ਇੰਡੀਅਨ ਪ੍ਰੀਮੀਅਰ ਲੀਗ (IPL) 2023 ਦਾ ਬਿਗੁਲ 31 ਮਾਰਚ ਤੋਂ ਵੱਜਣ ਜਾ ਰਿਹਾ ਹੈ। ਮੋਹਾਲੀ ਨੂੰ ਤਿੰਨ ਸਾਲਾਂ ਬਾਅਦ ਆਈਪੀਐਲ ਦੀ ਮੇਜ਼ਬਾਨੀ ਮਿਲੀ ਹੈ। ਪੰਜਾਬ ਕਿੰਗਜ਼ ਨੇ ਮੋਹਾਲੀ ਅਤੇ ਹਿਮਾਚਲ ‘ਚ ਆਪਣਾ ਘਰੇਲੂ ਮੈਦਾਨ ਬਣਾ ਲਿਆ ਹੈ। ਇਸ ਵਾਰ ਪੰਜਾਬ ਕਿੰਗਜ਼ ਮੋਹਾਲੀ ਦੇ ਪੀਸੀਏ ਸਟੇਡੀਅਮ ਵਿੱਚ ਪੰਜ ਮੈਚ ਖੇਡੇਗੀ, ਜਦੋਂਕਿ ਦੋ ਮੈਚ ਹਿਮਾਚਲ ਦੇ ਧਰਮਸ਼ਾਲਾ ਵਿੱਚ ਖੇਡੇ ਜਾਣਗੇ। IPL ਦਾ ਪਹਿਲਾ ਮੈਚ ਗੁਜਰਾਤ ਟਾਈਟਨਸ ਅਤੇ ਚੇਨਈ ਸੁਪਰ ਕਿੰਗਜ਼ ਵਿਚਾਲੇ ਖੇਡਿਆ ਜਾਵੇਗਾ।
IPL ਦੇ 16ਵੇਂ ਐਡੀਸ਼ਨ ‘ਚ ਇਸ ਵਾਰ ਪੰਜਾਬ ਅਤੇ ਹਿਮਾਚਲ ਪ੍ਰਦੇਸ਼ ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ ਹੈ। ਹਰ ਟੀਮ ਨੂੰ ਆਪਣੇ ਘਰੇਲੂ ਮੈਦਾਨ ‘ਤੇ 7 ਮੈਚ ਅਤੇ ਦੂਜੇ ਮੈਦਾਨ ‘ਤੇ 7 ਮੈਚ ਖੇਡਣੇ ਹਨ। ਸ਼ੁੱਕਰਵਾਰ ਨੂੰ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ.ਸੀ.ਸੀ.ਆਈ.) ਨੇ ਆਈ.ਪੀ.ਐੱਲ ਸੀਜ਼ਨ ਦਾ ਸ਼ਡਿਊਲ ਜਾਰੀ ਕੀਤਾ ਹੈ। ਤਿੰਨ ਸਾਲਾਂ ਬਾਅਦ ਦਰਸ਼ਕਾਂ ਨੂੰ ਤੁਰੰਤ ਕ੍ਰਿਕਟ ਦਾ ਆਨੰਦ ਲੈਣ ਦਾ ਮੌਕਾ ਮਿਲਿਆ ਹੈ।
ਮੁਕਾਬਲਾ ਇਸ ਤਰ੍ਹਾਂ ਹੋਵੇਗਾ
1 ਅਪ੍ਰੈਲ ਪੰਜਾਬ ਕਿੰਗਜ਼ VS ਕੋਲਕਾਤਾ ਨਾਈਟ ਰਾਈਡਰਜ਼ ਮੋਹਾਲੀ ਦੁਪਹਿਰ 3:30 ਵਜੇ
13 ਅਪ੍ਰੈਲ ਪੰਜਾਬ ਕਿੰਗਜ਼ VS ਗੁਜਰਾਤ ਟਾਇਟਨਸ ਮੋਹਾਲੀ ਸ਼ਾਮ 7:30 ਵਜੇ
20 ਅਪ੍ਰੈਲ ਪੰਜਾਬ ਕਿੰਗਜ਼ VS ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਸ਼ਾਮ 3.30 ਮੋਹਾਲੀ
28 ਅਪ੍ਰੈਲ ਪੰਜਾਬ ਕਿੰਗਜ਼ VS ਲਖਨਊ ਸੁਪਰ ਜਾਇੰਟਸ ਸ਼ਾਮ 7.30 ਮੋਹਾਲੀ
3 ਮਈ ਪੰਜਾਬ ਕਿੰਗਜ਼ VS ਮੁੰਬਈ ਇੰਡੀਅਨਜ਼ ਮੋਹਾਲੀ ਸ਼ਾਮ 7.30 ਵਜੇ
17 ਮਈ ਪੰਜਾਬ ਕਿੰਗਜ਼ ਬਨਾਮ ਦਿੱਲੀ ਕੈਪੀਟਲਸ ਧਰਮਸ਼ਾਲਾ ਸ਼ਾਮ 7.30 ਵਜੇ
19 ਮਈ ਪੰਜਾਬ ਕਿੰਗਜ਼ VS ਰਾਜਸਥਾਨ ਰਾਇਲਜ਼ ਸ਼ਾਮ 7.30 ਧਰਮਸ਼ਾਲਾ
ਪੰਜਾਬ ਕਿੰਗਜ਼ ਵੱਲੋਂ ਤੀਜੀ ਵਾਰ ਧਰਮਸ਼ਾਲਾ ਨੂੰ ਘਰੇਲੂ ਮੈਦਾਨ ‘ਚ ਸ਼ਾਮਲ ਕੀਤਾ ਗਿਆ ਹੈ। ਪੰਜਾਬ ਕਿੰਗਜ਼ ਨੇ 2014-15 ਅਤੇ 2015-16 ਵਿੱਚ ਧਰਮਸ਼ਾਲਾ ਨੂੰ ਆਪਣਾ ਘਰੇਲੂ ਮੈਦਾਨ ਬਣਾਇਆ ਸੀ। ਇਸ ਤੋਂ ਬਾਅਦ ਤੀਜੀ ਵਾਰ ਧਰਮਸ਼ਾਲਾ ਕ੍ਰਿਕਟ ਸਟੇਡੀਅਮ ਨੂੰ ਘਰੇਲੂ ਮੈਦਾਨ ਐਲਾਨਿਆ ਗਿਆ ਹੈ। ਅਜਿਹੇ ‘ਚ ਹਿਮਾਚਲ ਦੇ ਦਰਸ਼ਕਾਂ ਨੂੰ ਮੈਚ ਦੇਖਣ ਦਾ ਮੌਕਾ ਮਿਲੇਗਾ।
ਇਹ ਵੀ ਪੜ੍ਹੋ : ਤੁਰਕੀ ਭੂਚਾਲ ਤੋਂ ਬਚੇ ਪਰਿਵਾਰ ਦੇ 7 ਜੀਅ ਆਏ ਅੱਗ ਦੀ ਲਪੇਟ ‘ਚ, ਮੌਤ ਨੇ ਦੂਜੇ ਸ਼ਹਿਰ ਤੱਕ ਕੀਤਾ ਪਿੱਛਾ
ਆਈਪੀਐਲ ਦੇ ਮੌਜੂਦਾ ਸੀਜ਼ਨ ਦੇ ਸਾਰੇ ਪੰਜ ਮੈਚ ਬੀਸੀਸੀਆਈ ਵੱਲੋਂ ਪੀਸੀਏ ਸਟੇਡੀਅਮ ਵਿੱਚ ਆਯੋਜਿਤ ਕੀਤੇ ਗਏ ਹਨ। ਮੁੱਲਾਂਪੁਰ ਵਿੱਚ ਇੱਕ ਪੀਸੀਏ ਸਟੇਡੀਅਮ ਵੀ ਬਣਾਇਆ ਗਿਆ ਹੈ। ਜਿਥੇ ਵਿਕਟ ਦੀ ਤਿਆਰੀ ਕਰਕੇ ਘਰੇਲੂ ਕ੍ਰਿਕਟ ਸੀਜ਼ਨ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਪਰ ਇਹ ਸਟੇਡੀਅਮ ਅਜੇ ਪੂਰੀ ਤਰ੍ਹਾਂ ਤਿਆਰ ਨਹੀਂ ਹੈ। ਇਹ ਸਟੇਡੀਅਮ ਪੂਰਾ ਹੋਣ ਤੋਂ ਬਾਅਦ ਹੀ ਆਈਪੀਐਲ ਮੈਚਾਂ ਦੀ ਮੇਜ਼ਬਾਨੀ ਕਰੇਗਾ। ਹੁਣ ਮੁੱਲਾਂਪੁਰ ਸਟੇਡੀਅਮ ਦੀ ਉਡੀਕ ਕਰਨੀ ਪਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
