ਹਾਦਸੇ ਤੋਂ ਬਾਅਦ, ਡ੍ਰਾਈਵਰ ਗੱਡੀ ਵਿੱਚ ਫਸਿਆ ਰਿਹਾ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਮੌਕੇ ‘ਤੇ ਪਹੁੰਚੀ ਪੁਲਿਸ ਨੇ ਕਿਸੇ ਤਰ੍ਹਾਂ ਡ੍ਰਾਈਵਰ ਨੂੰ ਬਾਹਰ ਕੱਢਿਆ, ਪਰ ਉਦੋਂ ਤੱਕ ਉਸਦੀ ਮੌਤ ਹੋ ਚੁੱਕੀ ਸੀ। ਡਰਾਈਵਰ ਤੋਂ ਇਲਾਵਾ, ਮੈਕਸ ਵਿੱਚ ਇੱਕ ਹੋਰ ਵਿਅਕਤੀ ਸੀ। ਪੁਲਿਸ ਨੇ ਉਸਨੂੰ ਬਾਹਰ ਕੱਢਿਆ ਅਤੇ ਜ਼ਿਲ੍ਹਾ ਹਸਪਤਾਲ ਵਿੱਚ ਦਾਖਲ ਕਰਵਾਇਆ। ਇਹ ਹਾਦਸਾ ਬੁੱਧਵਾਰ ਸਵੇਰੇ ਥਾਣਾ ਟ੍ਰਾਂਸ ਯਮੁਨਾ ਖੇਤਰ ਦੇ ਸ਼ਾਹਦਰਾ ਵਿੱਚ ਵਾਪਰਿਆ।

ਮਿਲੀ ਜਾਣਕਾਰੀ ਅਨੁਸਾਰ ਆਗਰਾ ਵਾਸੀ ਰਾਜੇਸ਼ (55), ਹਰੀਬਾਬੂ (65) ਅਤੇ ਰਾਮੇਸ਼ਵਰ ਬੁੱਧਵਾਰ ਸਵੇਰੇ 4 ਵਜੇ ਘਰ ਤੋਂ ਸੈਰ ਲਈ ਨਿਕਲੇ ਸਨ। ਸੈਰ ਤੋਂ ਬਾਅਦ, ਤਿੰਨੋਂ ਸੜਕ ਦੇ ਡਿਵਾਈਡਰ ‘ਤੇ ਬੈਠ ਗਏ। ਇਸ ਦੌਰਾਨ ਲਖਨਊ ਤੋਂ ਤੇਜ਼ ਰਫ਼ਤਾਰ ਨਾਲ ਆ ਰਹੀ ਅੰਬਾਂ ਨਾਲ ਭਰੀ ਇੱਕ ਮੈਕਸ ਗੱਡੀ ਡਿਵਾਈਡਰ ਨਾਲ ਟਕਰਾ ਗਈ ਅਤੇ ਤਿੰਨਾਂ ‘ਤੇ ਪਲਟ ਗਈ। ਹਾਦਸੇ ਵਿੱਚ ਤਿੰਨੋਂ ਗੱਡੀ ਹੇਠਾਂ ਦੱਬ ਗਏ। ਉੱਥੋਂ ਪੈਦਲ ਜਾ ਰਹੇ ਲੋਕ ਮੌਕੇ ‘ਤੇ ਪਹੁੰਚੇ ਅਤੇ ਉਨ੍ਹਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਨ ਲੱਗੇ।

ਇਹ ਵੀ ਪੜ੍ਹੋ : ਜਲੰਧਰ ‘ਚ ED ਦਾ ਵੱਡਾ ਐੈਕਸ਼ਨ, ਸੈਲੂਨ ਮਾਲਕ ਦੇ ਘਰ ਛਾਪਾ, ਨ/ਸ਼ਾ ਕਾਰੋਬਾਰ ਨਾਲ ਜੋੜੇ ਜਾ ਰਹੇ ਤਾਰ

ਸੂਚਨਾ ਮਿਲਦੇ ਹੀ ਥੋੜ੍ਹੀ ਦੇਰ ਬਾਅਦ ਪੁਲਿਸ ਵੀ ਪਹੁੰਚ ਗਈ ਅਤੇ ਇੱਕ ਕਰੇਨ ਬੁਲਾਈ ਗਈ। ਪੁਲਿਸ ਨੇ ਕਰੇਨ ਦੀ ਮਦਦ ਨਾਲ ਗੱਡੀ ਹੇਠਾਂ ਦੱਬੇ ਤਿੰਨਾਂ ਲੋਕਾਂ ਨੂੰ ਅਤੇ ਡ੍ਰਾਈਵਰ ਨੂੰ ਬਾਹਰ ਕੱਢਿਆ। ਪਰ ਉਦੋਂ ਤੱਕ ਉਸ ਨੇ ਵੀ ਦਮ ਤੋੜ ਦਿੱਤਾ। ਡ੍ਰਾਈਵਰ ਨੇ ਨਾਲ ਮੌਜੂਦ ਇੱਕ ਹੋਰ ਵਿਅਕਤੀ ਅਤੇ ਸਵੇਰ ਦੀ ਸੈਰ ਲਈ ਨਿਕਲੇ ਤਿੰਨ ਲੋਕਾਂ ਨੂੰ ਹਸਪਤਾਲ ਭੇਜ ਦਿੱਤਾ ਗਿਆ। ਇੱਥੇ ਡਾਕਟਰਾਂ ਨੇ ਰਾਜੇਸ਼, ਹਰੀਬਾਬੂ ਅਤੇ ਰਾਮੇਸ਼ਵਰ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਹਾਦਸੇ ਤੋਂ ਬਾਅਦ ਮੈਕਸ ਵਿੱਚ ਲੱਦੇ ਅੰਬ ਸੜਕ ‘ਤੇ ਖਿੰਡ ਗਏ। ਹਾਦਸੇ ਕਾਰਨ ਹਾਈਵੇਅ ‘ਤੇ ਇੱਕ ਘੰਟੇ ਤੱਕ ਲੰਮਾ ਜਾਮ ਰਿਹਾ। ਪੁਲਿਸ ਨੇ ਕਰੇਨ ਦੀ ਮਦਦ ਨਾਲ ਗੱਡੀ ਨੂੰ ਹਟਾਇਆ ਅਤੇ ਆਵਾਜਾਈ ਬਹਾਲ ਕੀਤੀ।

ਵੀਡੀਓ ਲਈ ਕਲਿੱਕ ਕਰੋ -:

Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ

The post ਆਗਰਾ ‘ਚ ਡਿਵਾਈਡਰ ‘ਤੇ ਬੈਠੇ ਲੋਕਾਂ ‘ਤੇ ਪਲਟੀ ਪਿੱਕਅਪ ਗੱਡੀ, ਸਵੇਰ ਦੀ ਸੈਰ ਲਈ ਨਿਕਲੇ 3 ਲੋਕਾਂ ਦੀ ਮੌਤ appeared first on Daily Post Punjabi.