ਅੰਡਰਵਰਲਡ ਡਾਨ ਦਾਊਦ ਇਬਰਾਹਿਮ ਨੇ ਪਾਕਿਸਤਾਨ ਵਿੱਚ ਦੂਜਾ ਵਿਆਹ ਕੀਤਾ ਹੈ। ਉਸ ਦਾ ਅਜੇ ਆਪਣੀ ਪਹਿਲੀ ਪਤਨੀ ਤੋਂ ਤਲਾਕ ਵੀ ਨਹੀਂ ਹੋਇਆ ਹੈ ਅਤੇ ਕਰਾਚੀ ਵਿੱਚ ਐਸ਼ੋ-ਆਰਾਮ ਦੀ ਜ਼ਿੰਦਗੀ ਬਿਤਾ ਰਿਹਾ ਹੈ। ਇਹ ਖੁਲਾਸਾ ਹਸੀਨਾ ਪਾਰਕਰ (ਦਾਊਦ ਦੀ ਭੈਣ) ਦੇ ਪੁੱਤਰ ਅਲੀ ਸ਼ਾਹ ਨੇ ਐਨਆਈਏ ਸਾਹਮਣੇ ਕੀਤਾ ਹੈ।
ਇਹ ਮਾਮਲਾ ਸਤੰਬਰ 2022 ਦਾ ਹੈ, ਜਦੋਂ ਜਾਂਚ ਏਜੰਸੀ NIA ਨੇ ਕਈ ਥਾਵਾਂ ‘ਤੇ ਛਾਪੇਮਾਰੀ ਕੀਤੀ ਸੀ ਅਤੇ ਦਾਊਦ ਦੇ ਅੱਤਵਾਦੀ ਨੈੱਟਵਰਕ ਦੇ ਸਬੰਧ ‘ਚ ਸੈਂਕੜੇ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਸੀ।
ਸਤੰਬਰ 2022 ਵਿੱਚ ਨੈਸ਼ਨਲ ਇਨਵੈਸਟੀਗੇਸ਼ਨ ਏਜੰਸੀ (ਐਨਆਈਏ) ਦੇ ਸਾਹਮਣੇ ਦਾਊਦ ਇਬਰਾਹਿਮ ਦੀ ਭੈਣ ਹਸੀਨਾ ਪਾਰਕਰ ਦੇ ਬੇਟੇ ਅਲੀ ਸ਼ਾਹ ਨੇ ਪੁੱਛਗਿੱਛ ਦੌਰਾਨ ਕਈ ਖੁਲਾਸੇ ਕੀਤੇ ਸਨ। ਹਸੀਨਾ ਪਾਰਕਰ ਦੇ ਬੇਟੇ ਅਲੀ ਸ਼ਾਹ ਦੇ ਬਿਆਨ ਮੁਤਾਬਕ ਅੰਡਰਵਰਲਡ ਡੌਨ ਨੇ ਅਜੇ ਤੱਕ ਆਪਣੀ ਪਹਿਲੀ ਪਤਨੀ ਨੂੰ ਤਲਾਕ ਨਹੀਂ ਦਿੱਤਾ ਹੈ ਅਤੇ ਦੁਬਾਰਾ ਵਿਆਹ ਵੀ ਕਰ ਲਿਆ ਹੈ। ਦਾਊਦ ਪਾਕਿਸਤਾਨ ‘ਚ ਵਿਆਹ ਕਰਵਾ ਕੇ ਐਸ਼ੋ-ਆਰਾਮ ਦੀ ਜ਼ਿੰਦਗੀ ਬਿਤਾ ਰਿਹਾ ਹੈ।
ਏਜੰਸੀ ਨੇ ਇਸ ਮਾਮਲੇ ਵਿੱਚ ਅਦਾਲਤ ਵਿੱਚ ਚਾਰਜਸ਼ੀਟ ਵੀ ਦਾਖ਼ਲ ਕੀਤੀ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਅਲੀ ਸ਼ਾਹ ਨੇ NIA ਨੂੰ ਦੱਸਿਆ ਕਿ ਦਾਊਦ ਇਬਰਾਹਿਮ ਨੇ ਆਪਣੀ ਪਹਿਲੀ ਪਤਨੀ ਮਹਿਜਬੀਨ ਸ਼ੇਖ ਨੂੰ ਅਜੇ ਤਲਾਕ ਨਹੀਂ ਦਿੱਤਾ ਹੈ। ਸ਼ਾਹ ਮੁਤਾਬਕ ਦਾਊਦ ਦਾ ਦੂਜਾ ਵਿਆਹ ਮਹਿਜਬੀਨ ਤੋਂ ਜਾਂਚ ਏਜੰਸੀਆਂ ਦਾ ਧਿਆਨ ਹਟਾਉਣ ਦੀ ਕੋਸ਼ਿਸ਼ ਵੀ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ : ਅਮਰੀਕਾ ‘ਚ ਗੁਰਦੁਆਰੇ ‘ਤੇ ਹਮਲਾ, ਖਿੜਕੀਆਂ ਭੰਨੀਆਂ, ਲਾਈਟਾਂ ਤੋੜੀਆਂ, 2 ਮਹੀਨਿਆਂ ‘ਚ ਚੌਥੀ ਘਟਨਾ
ਅਲੀ ਸ਼ਾਹ ਨੇ ਕਿਹਾ ਕਿ ਉਹ ਜੁਲਾਈ 2022 ਵਿੱਚ ਦੁਬਈ ਵਿੱਚ ਦਾਊਦ ਇਬਰਾਹਿਮ ਦੀ ਪਹਿਲੀ ਪਤਨੀ ਨੂੰ ਮਿਲਿਆ ਸੀ, ਜਿਥੇ ਉਸਨੇ ਉਸ ਨੂੰ ਦਾਊਦ ਦੇ ਕਿਸੇ ਹੋਰ ਔਰਤ ਨਾਲ ਵਿਆਹ ਬਾਰੇ ਦੱਸਿਆ ਸੀ। ਅਲੀ ਨੇ ਦੱਸਿਆ ਕਿ ਦਾਊਦ ਦੀ ਦੂਜੀ ਪਤਨੀ ਪਾਕਿਸਤਾਨ ਤੋਂ ਹੀ ਹੈ। ਉਹ ਪਠਾਨ ਹੈ। ਜਦਕਿ ਪਹਿਲੀ ਪਤਨੀ ਮਹਿਬਜ਼ੀਨ ਭਾਰਤੀ ਹੈ ਤੇ ਮੁੰਬਈ ਦੀ ਰਹਿਣ ਵਾਲੀ ਹੈ। ਉਸਨੇ ਅੱਗੇ ਦਾਅਵਾ ਕੀਤਾ ਕਿ ਮਹਿਜਬੀਨ ਸ਼ੇਖ ਭਾਰਤ ਵਿੱਚ ਦਾਊਦ ਦੇ ਰਿਸ਼ਤੇਦਾਰਾਂ ਨਾਲ ਵ੍ਹਾਟਸਐਪ ਕਾਲਾਂ ਰਾਹੀਂ ਸੰਪਰਕ ਵਿੱਚ ਰਹਿੰਦੀ ਹੈ।
ਹਸੀਨਾ ਪਾਰਕਰ ਦੇ ਬੇਟੇ ਅਲੀ ਸ਼ਾਹ ਨੇ ਵੀ ਐਨਆਈਏ ਨੂੰ ਦਾਊਦ ਇਬਰਾਹਿਮ ਦੇ ਟਿਕਾਣੇ ਬਾਰੇ ਦੱਸਿਆ ਅਤੇ ਦਾਅਵਾ ਕੀਤਾ ਕਿ ਅੰਡਰਵਰਲਡ ਡਾਨ ਹੁਣ ਕਰਾਚੀ ਵਿੱਚ ਰਹਿੰਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
