ਮਾਲੇਰਕੋਟਲਾ ਦੇ ਅਹਿਮਦਗੜ੍ਹ ਕਸਬੇ ‘ਚ 3 ਕੁੜੀਆਂ ਨੇ ਗੱਲਾਂ-ਗੱਲਾਂ ‘ਚ ਫਸ ਕੇ ਬਜ਼ੁਰਗ ਦੀ ਜੇਬ ‘ਚੋਂ ਪੈਸੇ ਕੱਢ ਲਏ। ਪੈਸੇ ਕਢਵਾਉਣ ਦੀ ਸਾਰੀ ਘਟਨਾ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ। ਬਜ਼ੁਰਗ ਦੁਕਾਨ ‘ਤੇ ਕੱਪੜੇ ਲੈਣ ਆਇਆ ਹੋਇਆ ਸੀ। ਸਾਮਾਨ ਲੈ ਕੇ ਉਹ ਦੁਕਾਨਦਾਰ ਨੂੰ ਪੈਸੇ ਦੇਣ ਲੱਗਾ ਤਾਂ ਕੁੜੀਆਂ ਉਸ ਦੇ ਕੋਲ ਆ ਕੇ ਖੜ੍ਹ ਗਈਆਂ।
ਪਹਿਲਾਂ ਕੁੜੀਆਂ ਨੇ ਬਜ਼ੁਰਗ ਨੂੰ ਗੱਲਾਂ ਵਿੱਚ ਲਾ ਲਿਆ। ਇਸ ਤੋਂ ਬਾਅਦ ਚੁੰਨੀ ਹੱਥ ‘ਤੇ ਲਪੇਟ ਕੇ ਉਸ ਨੇ ਉਸ ਦੀ ਜੇਬ ਤੋਂ 50 ਹਜ਼ਾਰ ਕੱਢ ਲਏ। ਕੁੜੀਆਂ ਤੁਰੰਤ ਉਥੋਂ ਫਰਾਰ ਹੋ ਗਈਆਂ। ਕੁਝ ਸਮੇਂ ਬਾਅਦ ਜਦੋਂ ਬਜ਼ੁਰਗ ਨੇ ਆਪਣੀ ਜੇਬ ਵਿਚ ਹੱਥ ਪਾਇਆ ਤਾਂ ਉਸ ਨੂੰ ਚੋਰੀ ਦਾ ਪਤਾ ਲੱਗਾ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਮਾਮਲੇ ‘ਚ ਇਲਾਕਾ ਪੁਲਸ ਕੁੜੀਆਂ ਦੀ ਭਾਲ ਕਰ ਰਹੀ ਹੈ। ਕੁਝ ਦਿਨ ਪਹਿਲਾਂ ਇਸ ਗਿਰੋਹ ਦੀਆਂ ਕੁਝ ਔਰਤਾਂ ਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ ਸੀ।
ਇਹ ਵੀ ਪੜ੍ਹੋ : ਅਮੂਲ ਮਗਰੋਂ ਵੇਰਕਾ ਨੇ ਵੀ ਵਧਾਏ ਦੁੱਧ ਦੇ ਰੇਟ, ਪੰਜਾਬੀਆਂ ਨੂੰ ਇੱਕ ਦਿਨ ‘ਚ ਦੂਜਾ ਮਹਿੰਗਾਈ ਦਾ ਝਟਕਾ
ਸ਼ੁਰੂ ਵਿਚ ਬਜ਼ੁਰਗ ਨੂੰ ਲੱਗਾ ਕਿ ਉਸ ਦੇ ਪੈਸੇ ਕਿਤੇ ਡਿੱਗ ਗਏ ਹਨ। ਬਾਅਦ ‘ਚ ਸ਼ੱਕ ਪੈਣ ‘ਤੇ ਦੁਕਾਨ ‘ਚ ਲੱਗੇ ਸੀਸੀਟੀਵੀ ਕੈਮਰੇ ਦੀ ਜਾਂਚ ਕੀਤੀ ਤਾਂ ਚੋਰੀ ਦਾ ਖੁਲਾਸਾ ਹੋਇਆ, ਜਿਸ ਤੋਂ ਬਾਅਦ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਗਈ। ਪੁਲਿਸ ਚੋਰੀ ਕਰਨ ਵਾਲੀਆਂ ਕੁੜੀਆਂ ਦੀ ਪਛਾਣ ਕਰਨ ਲਈ ਲਗਾਤਾਰ ਕੰਮ ਕਰ ਰਹੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
