ਤਿਉਹਾਰੀ ਸੀਜ਼ਨ ‘ਚ ਰੇਲਵੇ ਚਲਾਏਗਾ ਸਪੈਸ਼ਲ ਟ੍ਰੇਨਾਂ, ਪੰਜਾਬ ਦੇ ਯਾਤਰੀਆਂ ਨੂੰ ਵੀ ਮਿਲੇਗੀ ਸਹੂਲਤ

ਦੁਸਹਿਰਾ, ਦੀਵਾਲੀ ਅਤੇ ਛੱਠ ਪੂਜਾ ਦੇ ਸ਼ੁਭ ਤਿਉਹਾਰਾਂ ਦੌਰਾਨ ਯਾਤਰੀਆਂ ਦੀ ਭਾਰੀ ਭੀੜ ਅਤੇ ਲੰਬੀ ਵੇਟਿੰਗ ਲਿਸਟ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਉੱਤਰੀ ਰੇਲਵੇ ਦੇ ਜੰਮੂ ਡਿਵੀਜ਼ਨ ਨੇ ਰੇਲ ਯਾਤਰੀਆਂ ਲਈ ਇੱਕ ਵੱਡੀ ਸੌਗਾਤ ਦਿੱਤੀ ਹੈ। ਰੇਲਵੇ ਨੇ ਜੰਮੂ ਅਤੇ ਵਾਰਾਣਸੀ ਵਿਚਕਾਰ ਤਿੰਨ ਜੋੜੀ ਵਿਸ਼ੇਸ਼ ਰਾਖਵੀਆਂ ਫੈਸਟੀਵਲ ਸਪੈਸ਼ਲ ਟ੍ਰੇਨਾਂ ਚਲਾਉਣ ਦਾ ਫੈਸਲਾ ਕੀਤਾ ਹੈ।

ਖਾਸ ਗੱਲ ਇਹ ਹੈ ਕਿ ਇਨ੍ਹਾਂ ਰੇਲਗੱਡੀਆਂ ਦੇ ਪੰਜਾਬ ਵਿੱਚ ਪਠਾਨਕੋਟ, ਜਲੰਧਰ ਅਤੇ ਲੁਧਿਆਣਾ ਵਿਖੇ ਸਟਾਪੇਜ ਹੋਣਗੇ, ਜਿਸ ਨਾਲ ਸਥਾਨਕ ਲੋਕ ਇਨ੍ਹਾਂ ਸੇਵਾਵਾਂ ਦਾ ਲਾਭ ਲੈ ਸਕਣਗੇ।

ਸੀਨੀਅਰ ਡਿਵੀਜ਼ਨਲ ਕਮਰਸ਼ੀਅਲ ਮੈਨੇਜਰ (ਜੰਮੂ) ਉਚਿਤ ਸਿੰਘਲ ਅਤੇ ਲੋਕ ਸੰਪਰਕ ਇੰਸਪੈਕਟਰ ਰਾਘਵੇਂਦਰ ਸਿੰਘ ਨੇ ਦੱਸਿਆ ਕਿ ਇਹ ਰੇਲਗੱਡੀਆਂ ਉੱਤਰੀ ਭਾਰਤ ਦੇ ਪ੍ਰਮੁੱਖ ਧਾਰਮਿਕ ਸਥਾਨਾਂ ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ ਅਤੇ ਵਾਰਾਣਸੀ ਨੂੰ ਸਿੱਧੇ ਜੋੜਨਗੀਆਂ।

ਸਾਰੀਆਂ ਵਿਸ਼ੇਸ਼ ਰੇਲਗੱਡੀਆਂ ਆਧੁਨਿਕ LHB (ਲਿੰਕ-ਹੋਫਮੈਨ-ਬੁਸ਼) ਕੋਚਾਂ ਨਾਲ ਲੈਸ ਹੋਣਗੀਆਂ, ਜੋ ਕਿ ਵਧੇਰੇ ਆਰਾਮਦਾਇਕ ਅਤੇ ਸੁਰੱਖਿਅਤ ਯਾਤਰਾ ਨੂੰ ਯਕੀਨੀ ਬਣਾਉਂਦੀਆਂ ਹਨ। ਇਨ੍ਹਾਂ ਰੇਲਗੱਡੀਆਂ ਲਈ ਬੁਕਿੰਗ IRCTC ਵੈੱਬਸਾਈਟ, ਐਪ ਅਤੇ ਰੇਲਵੇ ਕਾਊਂਟਰਾਂ ਰਾਹੀਂ ਖੋਲ੍ਹ ਦਿੱਤੀ ਗਈ ਹੈ।

ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ-ਵਾਰਾਣਸੀ-ਕਟੜਾ ਰਿਜ਼ਰਵਡ ਸਪੈਸ਼ਲ
ਇਹ ਰੇਲਗੱਡੀ ਕੁਲ 9-9 ਫੇਰੇ ਅਪ ਤੇ ਡਾਊਨ ਵਿਚ ਲਾਏਗੀ। ਟ੍ਰੇਨ ਨੰਬਰ 04604 4 ਅਕਤੂਬਰ ਤੋਂ 29 ਨਵੰਬਰ, 2026 ਤੱਕ ਹਰ ਐਤਵਾਰ ਨੂੰ ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ ਤੋਂ ਸ਼ਾਮ 6:15 ਵਜੇ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਸ਼ਾਮ 6:30 ਵਜੇ ਵਾਰਾਣਸੀ ਪਹੁੰਚੇਗੀ। ਵਾਪਸੀ ਯਾਤਰਾ ‘ਤੇ ਟ੍ਰੇਨ ਨੰਬਰ 04603 6 ਅਕਤੂਬਰ ਤੋਂ 1 ਦਸੰਬਰ, 2026 ਤੱਕ ਹਰ ਮੰਗਲਵਾਰ ਨੂੰ ਵਾਰਾਣਸੀ ਤੋਂ ਸਵੇਰੇ 4:30 ਵਜੇ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਸਵੇਰੇ 4:30 ਵਜੇ ਵਾਰਾਣਸੀ ਪਹੁੰਚੇਗੀ।

ਇਹ ਟ੍ਰੇਨ ਸ਼ਹੀਦ ਕੈਪਟਨ ਤੁਸ਼ਾਰ ਮਹਾਜਨ, ਜੰਮੂ ਤਵੀ, ਪਠਾਨਕੋਟ ਕੈਂਟ, ਜਲੰਧਰ ਕੈਂਟ, ਲੁਧਿਆਣਾ, ਅੰਬਾਲਾ ਕੈਂਟ, ਸਹਾਰਨਪੁਰ, ਮੁਰਾਦਾਬਾਦ, ਬਰੇਲੀ, ਆਲਮਨਗਰ, ਰਾਏਬਰੇਲੀ ਅਤੇ ਮਾਂ ਬੇਲ੍ਹਾ ਦੇਵੀ ਧਾਮ ਪ੍ਰਤਾਪਗੜ੍ਹ ਸਟੇਸ਼ਨਾਂ ‘ਤੇ ਦੋਵੇਂ ਪਾਸੇ ਰੁਕੇਗੀ।

ਜੰਮੂ ਤਵੀ – ਵਾਰਾਣਸੀ – ਜੰਮੂ ਤਵੀ ਰਿਜ਼ਰਵਡ ਸਪੈਸ਼ਲ
ਇਹ ਟ੍ਰੇਨ ਵੀ 9-9 ਫੇਰੇ ਅਪ ਤੇ ਡਾਊਨ ਵਿਚ ਲਾਏਗੀ। ਟ੍ਰੇਨ ਨੰਬਰ 04610 1 ਅਕਤੂਬਰ ਤੋਂ 26 ਨਵੰਬਰ, 2026 ਤੱਕ ਹਰ ਵੀਰਵਾਰ ਨੂੰ ਜੰਮੂ ਤਵੀ ਤੋਂ ਸਵੇਰੇ 5:15 ਵਜੇ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਸਵੇਰੇ 5:10 ਵਜੇ ਵਾਰਾਣਸੀ ਪਹੁੰਚੇਗੀ।

ਵਾਪਸੀ ਯਾਤਰਾ ‘ਤੇ ਟ੍ਰੇਨ ਨੰਬਰ 04609 2 ਅਕਤੂਬਰ ਤੋਂ 27 ਨਵੰਬਰ, 2026 ਤੱਕ ਹਰ ਸ਼ੁੱਕਰਵਾਰ ਨੂੰ ਵਾਰਾਣਸੀ ਤੋਂ ਸਵੇਰੇ 9:00 ਵਜੇ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਸਵੇਰੇ 8:30 ਵਜੇ ਜੰਮੂ ਤਵੀ ਪਹੁੰਚੇਗੀ।

ਇਹ ਪਠਾਨਕੋਟ, ਜਲੰਧਰ, ਅੰਬਾਲਾ, ਸਹਾਰਨਪੁਰ, ਮੁਰਾਦਾਬਾਦ, ਸ਼ਾਹਜਹਾਂਪੁਰ, ਲਖਨਊ ਅਤੇ ਸੁਲਤਾਨਪੁਰ ਦੇ ਯਾਤਰੀਆਂ ਲਈ ਵਿਸ਼ੇਸ਼ ਤੌਰ ‘ਤੇ ਲਾਭਦਾਇਕ ਹੋਵੇਗੀ।

ਨਵੀਂ ਦਿੱਲੀ – ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ – ਨਵੀਂ ਦਿੱਲੀ ਤਿਉਹਾਰ ਵਿਸ਼ੇਸ਼
ਦੁਸਹਿਰੇ ਦੀ ਭੀੜ ਨੂੰ ਦੇਖਦੇ ਹੋਏ, ਇਹ ਟ੍ਰੇਨ 4-4 ਫੇਰੇ ਅਪਡਾਊਨ ਲਾਏਗੀ। ਟ੍ਰੇਨ ਨੰਬਰ 04081 ਨਵੀਂ ਦਿੱਲੀ ਤੋਂ 8, 9, 10 ਅਤੇ 11 ਅਕਤੂਬਰ ਨੂੰ ਰਾਤ 11:45 ਵਜੇ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਦੁਪਹਿਰ 12 ਵਜੇ ਕਟੜਾ ਪਹੁੰਚੇਗੀ।

ਟ੍ਰੇਨ ਨੰਬਰ 04082 9, 10, 11 ਅਤੇ 12 ਅਕਤੂਬਰ ਨੂੰ ਰਾਤ 9:00 ਵਜੇ ਕਟੜਾ ਤੋਂ ਰਵਾਨਾ ਹੋਵੇਗੀ ਅਤੇ ਅਗਲੇ ਦਿਨ ਸਵੇਰੇ 10:00 ਵਜੇ ਨਵੀਂ ਦਿੱਲੀ ਪਹੁੰਚੇਗੀ। ਇਹ ਦਿੱਲੀ, ਹਰਿਆਣਾ ਅਤੇ ਪੰਜਾਬ ਤੋਂ ਆਉਣ ਵਾਲੇ ਸ਼ਰਧਾਲੂਆਂ ਲਈ ਕਟੜਾ ਤੱਕ ਸਿੱਧੀ ਅਤੇ ਤੇਜ਼ ਕਨੈਕਟੀਵਿਟੀ ਪ੍ਰਦਾਨ ਕਰੇਗਾ।

ਬਿਹਤਰ ਯਾਤਰੀ ਸਹੂਲਤਾਂ ਪ੍ਰਦਾਨ ਕਰਨ ਦੇ ਹਿੱਸੇ ਵਜੋਂ, ਜੰਮੂ ਦੇ ਸੀਨੀਅਰ ਡਿਵੀਜ਼ਨਲ ਕਮਰਸ਼ੀਅਲ ਮੈਨੇਜਰ ਉਚਿਤ ਸਿੰਘਲ ਨੇ ਕਿਹਾ ਕਿ ਹਰ ਸਾਲ ਦੁਸਹਿਰਾ, ਦੀਵਾਲੀ ਅਤੇ ਛੱਠ ਦੌਰਾਨ ਯਾਤਰੀਆਂ ਦੀ ਆਵਾਜਾਈ ਵਿੱਚ ਕਾਫ਼ੀ ਵਾਧਾ ਹੁੰਦਾ ਹੈ। ਇਸ ਵਾਧੂ ਭੀੜ ਨੂੰ ਦੂਰ ਕਰਨ ਅਤੇ ਯਾਤਰੀਆਂ ਨੂੰ ਕਨਫਰਮ ਟਿਕਟ ਉਪਲਬਧ ਕਰਾਉਣ ਲਈ ਅਸੀਂ 3 ਜੋੜੀ ਫੈਸਟੀਵਲ ਸਪੈਸ਼ਲ ਟ੍ਰੇਨਾਂ ਚਲਾਉਣ ਦਾ ਫੈਸਲਾ ਲਿਆ ਹੈ।

ਜਿਸ ਨਾਲ ਯਾਤਰੀਆਂ ਲਈ ਪੁਸ਼ਟੀ ਕੀਤੀਆਂ ਟਿਕਟਾਂ ਪ੍ਰਾਪਤ ਕਰਨਾ ਆਸਾਨ ਹੋ ਜਾਵੇਗਾ। ਜੰਮੂ ਡਿਵੀਜ਼ਨ ਯਾਤਰੀਆਂ ਨੂੰ ਬਿਹਤਰ ਅਤੇ ਆਰਾਮਦਾਇਕ ਯਾਤਰਾ ਪ੍ਰਦਾਨ ਕਰਨ ਲਈ ਸਮੇਂ-ਸਮੇਂ ‘ਤੇ ਵਿਸ਼ੇਸ਼ ਰੇਲਗੱਡੀਆਂ ਚਲਾਉਂਦਾ ਹੈ।

ਇਹ ਵੀ ਪੜ੍ਹੋ : ਫਾਜ਼ਿਲਕਾ ਦੇ 5 ਸਕੂਲਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ, E-MAIL ਜ਼ਰੀਏ ਆਈ ਥ੍ਰੈਟ

ਰੇਲਵੇ ਨੇ ਸਾਰੇ ਯਾਤਰੀਆਂ ਨੂੰ ਇਨ੍ਹਾਂ ਤਿਉਹਾਰ ਵਿਸ਼ੇਸ਼ ਰੇਲਗੱਡੀਆਂ ਦਾ ਲਾਭ ਲੈਣ ਦੀ ਬੇਨਤੀ ਕੀਤੀ ਹੈ। ਇਨ੍ਹਾਂ ਰੇਲਗੱਡੀਆਂ ‘ਤੇ ਸੀਟਾਂ ਲਈ ਬੁਕਿੰਗ IRCTC ਵੈੱਬਸਾਈਟ, ਮੋਬਾਈਲ ਐਪ ਅਤੇ ਰੇਲਵੇ ਰਿਜ਼ਰਵੇਸ਼ਨ ਕੇਂਦਰਾਂ ‘ਤੇ ਖੋਲ੍ਹ ਦਿੱਤੀ ਗਈ ਹੈ। ਵਧੇਰੇ ਜਾਣਕਾਰੀ ਲਈ, ਯਾਤਰੀ ਹੈਲਪਲਾਈਨ ਨੰਬਰ 139, NTES ਐਪ ਜਾਂ ਨਜ਼ਦੀਕੀ ਰੇਲਵੇ ਪੁੱਛਗਿੱਛ ਕੇਂਦਰ ਨਾਲ ਸੰਪਰਕ ਕਰ ਸਕਦੇ ਹਨ।

ਵੀਡੀਓ ਲਈ ਕਲਿੱਕ ਕਰੋ -: 

Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ