ਰਾਤ ਵੇਲੇ ਝੌਂਪੜੀ ਵਿੱਚੋਂ ਚੁੱਕ ਕੇ ਲੈ ਗਏ ਪਹਿਲੀ ਕਲਾਸ ਵਿੱਚ ਪੜ੍ਹਦੀ ਮਾਸੂਮ ਬੱਚੀ ਨਾਲ ਬਲਾਤਕਾਰ ਕਰਨ ਦੇ ਮਾਮਲੇ ਦੀ ਸੁਣਵਾਈ ਕਰਦਿਆਂ ਏਡੀਜੇ ਅਤੇ ਫਾਸਟ ਟਰੈਕ ਅਦਾਲਤ ਦੇ ਵਿਸ਼ੇਸ਼ ਜੱਜ ਸੁਨੀਲ ਜਿੰਦਲ ਦੀ ਅਦਾਲਤ ਨੇ ਦੋਸ਼ੀ ਨੂੰ ਉਮਰ ਕੈਦ ਅਤੇ 95 ਹਜ਼ਾਰ ਜੁਰਮਾਨੇ ਦੀ ਸਜ਼ਾ ਸੁਣਾਈ ਹੈ।
ਜੁਰਮਾਨੇ ਵਜੋਂ 95 ਹਜ਼ਾਰ ਦੀ ਰਾਸ਼ੀ ਵਿੱਚੋਂ 80 ਹਜ਼ਾਰ ਦੀ ਰਕਮ ਪੀੜਤ ਬੱਚੀ ਨੂੰ ਦਿੱਤੀ ਜਾਵੇਗੀ। ਮਾਮਲਾ ਟੋਹਾਣਾ ਸ਼ਹਿਰ ਦਾ ਹੈ। 10 ਜੂਨ 2022 ਨੂੰ ਪੀੜਤਾ ਦੇ ਦਾਦਾ ਦੀ ਸ਼ਿਕਾਇਤ ‘ਤੇ ਪੁਲਿਸ ਨੇ ਦੋਸ਼ੀ ਅਣਪਛਾਤੇ ਵਿਅਕਤੀ ਦੇ ਖਿਲਾਫ ਆਈਪੀਸੀ ਦੀਆਂ ਧਾਰਾਵਾਂ 365, 450, 376ਏ, 376ਬੀ ਅਤੇ 6 ਪੋਕਸੋ ਐਕਟ ਦੇ ਤਹਿਤ ਮਾਮਲਾ ਦਰਜ ਕੀਤਾ ਸੀ।
ਸੀਸੀਟੀਵੀ ਫੁਟੇਜ ਦੇ ਆਧਾਰ ’ਤੇ ਪੁਲਿਸ ਨੇ ਇਸ ਮਾਮਲੇ ਵਿੱਚ ਮੁਲਜ਼ਮ ਅਸ਼ੋਕ ਉਰਫ਼ ਸ਼ਾਕਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਸੀ। ਇਸ ਮਾਮਲੇ ‘ਚ ਪੀੜਤਾ ਦੇ ਦਾਦੇ ਨੇ ਆਪਣੀ ਸ਼ਿਕਾਇਤ ‘ਚ ਦੱਸਿਆ ਸੀ ਕਿ ਬੱਚੀ ਦਾ ਪਿਤਾ ਜੇਲ੍ਹ ‘ਚ ਹੈ, ਮਾਂ ਦੀ ਮੌਤ ਹੋ ਚੁੱਕੀ ਹੈ, ਜਿਸ ਕਾਰਨ 8 ਸਾਲਾਂ ਬੱਚੀ ਅਤੇ ਉਸ ਦਾ 6 ਸਾਲਾ ਭਰਾ ਉਸ ਦੇ ਨਾਲ ਰਹਿੰਦੇ ਹਨ। ਕੇਸ ਮੁਤਾਬਕ ਬੱਚੀ ਦੀ ਮਾਂ ਦਾ ਕਤਲ ਉਸ ਦੇ ਹੀ ਪਿਤਾ ਨੇ ਕੀਤਾ ਸੀ, ਜਿਸ ਕੇਸ ਵਿੱਚ ਉਹ ਜੇਲ੍ਹ ਵਿੱਚ ਹੈ।
ਅਦਾਲਤ ਨੇ ਆਪਣੇ ਫੈਸਲੇ ਵਿੱਚ ਸਖ਼ਤ ਟਿੱਪਣੀ ਕੀਤੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਸੁਪਰੀਮ ਕੋਰਟ ਦੇ ਇਕ ਹੁਕਮ ਦਾ ਹਵਾਲਾ ਦਿੰਦੇ ਹੋਏ ਆਪਣਾ ਜਵਾਬ ਵੀ ਦਿੱਤਾ ਹੈ। ਅਦਾਲਤ ਨੇ ਕਿਹਾ ਕਿ ਮੌਜੂਦਾ ਸਥਿਤੀ ਵਿੱਚ ਜਦੋਂ ਔਰਤਾਂ ਵਿਰੁੱਧ ਅਪਰਾਧ ਵੱਧ ਰਹੇ ਹਨ ਅਤੇ ਅਜਿਹੇ ਅਪਰਾਧ ਮਨੁੱਖੀ ਮਾਣ-ਸਨਮਾਨ ਦੇ ਨਾਲ-ਨਾਲ ਸਮਾਜ ਲਈ ਵੀ ਅਪਮਾਨਜਨਕ ਹਨ, ਤਾਂ ਘੱਟ ਸਜ਼ਾ ਦੇਣਾ ਪੀੜਤ ਅਤੇ ਆਮ ਤੌਰ ‘ਤੇ ਸਮਾਜ ਨਾਲ ਬੇਇਨਸਾਫ਼ੀ ਹੈ। ਇਸ ਲਈ ਦੋਸ਼ੀਆਂ ‘ਤੇ ਰਹਿਮ ਕਰਨਾ ਨਿਆਂ ਦਾ ਘਾਣ ਹੋਵੇਗਾ।
ਦੇਸ਼ ਦੀ ਮਾਣਯੋਗ ਸੁਪਰੀਮ ਕੋਰਟ ਨੇ ਸ਼ਾਮ ਨਰਾਇਣ ਬਨਾਮ ਸਟੇਟ ਆਫ ਐਨਸੀਟੀ ਦਿੱਲੀ 2013 (3) ਆਰਸੀਆਰ (ਅਪਰਾਧਿਕ) 102 ਵਿੱਚ ਨਾਬਾਲਗ ਕੁੜੀਆਂ ਦੇ ਬਲਾਤਕਾਰ ਦੇ ਮਾਮਲਿਆਂ ਵਿੱਚ ਸਜ਼ਾ ਦੀ ਮਾਤਰਾ ਨਾਲ ਸਬੰਧਤ ਕਾਨੂੰਨ ਨੂੰ ਦਰਸਾਉਂਦੇ ਹੋਏ ਕਿਹਾ ਹੈ ਕਿ ਅਦਾਲਤ ਨੂੰ ਲਾਜ਼ਮੀ ਤੌਰ ‘ਤੇ ਮਾਸੂਮ ਅਤੇ ਬੇਸਹਾਰਾ ਬੱਚੀਆਂ ਨਾਲ ਜਬਰ-ਜ਼ਨਾਹ ਦੇ ਘਿਨਾਉਣੇ ਅਪਰਾਧ ਦੇ ਮਾਮਲੇ, ਇਨਸਾਫ਼ ਲਈ ਸਮਾਜ ਦੀ ਅਪੀਲ ਸੁਣਨੀ ਚਾਹੀਦੀ ਹੈ ਅਤੇ ਬਣਦੀ ਸਜ਼ਾ ਦੇ ਕੇ ਜਵਾਬ ਦੇਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ : ਲੁਧਿਆਣਾ : ਨਵਜੰਮੀ ਨੂੰ ਕੋਠੇ ਤੋਂ ਸੁੱਟਿਆ, ਇੱਕ ਦਿਨ ਦੀ ਵੀ ਨਹੀਂ ਬੱਚੀ, ਘਟਨਾ CCTV ‘ਚ ਕੈਦ
ਦੇਸ਼ ਦੀ ਮਾਣਯੋਗ ਸੁਪਰੀਮ ਕੋਰਟ ਨੇ ਕਿਹਾ ਕਿ ਇੱਕ ਅੱਠ ਸਾਲ ਦੀ ਬੱਚੀ ਜਿਸ ਨੂੰ ਖੁਸ਼ੀ ਵਿੱਚ ਸਮਾਂ ਬਿਤਾਉਣਾ ਚਾਹੀਦਾ ਸੀ, ਨਾਲ ਜਾਨਵਰਾਂ ਵਰਗਾ ਸਲੂਕ ਕੀਤਾ ਗਿਆ ਅਤੇ ਉਸ ਦੀ ਪਵਿੱਤਰਤਾ ਅਤੇ ਸਰੀਰਕ ਢਾਂਚੇ ਦੀ ਗਰਿਮਾ ਨੂੰ ਤੋੜ ਦਿੱਤਾ ਗਿਆ। ਬੱਚੀ ਦੀ ਦੁਰਦਸ਼ਾ ਅਤੇ ਉਸ ਦੇ ਸਦਮੇ ਦੀ ਕਲਪਨਾ ਕੀਤੀ ਜਾ ਸਕਦੀ ਹੈ। ਬੱਚੀ ਸਮੇਂ ਨਾਲ ਦਰਦਨਾਕ ਤਜ਼ਰਬੇ ਅਤੇ ਨਾਭੁਲਣ ਵਾਲੀ ਸ਼ਰਮ ਨਾਲ ਵਧੇਗੀ। ਉਹ ਜ਼ਰੂਰ ਆਪਣੀ ਜ਼ਿੰਦਗੀ ਦੀ ਬਸੰਤ ਤੋਂ ਵਾਂਝੀ ਰਹਿ ਜਾਏਗੀ। ਇਸ ਮਾਮਲੇ ਵਿੱਚ ਕਰੀਬ 8 ਸਾਲ ਦੀ ਇੱਕ ਬੱਚੀ ਦਾ ਸ਼ਿਕਾਰ ਹੋਇਆ ਹੈ। ਇਹ ਮਰਦ ਦੀ ਹਵਸ ਕਰਕੇ ਕੀਤਾ ਗਿਆ ਹੈ। ਉਸ ਦੇ ਪਰਿਵਾਰ ਨੂੰ ਪਿਛਲੀਆਂ ਸਾਰੀਆਂ ਘਟਨਾਵਾਂ ਨੂੰ ਭੁੱਲਣ ਲਈ ਇੱਕ ਲੰਮਾ ਰਾਹ ਤੈਅ ਕਰਨਾ ਪਏਗਾ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
