TMC ਸਾਂਸਦ ਮਹੂਆ ਮੋਇਤਰਾ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਇਸ ਵਿੱਚ ਉਹ ਸੜਕ ਕੰਢੇ ਇੱਕ ਚਾਹ ਦੇ ਸਟਾਲ ‘ਤੇ ਚਾਹ ਬਣਾ ਰਹੀ ਹੈ। ਇਸ ਵੀਡੀਓ ਨੂੰ ਉਸ ਨੇ ਆਪਣੇ ਟਵਿਟਰ ਅਕਾਊਂਟ ‘ਤੇ ਸ਼ੇਅਰ ਕੀਤਾ ਹੈ। ਕੈਪਸ਼ਨ ਲਿਖਿਆ, ‘ਚਾਹ ਬਣਾਉਣ ਵਿੱਚ ਆਪਣਾ ਹੱਥ ਅਜ਼ਮਾਇਆ, ਕਿਸ ਨੂੰ ਪਤੈ ਕਿ ਮੈਂ ਕਿੱਥੇ ਪਹੁੰਚ ਜਾਵਾਂ।’
ਸੋਸ਼ਲ ਮੀਡੀਆ ‘ਤੇ ਲੋਕ ਉਸ ਨੂੰ ਪ੍ਰਧਾਨ ਮੰਤਰੀ ਦੀ ਦੌੜ ‘ਚ ਸ਼ਾਮਲ ਹੋਣ ‘ਤੇ ਵਧਾਈ ਦੇ ਰਹੇ ਹਨ। ਉਸ ਦੀ ਪੋਸਟ ‘ਤੇ ਇਕ ਯੂਜ਼ਰ ਨੇ ਕਮੈਂਟ ਕੀਤਾ, ‘ਬਹੁਤ ਜਲਦੀ ਪੀਐਮ ਬਣਨ ‘ਤੇ ਵਧਾਈ।’
ਦਰਅਸਲ, ਪੱਛਮੀ ਬੰਗਾਲ ਵਿੱਚ ਹਾਲ ਹੀ ਵਿੱਚ ਪੰਚਾਇਤੀ ਚੋਣਾਂ ਹੋਣੀਆਂ ਹਨ। ਅਜਿਹੇ ‘ਚ ਟੀਐੱਮਸੀ ਦੇ ਸੰਸਦ ਮੈਂਬਰ ਬੰਗਾਲ ਸਰਕਾਰ ਦੀ 2023 ‘ਚ ਸ਼ੁਰੂ ਹੋਈ ਯੋਜਨਾ ‘ਦੀਦੀਰ ਸੁਰੱਖਿਆ ਕਵਚ’ ਲਈ ਪ੍ਰਚਾਰ ਕਰ ਰਹੀ ਹੈ। ਇਹ ਵੀਡੀਓ ਮਹੂਆ ਦੇ ਕ੍ਰਿਸ਼ਨਾ ਨਗਰ ਲੋਕ ਸਭਾ ਹਲਕੇ ਦਾ ਹੈ।
ਮਹੂਆ ਪਹਿਲਾਂ ਟੀ ਸਟਾਲ ‘ਤੇ ਇਕ ਬਰਤਨ ‘ਚ ਚੀਨੀ ਪਾਉਂਦੀ ਹੈ, ਫਿਰ ਚਾਹ ਨੂੰ ਉਬਾਲਣ ਲੱਗਦੀ ਹੈ। ਬਾਅਦ ਵਿੱਚ ਟੀ-ਸਟਾਲ ਦਾ ਮਾਲਕ ਉਸ ਤੋਂ ਭਾਂਡੇ ਵਾਪਸ ਲੈ ਲੈਂਦਾ ਹੈ। ਭਾਜਪਾ ਦੇ ਸਾਬਕਾ ਨੇਤਾ ਅਤੇ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਦੇ ਪੋਤੇ ਚੰਦਰ ਕੁਮਾਰ ਬੋਸ ਨੇ ਮਹੂਆ ਮੋਇਤਰਾ ਦੇ ਵੀਡੀਓ ‘ਤੇ ਮਜ਼ਾਕ ਉਡਾਇਆ ਹੈ। ਉਸ ਨੇ ਕਿਹਾ ਕਿ ਉਸਨੂੰ ਯਕੀਨ ਹੈ ਕਿ ਤੁਹਾਨੂੰ ਪਤਾ ਹੈ ਕਿ ਇਹ ਤੁਹਾਨੂੰ ਕਿੱਥੇ ਲੈ ਜਾਏਗਾ।
ਇਹ ਵੀ ਪੜ੍ਹੋ : ‘ਭਾਰਤ ਜੋੜੋ ਯਾਤਰਾ’, ਆਪਣੇ ਹਮਸ਼ਕਲ ਨੂੰ ਮਿਲ ਰਾਹੁਲ ਵੀ ਹੋ ਗਏ ਹੈਰਾਨ, ਜਾਣੋ ਕੌਣ ਹੈ ਇਹ ਸ਼ਖਸ
ਦੂਜੇ ਪਾਸੇ ਸੋਸ਼ਲ ਮੀਡੀਆ ‘ਤੇ ਯੂਜ਼ਰਸ ਵੀ ਮਹੂਆ ਦੇ ਇਸ ਵੀਡੀਓ ‘ਤੇ ਵੱਖ-ਵੱਖ ਤਰ੍ਹਾਂ ਦੇ ਕਮੈਂਟ ਕਰ ਰਹੇ ਹਨ। ਜ਼ਿਆਦਾਤਰ ਯੂਜ਼ਰਸ ਉਨ੍ਹਾਂ ਨੂੰ ਪੀਐੱਮ ਰੇਸ ‘ਚ ਸ਼ਾਮਲ ਹੋਣ ਲਈ ਵਧਾਈ ਦੇ ਰਹੇ ਹਨ। ਇੱਕ ਟਵਿੱਟਰ ਯੂਜ਼ਰ ਨੇ TMC ਸਾਂਸਦ ਨੂੰ ‘ਐਮਬੀਏ ਚਾਏਵਾਲੀ’ ਕਿਹਾ। ਇਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ਤੁਸੀਂ ਟਾਪ ਜੌਬ ਲਈ ਬਾਕਸ ‘ਤੇ ਨਿਸ਼ਾਨ ਲਗਾਇਆ ਹੈ ਹੁਣ ਜੁਮਲਿਆਂ ‘ਤੇ ਆਪਣਾ ਹੱਥ ਅਜ਼ਮਾਓ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
