ਚੰਦਰਯਾਨ-3 ਦੇ ਵਿਕਰਮ ਲੈਂਡਰ (LM) ਦੇ ਨਾਲ ਚੰਦਰਮਾ ਦੀ ਸਤ੍ਹਾ ‘ਤੇ ਉਤਰਨ ਵਾਲਾ ਪ੍ਰਗਿਆਨ ਰੋਵਰ ਲੈਂਡਰ ‘ਵਿਕਰਮ’ ਤੋਂ ਵੱਖ ਹੋ ਗਿਆ ਹੈ। ਇਹ ਭਾਰਤੀ ਪੁਲਾੜ ਏਜੰਸੀ ਇਸਰੋ ਲਈ ਮਿਸ਼ਨ ਦੀ ਇੱਕ ਹੋਰ ਵੱਡੀ ਸਫਲਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਵਿਕਰਮ ਤੋਂ ਵੱਖ ਹੋਣ ਤੋਂ ਬਾਅਦ ਪ੍ਰਗਿਆਨ ਰੋਵਰ ਚੰਦਰਮਾ ਦੀ ਸਤ੍ਹਾ ‘ਤੇ ਚੱਲ ਰਿਹਾ ਹੈ। ਇਸਰੋ ਨੇ ਵੀ ਇੱਕ ਟਵੀਟ ਵਿੱਚ ਪੁਸ਼ਟੀ ਕੀਤੀ ਹੈ ਕਿ ਪ੍ਰਗਿਆਨ ਰੋਵਰ ਹੁਣ ਵਿਕਰਮ ਲੈਂਡਰ ਤੋਂ ਬਾਹਰ ਆ ਗਿਆ ਹੈ।
ਇਸਰੋ ਨੇ ਆਪਣੇ ਤਾਜ਼ਾ ਟਵੀਟ ਵਿੱਚ ਲਿਖਿਆ ਹੈ ਕਿ ਭਾਰਤ ਵਿੱਚ ਬਣੇ ਚੰਦਰਯਾਨ-3 ਦਾ ਰੋਵਰ ਲੈਂਡਰ ਤੋਂ ਹੇਠਾਂ ਉਤਰਿਆ ਹੈ। ਪ੍ਰਗਿਆਨ ਰੋਵਰ ਨੇ ਚੰਨ ‘ਤੇ ਸੈਰ ਕੀਤੀ, ਜਿਸ ਨੂੰ ਇਸਰੋ ਨੇ ਚੰਨ ‘ਤੇ ਭਾਰਤ ਦੀ ਸੈਰ ਦੱਸਿਆ ਹੈ। ਇਸ ਦੀ ਤਸਵੀਰ ਵੀ ਸਾਹਮਣੇ ਆ ਚੁੱਕੀ ਹੈ। ਜ਼ਿਕਰਯੋਗ ਹੈ ਕਿ ਇਸਰੋ ਦੇ ਚੰਦਰਯਾਨ-3 ਮਿਸ਼ਨ ਨੇ ਬੁੱਧਵਾਰ ਨੂੰ ਇਤਿਹਾਸ ਰਚ ਦਿੱਤਾ।
ਲੈਂਡਰ ਮੋਡਿਊਲ (LM) ‘ਵਿਕਰਮ’ ਨੇ ਪ੍ਰਗਿਆਨ ਰੋਵਰ ਦੇ ਨਾਲ ਸਫਲਤਾਪੂਰਵਕ ਚੰਦਰਮਾ ‘ਤੇ ਸਾਫਟ-ਲੈਂਡ ਕੀਤਾ। ਭਾਰਤ ਦੁਨੀਆ ਦਾ ਪਹਿਲਾ ਦੇਸ਼ ਬਣ ਗਿਆ ਜਿਸ ਦੇ ਲੈਂਡਰ ਅਤੇ ਰੋਵਰ ਨੇ ਚੰਦਰਮਾ ਦੇ ਦੱਖਣੀ ਧਰੁਵ ‘ਤੇ ਸਫਲ ਲੈਂਡਿੰਗ ਕੀਤੀ। ਲੈਂਡਿੰਗ ਤੋਂ ਤੁਰੰਤ ਬਾਅਦ, ਚੰਦਰਯਾਨ-3 ਦੇ ਵਿਕਰਮ ਲੈਂਡਰ (LM) ਨੇ ਚੰਦਰਮਾ ‘ਤੇ ਸਾਫਟ ਲੈਂਡਿੰਗ ਤੋਂ ਬਾਅਦ ਇੱਕ ਤਸਵੀਰ ਸਾਂਝੀ ਕੀਤੀ।
ਇਸ ਦੇ ਨਾਲ ਹੀ ਇਸਰੋ ਨੇ ਵਿਕਰਮ ‘ਚ ਸਥਾਪਿਤ ‘ਲੈਂਡਰ ਹਰੀਜ਼ੋਂਟਲ ਵੇਲੋਸਿਟੀ ਕੈਮਰੇ’ ਦੁਆਰਾ ਲਈਆਂ ਗਈਆਂ ਤਸਵੀਰਾਂ ਵੀ ਜਾਰੀ ਕੀਤੀਆਂ, ਜੋ ਚੰਦਰਮਾ ਦੀ ਸਤ੍ਹਾ ‘ਤੇ ਉਤਰਨ ਦੌਰਾਨ ਕਲਿੱਕ ਕੀਤੀਆਂ ਗਈਆਂ ਸਨ। ਭਾਰਤੀ ਪੁਲਾੜ ਏਜੰਸੀ ਨੇ ਇਹ ਵੀ ਦੱਸਿਆ ਕਿ ਚੰਦਰਯਾਨ-3 ਦੇ ਚੰਦਰਮਾ ‘ਤੇ ਉਤਰਨ ਤੋਂ ਬਾਅਦ, ਲੈਂਡਰ ਅਤੇ ਪੁਲਾੜ ਏਜੰਸੀ ਦੇ ਮਿਸ਼ਨ ਆਪ੍ਰੇਸ਼ਨਲ ਕੰਪਲੈਕਸ (MOX) ਵਿਚਕਾਰ ਇੱਕ ਸੰਚਾਰ ਲਿੰਕ ਸਥਾਪਿਤ ਹੋ ਗਿਆ ਹੈ।
ਇਹ ਵੀ ਪੜ੍ਹੋ : ਫਿਰੋਜ਼ਪੁਰ ਸਰਹੱਦ ‘ਤੇ BSF-ਪੁਲਿਸ ਦਾ ਸਾਂਝਾ ਆਪ੍ਰੇਸ਼ਨ, 21 ਕਰੋੜ ਦੀ ਹੈਰੋਇਨ ਸਣੇ ਚੀਨੀ ਡਰੋਨ ਬਰਾਮਦ
ਵਿਕਰਮ ਲੈਂਡਰ ਦੇ ਚੰਦਰਮਾ ‘ਤੇ ਉਤਰਨ ਤੋਂ ਬਾਅਦ, ਇਸਦੇ ਕੈਮਰਿਆਂ ਦੁਆਰਾ ਲਈ ਗਈ ਤਸਵੀਰ ਵਿੱਚ ਲੈਂਡਰ ਦੀ ਇੱਕ ਲੱਤ ਦਾ ਪਰਛਾਵਾਂ ਵੀ ਦਿਖਾਈ ਦਿੱਤਾ। ਇਸਰੋ ਨੇ ਦੱਸਿਆ ਸੀ ਕਿ ਚੰਦਰਯਾਨ-3 ਨੇ ਚੰਦਰਮਾ ਦੀ ਸਤ੍ਹਾ ‘ਤੇ ਮੁਕਾਬਲਤਨ ਸਮਤਲ ਖੇਤਰ ਚੁਣਿਆ ਹੈ, ਯਾਨੀ ਕਿ ਸਮਤਲ ਖੇਤਰ ‘ਚ ਉਤਰਨਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
