਦੇ ਵਸਈ ਇਲਾਕੇ ਵਿੱਚ ਫੜੀ ਗਈ।

ਇਹ ਵੀ ਪੜ੍ਹੋ : ਲੈਂਡਰ ਤੋਂ ਉਤਰਦੇ ਹੋਏ ਰੋਵਰ ਪ੍ਰਗਿਆਨ ਦੀ ਪਹਿਲੀ ਫੋਟੋ ਆਈ ਸਾਹਮਣੇ, ਚੰਨ ‘ਤੇ ਭਾਰਤ ਦੀ ਸੈਰ ਸ਼ੁਰੂ

ਮੰਤਰਾਲੇ ਨੇ ਦੱਸਿਆ ਕਿ ਦੋਵਾਂ ਔਰਤਾਂ ਨੂੰ ਨਸ਼ਾ ਰੋਕੂ ਕਾਨੂੰਨ (NDPS), 1985 ਦੀਆਂ ਧਾਰਾਵਾਂ ਤਹਿਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਸਾਲ ਜਨਵਰੀ ਤੋਂ ਜੁਲਾਈ ਦੌਰਾਨ ਡੀਆਰਆਈ ਨੇ ਦੇਸ਼ ਭਰ ਵਿੱਚੋਂ 31 ਕਿਲੋਗ੍ਰਾਮ ਕੋਕੀਨ ਅਤੇ 96 ਕਿਲੋਗ੍ਰਾਮ ਹੈਰੋਇਨ ਜ਼ਬਤ ਕੀਤੀ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “

The post ਦਿੱਲੀ ਹਵਾਈ ਅੱਡੇ ‘ਤੇ DRI ਨੇ 17 ਕਰੋੜ ਰੁ: ਦੀ ਕੋਕੀਨ ਕੀਤੀ ਜ਼ਬਤ, ਕੀਨੀਆ ਦੀਆਂ 2 ਔਰਤਾਂ ਗ੍ਰਿਫਤਾਰ appeared first on Daily Post Punjabi.